Arquivo do blog

Un verán con libros para os máis pequenos

Nas Bibliotecas Municipais sabemos que nunca é demasiado cedo para introducir os contos na vida dos máis pequerrechos, amosándolles historias, e proporcionándolles estímulos que acrecenten a súa curiosidade polos libros e a “vida” que conteñen.

Por iso, no noso catálogo web poderedes atopar moitos recursos destinados a estos “miniusuarios”.

Aquí tendes unha selección dalgúns dos títulos ao teu dispor nas bibliotecas:

  • El bebé jefazo : como él mismo / Marla Frazee.– Madrid : Cubilete, 2017.

Neste conto, atoparémonos ca figura do irmán pequeno e o que supón para o neno a chegada doutra personiña ca que terá que compartir todo…. incluso ós pais!

  •    1, 2, 3_¡Mío es! / Margarita del Mazo ; Cecilia Moreno.– Madrid : Jaguar, 2016.

Interesante libro, ideal para amosar o importante que é compartir, narrado dende a figura de Ramón, un rapaz ao que o seu amigo Leo lle quita o balón… Como será a súa reacción?

  •   Mamás y bebés : explora los animalitos.– New York (USA) : Parragon, cop. 2015.

Este libro permite ó bebé tocar e explorar as diferentes texturas nos corpos dos cadeliños ou patiños, entre outros moitos animáis.

  • Mi primer libro de las estaciones / Xavier Deneux.– Madrid : SM, 2015.

Un libro de sensacións, de tacto no que en cada estación o neno poderá tocar e sentir a textura das diferente prendas de roupa do seu protagonista… Que diferenza haberá entre unha camiseta de verán, e un plumífero de inverno?

  • Toca los colores. Negro y blanco.– Barcelona : Planeta, 2015.

Libro de texturas que introduce ó neno no mundo das cores.

  •    5 patitos / Margarita del Mazo ; Cecilia Moreno.– Madrid : Jaguar, 2016.

Os “5 patitos” é unha das mellores formas de achegar ós máis pequenos da casa ás diferentes cores, imaxes e texturas, dunha forma divertida e que sen dúbida, captará toda a súa atención.

  • Mi cara / Margarita del Mazo ; Cecilia Moreno.– Madrid : Jaguar, 2016.

Unha canción popular e un divertidísimo xogo no que se comparan as diferentes partes da casa ca cara dos máis pequenos, é a forma na que este libro estimulará a atención dos bebés.

  • Arturo el pez; Berta la ballena / [ilustraciones de Géraldine Cosneau].– Barcelona : Océano Travesía, 2015.

O baño é un dos momentos máis relaxantes para os bebés, e con este libro plástico, poderá desfrutalo xunto ao peixe Arturo e a balea Berta, descubrindo un novo mundo cheo de novas experiencias sensoriais.

  • ¡En marcha! : libro de contrastes / [creado por Roger Priddy ; ilustrado por Holly Jackman].– [Barcelona] : Titiris, 2013.

De pequeno e resistente formato, este libro a proba de bebés, captará a súa atención con divertidas cores e formas, e con marcados contrastes que axudarán a estimulación visual do pequeno.

 

Captura

Cubertas dos libros recomendados.

 

All You Need Is ICE-CREAM

AllYouNeedIsICE-CREAMChega o período estival e lugares como a sombra dunha árbore ou a beira do océano son espazos perfectos para que grandes e pequenxs se unan en torno á lectura.

Nas vosas mans un par de meses de descanso e desconexión; con tempo dabondo para fomentar o hábito lector e sentir a lectura como pracer, como un mundo máxico por descubrir, como instante que permite pensar, crear e soñar cos ollos abertos.

É por iso que este ano volvemos á carga cunha saborosa e ben fresquiña selección bibliográfica

Mostra Bibliográfica ICE-CREAM

Baixo o nome de All You Need Is ICE-CREAM (… soa apetecible…) compartimos unha carta de máis de corenta xeados ou historias de fición que, paralelamente, vos achegan receitas de temporada adaptadas ás manciñas cociñeiras dxs máis pequenxs. Para acceder ás mesmas só precisades pasar o teléfono móbil ou Tablet polo lector de códigos QR e… voilá! Unha xornada coas mans na masa!

AllYouNeedIsICE-CREAM.receitas

Como sobremesa, convidarvos a visitar o noso espazo ICE-CREAM, levar en préstamo algún dos xeados que temos á vosa disposición e desexarvos… BON APPÉTIT & ENJOY THE SUMMERTIME!

READ & PLAY lecturas divertidas

Cartaz READ&PLAY

Libros durante o verán? Sen dúbida, unha excelente opción para manter as destrezas de lectura e a imaxinación ocupada durante o descanso escolar. Accións como xogar, crear ou simplemente comunicarse a partir dun conto, axúdannos a gozar da lectura e incorporala como un hábito na nosa rutina diaria.

Dende a Biblioteca Municipal Ágora presentámosvos Read & Play, unha proposta estival na que a diversión entre pequenos/as e maiores está garantida.

Un total de 35 títulos, clasificados por idade, cun contido ameno e textos variados, compoñen esta selección de libros que ten por finalidade fomentar o interese pola lectura.

Galería fotográfica da mostra e espazo “Read & Play”

Non é unha novidade que o verán e as vacacións ofrecen a oportunidade de traballar a lectura en familia e de entendela como unha actividade de desfrute e pracer. Unha boa idea é aproveitar as múltiples posibilidades que proporciona o periodo estival para lograr que nenos e nenas lean.

Tendo isto en conta, puxémonos mans á obra e deseñamos unha batería de recursos lúdicos/dinámicos para realizar na casa, durante unha saída ao campo ou mesmo na praia.

A creatividade (pintura), a intelixencia (lóxica matemática), o movemento (sendeirismo), o traballo das emocións e a arte culinaria (cociña) teñen un peso específico co obxectivo de facer a experiencia lectora moito más completa.

Pode un can-plátano descubrirnos hábitos saudables de alimentación? ou unha simple caixa de cartón estimular a imaxinación dos/as máis pequenos/as?… Tedes agallas para escapar dun monstro verde e peludo? ou preferides viaxar á prehistoria e xogar coas pedras?

5

Guía de lectura e recursos prácticos

Estes e outros recursos poderédelos atopar nas tarxetas que complementan cada unha das recomendacións. Materiais moi sinxelos (de uso diario) e outros máis complexos (que podedes solicitar no mostrador da biblioteca), son os ingredientes que precisades para mergullarvos no máxico mundo da lectura.

E para rematar, emprazarvos a visitar o espazo Read & Play”, levar en préstamo algúns dos materiais que temos á vosa disposición e desexarvos un… ENJOY THE HOLIDAYS!!

%d bloggers like this: