Arquivo do blog

CantoConto!: Festa final con Migallas Teatro.

Queridísimas familias, moi ao noso pesar tivemos que dicir adeus a CantoConto! Iso si, só durante uns meses: en outubro volveremos vernos para seguir contando contos e cantando moitas cancións. Pero, para despedirnos ao grande deste curso, quixemos contar cuns amigos moi divertidos que sabiamos que vos ían a namorar: nada menos que Migallas Teatro.

Para os que non puidestes vir, deixámosvos aquí unha selección das fotos que sacamos nas catro sesións que se celebraron, nas bibliotecas do Fórum, Sagrada Familia, Monte Alto e Castrillón.

CantoConto!: Ti podes!

Os nosos amigos Bea e Paolo presentáronnos a un amigo seu, un lobiño que non era capaz de soltar o seu chupete. Para conseguilo, con moito agarimo foron contando e cantando uns contos marabillosos: “Polo camiño“, “Chibos chibóns“, “Qué fai falta?“, “Lúa“, etc.

Qué contento estaba o noso lobo! Grazas a tenrura de Bea e Paolo, e, como non, ao seu sentido do humor, pasamos unha tarde deliciosa. Moitas grazas por acompañarnos!

Esperamos volver vervos o curso que vén, estade atentos ao noso blogue, a nosa páxina web e ás redes sociais (facebook e twitter) das bibliotecas municipais. Lembrade que este é un programa para familias con nenos de 2 e 3 anos, así que se voso peque ten esta idade só tedes que inscribirvos sete días antes da sesión á que queredes asistir.

Feliz verán, cantoconteiros!

Advertisements

CantoConto! Parabéns!

Con motivo da celebración do aniversario dunha das nosas bibliotecarias, aproveitamos esta sesión para felicitar todos os aniversarios do ano, tanto das nenas e nenos como de seus pais e nais, avós e avoas… pero, ao estilo CantoConto!, con cancións e contos.

Descubrimos que a nosa compañeira estaba de aniversario, como non, a través do conto “¡Que llega el lobo!” ¡Que llega el lobo!dun dos nosos escritores/ilustradores favoritos, Èmile Jadoul. Este escritor belga vive no medio do bosque onde atopa diferentes animais que inspiran as súas historias e imaxes cheas de vida e cor. Como nesta ocasión, en que varios animaliños advirten da chegada do lobo á casa de gran Cervo, onde lle agarda unha fabulosa… Sorpresa!

Chancho-PanchoPero a meirande preocupación que pode ter unha persoa que vai estar de aniversario, non é a celebración de cumpreanos senón como se comporten os seus convidados na mesma. Isto aconteceu no conto de “Chancho-Pancho“, que conta as peripecias dun porquiño que, xa con nove anos, vai celebrar por primeira vez o seu aniversario, pero a concorrida reunión váiselle das pezuñas e convértese nun despropósito caótico, interrompido prematuramente pola súa enfurecida tía Asunción.

Este maxestuoso conto, está escrito e ilustrado polo estadounidense Maurice Sendak, que xa desde os 9 anos crea e ilustra, coa axuda do seu irmán, libros para nenos. Cabe destacar, que en 1970 gañou a Medalla Internacional Hans Christian Andersen ao mellor ilustrador. E no 2003 foi galardoado co premio Memorial Astrid Lindgren, ex aequo coa escritora austriaca Christine Nöstlinger. E, en 1964, foi galardoado coa medalla Caldecott. Por se isto fora pouco, ilustrou máis de 100 libros de autores como Hans Christian Andersen e será lembrado como o debuxante que revolucionou o libro infantil.

Finalmente, unha boa celebración que se precie, non pode rematar sen agasallos. E, en CantoConto! tiñamos o mellor, “El regalo“, escrito por  Gabriela Keselman. Onde coñecimos a Miguelito, que quería…

ALGO GRANDEEL REGALO

SUAVE E QUENTIÑO

ALGO FORTE

DOCE QUE DURE UN ANAQUIÑO

QUE O FAGA VOAR

QUE O FAGA RIR

QUE SE MOVA DUN LADO A OUTRO

COMO CHE GUSTARÍA A TI!

Para despedirnos dunha sesión chea de sorpresas, apertamos aos nosos seres queridos, e con eles cantamos un clásico de todas as festas de aniversario, o cumpreanos feliz… dun xeito moi especial:

Se queredes seguir desfrutando dos contos e da música, ademais de consultar o noso catálogo en liña, deixámosvos as recomendacións desta sesión.

recomendamos-cantoconto

  • El mensaje secreto de cumpleaños / Eric Carle.– [S.l.]: Kókinos, cop. 2007.
  • ¡Feliz cumpleaños, Mauro! / David Melling; [traducción, Elena Gallo Krahe].- [Zaragoza]: Edelvives, D.L. 2014.
  • La magia de los regalos / Montse Tobella.– Zaragoza: Edelvives, D.L. 2009. –
  • Lulú voltereta / Daniel Picouly, Frédéric Pillot.– Madrid: Pearson Educación, D.L. 2006.
  • Cumpleaños feliz / Juliet Pomés Leiz.– Barcelona: Tusquets, 2005.
  • Só un reloxo / Roberto Aliaga; Amrei Fiedler; [traducción, María Alonso Seisdedos].– Fraga (Huesca): La Fragatina, 2015.
  • Coas mans baleiras / texto de Ana Tortosa; ilustracións de Cecilia Varela.– Pontevedra: OQO, 2010.
  • A casa da miña avoa / texto de Pep Bruno; ilustracións de Matteo Gubellini.– Pontevedra: OQO, 2009.
  • Un dedo al año / Montse Ganges [texto]; Imapla [ilustracións].– Barcelona: Thule, cop. 2007.
  • Un agasallo diferente / Marta Azcona, Rosa Osuna.–     Pontevedra: Kalandraka, 2005.
  • Un regalo muy grande / Carl Norac; ilustracións Émile Jadoul.– Zaragoza: Edelvives, D.L. 2004.
  • El más bonito de todos los regalos del mundo / Pascal Teulade; ilustracións de Jean-Charles Sarrazin.– Barcelona: Corimbo, cop. 1999.

Deixámosvos unhas fotos das sesións de todas as bibliotecas. Agardamos que vos presten! Vémonos na vindeira sesión e non esquezades reservar a vosa praza!

This slideshow requires JavaScript.

Avoa Youja: “O aloumiño dunha estrela”. Bbencontro Os Rosales 14 maio.

“Se estarricamos moito os brazos, moi  lonxe, cara o ceo, parécenos tocar as estrelas coa punta dos nosos dedos. Parece imposible, ¿non si?…”

O programa de animación á lectura nas bibliotecas “Ler conta moito”, traénos o próximo sábado 14 de maio ás 11h un Bbencontro especial na Biblioteca Municipal Os Rosales da man de Fran Buceta e a Marta Faílde : Avoa Youja Teatro. As familias participantes con nenos ata os 3 anos disfrutarán mediante a música ó vivo e a manipulación de obxectos dun espectáculo cheo de estrelas e astros: “O alumiño dunha estrela”.

“…No espazo agromarán estrelas que brillan e nos rodean. Para bailar entre elas, para que as pequeniñas e os pequerrechos  experimenten a marabilla da beleza e ofrecerlles así a posibilidade de voar tan alto como a súa capacidade de imaxinar novos mundos. Porque rabuñar a bóveda celeste coas puntas dos seus dediños é posible”.

O alumiño dunha estrela

Estades invitados

Recordámosvos como podedes facer para inscribirvos:

Sete días antes da celebración do Bbencontro a partir das 10h 

en  www.coruna.es/bibliotecas

Prazas limitadas

Día do libro e de bebencontro.

Din que o bo cando é breve é dúas veces bo. Nós pensamos que as cousas boas deixan un regusto tan bo que perduran no tempo e no espazo. Física cuántica ao lado, o pasado sábado a biblioteca de Ágora convertiuse nun lugar especial, desta volta cambiamos espazo e tempo para transformar a biblioteca nun lugar non novo, pero diferente. E todo para celebrar un Día do Libro que pasou voando.

Voar é precisamente un verbo que vale para conectar toda a alada compaña coa que

BEBENCONTRO DÍA DO LIBRO 050

As galiñas picando no chan como xoguete rítmico

compartimos o bebencontro do pasado sábado. Se é ben sabida a repercusión positiva do estímulo musical e rítmico nxs bebés, o estímulo musical que pode supuxo poder asistir a
un concertó en directo na biblioteca, fixo de broche dunha sesión presentada polo Paxaro Ole, guiada polo Polo Pepe e rematada con grullas de papel como agasallo do Día do Libro.

 

Como xa anunciaramos tanto neste blog como en Bibliosons, a presencia de The Chinese Birdwatchers axudou a convertir a zona xuvenil da biblioteca no escenario perfecto para un desenchufado onde xs pequenxs poliñxs amosaron o efecto hipnótico da música nxs pequenxs – e maiores – que observaban e se movían ao ritmo da música.

BEBENCONTRO DÍA DO LIBRO 084

The Chinese Birdwatchers

Pode que a sesión fora breve, pode que o concertó tamén, pero a sensación de frescura que xordeu esa tarde pode ser a porta para un achegamento máis profundo aos beneficios da música  no desenvolvemento cerebral  das primeiras idades. E por si queredes afondar algo neste aspecto, aquí vos deixamos unha serie de referencias bibliográficas que vos axudarán a valorar este aspecto na súa nota correcta:

Barbarroja, M.J. (2007). La música en Educación Infantil. Innovación y experiencias educativas. nº 14 (enero), 1-14.
Campbell, Don. (2006) El Efecto Mozart para niños : despertar con la música la mente, la salud y la creatividad del niñoArgentina : Urano, D.L.
Ceular, M.T. (2009). Educación musical en Infantil, pero ¿cómo? Innovación y experiencias educativas, nº 15 (febrero), 1-12.
Ferrerós, Mª Luisa. (2008) Inteligencia musical : estimula el desarrollo de tu hijo por medio de la música.Barcelona : Scyla.
LaCárcel Moreno, J. (1995). Psicología de la música y educación musical. Madrid: Aprendizaje Visor.
Vilar, M. (2004). Acerca de la Educación Musical. Revista electrónica de Léeme (Lista Europea de Música en la Educación). nº 13(mayo).
Webber Aronoff, F. (1974). La música y el niño pequeño. Buenos Aires: Ricordi.
Zarate Pons, A. (1995). Juegos al aire libre. Madrid: M.E. Editores.

23 DE ABRIL: Un bebencontro alado na biblioteca de Ágora.

Resulta polo menos intrigante chegar a pensar na relación directa que pode existir entre o Día do Libro e os paxaros. Se a esa relación lle engadimos a presenza dxs nosxs bebés polo medio, chegamos a un punto no que as palabras parecen voar sin sentido dun lado a outro.  Mais en realidade, todo esto ten unha explicación, e unha explicación con agasallo, de feito con múltiples agasallos…

CABECERA BLOG

Xa temos falado da música como fío conductor á hora de relatar ou engadir un punto rítmico ao momento de achegarse á lectura nas primeiras idades. O ritmo, a entoación, a musicalidade da palabra, son recursos que enchen os ocos emocionais que propoñen eses obxectos extraños cargados de fantasía: os libros. Precisamente o día do próximo Bebencontro na Biblioteca de Ágora coincide co día de celebrar eses obxectos máxicos, os libros, e por ese motivo temos preparada unha sesión especial grazas a unhas persoas que gostan do repouso que proporciona observar paxaros.

O día 23 de Abril, tan só haberá unha sesión de Bebencontro na Biblioteca de Ágora, con 20 plazas á vosa disposición a partir de mañá ás 10h. na nosa web. Unha sesión única e especial na que desfrutaremos da lectura compartida en familia e abriremos o espazo para un agasallo moi especial: a actuación en acústico do grupo The Chinese Birdwatchers -do que poderedes saber máis no post que ven de ser publicado en Bibliosóns– previo á súa actuación esa noite no Garufa.

Pero non só eso, ademáis xs compoñentes do grupo traen consigo a iniciativa “LibrosXMúsica”, unha proposta para celebrar o Día do Libro. Cada persoa que achegue un libro novo a súa actuación (na biblioteca ou no Garufa) será agasalladx cun disco do grupo. Todos este libros serán logo doados ás Bibliotecas Municipais para pasar a ser parte do fondo colectivo da cidade.

Seguides sin saber qué facer o sábado 23 de Abril pola tarde? Pois sexas bebé ou adulto, non dubides en achegarte a desfrutar da música dos The Chinese Birdwatchers.

Cartel Coruña_v2

Esperámosvos!

Músicas para unha bebeteca

Hai tempo que tiñamos ganas de compartir con vós un post centrado nas músicas que empregamos nas sesións da nosa Bbteca, tanto para poñermos en común a importancia que nós lle outorgamos ao emprego da música como ferramenta comunicativa cara aos bebés como tamén pola posibilidade que abre para sabermos a vosa opinión sobre a escolla e o uso que facemos das diferentes músicas ao longo do calendario anual do programa.

A música foi protagonista das nosas sesións

A música foi protagonista das nosas sesións

Como sabedes -e quen tivestes ocasión de facer parte dos Bbencontros podedes acreditalo- a música é, sen dúbida, un dos factores máis importantes no deseño e no desenvolvemento das nosas sesións. Axúdanos a crear un ambiente propicio para a presentación dos contidos, contribúe a suxerir emocións e a reforzar os elementos visuais cos que traballamos as historias -a nivel xestual e corporal-  e marca os diferentes momentos do bebencontro: na benvida, con ritmos máis dinámicos; no desenvolvemento dos contos, con músicas axeitadas para o seu acompañamento; na exploración final, con melodías máis relaxantes. A importancia do uso das músicas é tal que moitas veces é o texto quen se subordina ao ritmo da propia canción, por ser esta quen mellor transmite as sensacións e os contidos que queremos facer chegar aos bebés.

Wim Mertens, Mundo Livre S.A., Bjork… moitas foron as músicas da nosa Bebeteca

Canto á escolla, o criterio que empregamos é simplemente que resulten axeitadas para comunicar o que queremos, sen nos limitar a ningún estilo ou prexuízo estético previo. O resultado, desta maneira, é ecléctico e rico en matices, e para nós vólvese un pracer comprobar como poden interactuar textos e ilustracións dirixidas aos máis pequenos con cancións que non definiriamos nunca como infantís. O resultado, do noso punto de vista, é suxerente, interesante e, sobre todo, eficaz. Funciona, gusta, acompaña. Mantén a atención dos bebés e reforza os contidos a transmitir.

Fanfare Ciocarla, Moby e Tom Zé foron algúns dos artistas que empregamos nos Bebencontros

Fanfare Ciocarla, Moby e Tom Zé foron algúns dos artistas que empregamos nos Bebencontros

Lembramos por iso aquí algunhas das maridaxes propostas. Eric Carle con Duke Ellington ou The Cure, Hervé Tullet con Bjork e a Orquestra Riverside, Paula Bossio con St. Germain, Strauss e Dave Brubeck, Noemí Villamuza con Tom Zé, Guadi Galego, Fanfare Ciocarlia e Moby, Jo Lodge con Wim Mertens e Toquinho… En definitiva, unha verdadeira festa de combinacións sen complexos, de mesturas capaces de provocar o gozo estético tanto dos bebés como dos pais e nais asistentes.

Mais se en todos os casos as músicas seleccionadas resultan básicas para o desenvolvemento das sesións, nalgunhas foron directamente as súas protagonistas centrais. Ocorreu desa maneira, por exemplo, na deseñada arredor da tradición dos arrolos e das cantigas de berce (na que empregamos diferentes creacións de Xabier Díaz e do seu fermosísimo disco Arrolos de salitre) e igualmente na que desenvolvemos para traballar a multiculturalidade, para a cal aproveitamos diferentes volumes da estupenda colección de Kókinos sobre as músicas do planeta, singularmente os relacionados coa África negra e o mundo da lusofonía.

Gustaríanos, porén, complementar este noso post coa vosa opinión. Interésanos saber que vos pareceu o emprego das músicas naquelas sesións das que fostes partícipes, e igualmente coñecer a vosa experiencia particular, nos vosos fogares, con artistas ou con cancións en concreto, en relación á atención, emoción e resposta dos vosos bebés.

A estas alturas xa seguramente teredes lido moito sobre o efecto Mozart, ou saberedes da importancia de xogar e investigar sobre a clase de música da que gosta o voso bebé. Escoller diferentes tipos de música e ver as súas reaccións pode ser un exercicio, neste sentido, útil e divertido a un tempo. Polo que indican os expertos, ao comezo é probable que lle agraden as músicas máis suaves, para despois ir variando os seus gustos a medida que vaia medrando.

En fin, neste post non tiñamos máis pretensión que facer unha simple achega ao papel da música nos nosos Bebencontros e, por extensión, aos beneficios do uso da música como ferramenta para a estimulación dos bebés. Agardamos que fose do voso interese e convidámosvos a seguir experimentando pola vosa conta. E aínda que o programa dos BBencontros xa rematou e non volveremos até o mes de outubro, neste caso non queremos marchar “coa música a outra parte”. Que quede con nós e que non nos falte!

Aplauso final para un post musical

Unha achega ao “diferente”

É un feito que vivimos nun mundo globalizado, rodeados dun enorme abano de culturas que se mesturan para conformar unha identidade heteroxénea. Pero tamén é unha realidade que formamos parte desa grande diversidade, incluídos os nosos bebés, e percibímola no día a día: falando na escola, xogando no parque ou camiñando polo barrio. É importante aprender a compartir e convivir coa variedade que nos rodea.

Desde a Bebeteca queremos presentar o libro como medio transmisor desta mensaxe. O noso obxectivo? Achegarnos desde idades temperás ao “diferente” da nosa vida cotiá coa fin de aprender a respetar e valorar todo o conxunto que nos rodea, e así entender aquela diferencia que, lonxe da contorna, forma parte dun mundo que os nenos e nenas comezan a considerar como propio a partires dos catro/cinco anos.

Iyoké e os ruídos estrañosÉ por iso que os pequenos/as precisan mergullarse nas páxinas dos contos cos que están en contacto. Contos que comparten ideas, historias e información sobre culturas, razas, linguaxes e tradicións. Contos que abrazan o noso mundo e amosan aos nenos e nenas novas formas de conexión coa diversidade e riqueza do global que nos rodea.

Sen embargo, os prexuízos ou descoñecementos por parte dos maiores cara a outras culturas, chegan a provocar nos pequenos/as certas actitudes de sorpresa, temor e nalgúns casos rexeitamento cara ao que é diferente. Nós como bibliotecarixs e mediadorxs nun espazo socializador, consideramos importante absorber esta carencia a través de sinxelas historias, personaxes e imaxes que reflictan elementos propios de cada cultura para axudarlles a descubrir o bo de ser tan diferentes.

Lula e Bemba: fíos condutores da sesión.

Así é que nesta sesión sentimos a necesidade de achegarvos a eses “mundos afastados”, de recuperar as súas nanas, as súas cancións infantís e o folclore popular para gozar dunha participativa viaxe multiculturalEsperámosvos no vindeiro BbEncontro!

Semana da Música Infantil na Feira do Libro de A Coruña 2014.

feria libro
A Feira do Libro de A Coruña abre as súas portas desde mañá, 1 de agosto, e ata o 10 de agosto, nos xardíns de Méndez Núñez. Conta cunha variada programación para todos os públicos e terá un horario de apertura moi amplo, de 11 a 14 e de 18 a 22 h.

E, a partir do luns 4, ofrécenos unha nova edición do festival de música e lectura infantil “Lemos, cantamos, gozamos” nunha das dúas carpas de actividades da feira: a partir das 20 horas poderemos cantar e bailar cos nosos pequenos na boa compaña de Susa Herrera, Olga Brañas, Migallas Teatro, Xoán CurielMaría Fumaça, As Maimiñas e Paco Nogueiras.

E, para poder gozar moito mellor do espectáculo, recomendámosvos que pasedes previamente pola biblioteca máis próxima e vos levedes en préstamo os libros e discos destes artistas:

  • Cartas que veñen e van” e “Todos os animais ó caixón“, de Susa Herrera con Mamá Cabra.
  • Animais encantadores” e “En Cabárceno se oye cantar“, de Susa Herrera.
  • Pitusa Semifusa“, de Olga Brañas.
  • Pan de Millo“, “Un avó especial” e “¡Canta connosco!“, de Migallas Teatro.
  • Estamos no verán!“, de Charo Pita e Xoán Curiel.
  • … cantar e bailar para ser máis feliz!!!” e “Xiqui Xoque, Fiú Fiú“, de María Fumaça.
  • Brinca vai“, de Paco Nogueiras.

E preparádevos para gozar do lindo con algúns dos mellores artistas para nenos de Galicia!

A creatividade ao seu alcance

Que vos parece se aproveitamos o verán para facer cos nenos o que durante o resto do ano non podemos?

As vacacións sempre son unha boa época para facer todo aquelo que a axenda deixa na recámara, que se o traballo, que se a casa, o cole… Todo parece ir collendo eses minutos que tan preciados son para adicarlle ós nosos pícaros, por iso que mellor que os días libres, con todas esas horas ao noso alcance, para prestarlle máis atención ós xogos e demáis actividades cos pequenos!

creatividad

A creatividade é un don cada vez máis valorado e xa cultivado en moitas escolas e empresas, así que aquí propoñemos adicarlle ese tempo de ocio extra co que contamos nestas datas ós nosos pequechos para potenciar todas esas habilidades que, nalgúns casos xa son recoñecidas e noutros aínda ocultas pero que, de  seguro, todos teñen en maior ou menor medida.

A creatividade axudaralles a ir conformando un pensamento orixinal, baseado na imaxinación (algo moi propio nestas idades), asociar conceptos e ideas e crear outras novas; apoia e estimula os procesos mentais, a sensibilidade e a conciencia e mesmo a intuición.

E aínda que parece algo difícil, nada máis sinxelo que, por exemplo, os xogos ou a música (algo do que xa temos falado neste Blog) para incentivar esta faceta. Pero se aínda queredes afondar máis neste tema e descubrir novos xogos e actividades, aquí vos deixamos unha selección de libros que poderedes atopar, coma sempre, nas Bibliotecas Municipais da Coruña.

Libros sobre creatividad

Desfrutade, creade e sentide!

catálogo

Nace Bibliosons: un novo blog de música nas Bibliotecas Municipais

cropped-propostas1.jpgNas Bibliotecas Municipais da Coruña estamos de estrea, acabamos de inaugurar un blog de música, Bibliosons, co obxectivo de iniciar unha nova canle de comunicación con todos os amantes da música que visitades a miúdo os nosos fondos musicais ou descoñecedes por completo todo o que as nosas bibliotecas agochamos nas estanterías entre libros, películas e cd´s

Bibliosons pretende descubrirvos a gran variedade dos nosos fondos musicais pero tamén:

  1. Informar das últimas novidades musicais incorporadas ao noso catálogo
  2. Difundir as actividades que organizamos relacionadas coa música
  3. Crear un espazo interactivo onde colaborar con entidades e asociacións que traballan no eido da música na nosa cidade
  4. Empregar a música coma un elemento de integración das comunidades de inmigrantes existentes na Coruña, a través do (re)coñecemento da diversidade cultural e da súa valorización en positivo
  5. E sobre todo, por riba de todo: charlar, compartir, opinar, debatir e mellorar as nosas bibliotecas e particularmente os nosos fondos musicais con todas vosas aportacións e comentarios.

cropped-propostas11.jpg

Bibliosons está estruturado en 8 categorías temáticas:

  • Local (artistas e grupos)
  • Actualidade (novidades, concertos, …)
  • Retrovisor (artistas e bandas, escenas musicais, … de épocas pasadas)
  • Recomendacións (nosas e dos nosos usuarios e usuarias)
  • Entrevistas (a artistas, xente do ambiente musical da cidade, …)
  • Radio (lista de reprodución)
  • En profundidade (reportaxes)
  • Ao Vivo (crónicas de concertos, os Xoves na Sagrada, …)

Participa, comenta e descúbrenos esa música que non atopas nas nosas bibliotecas, axúdanos a mellorar, porque como dicía Shakespeare:

O home a quen non lle conmove o acorde dos sons harmoniosos, é capaz de toda clase de traicións, estrataxemas e depravacións.  William Shakespeare

bibliosons3

E se queres recibir as próximas actualizacións de Bibliosons no teu correo, deixános o teu nome e o teu correo no formulario de contacto.

%d bloggers like this: