Arquivo do blog

Mans arriba… crab revolution!

Ás veces tes sentimentos de tristeza? Dás brincos de felicidade? Que ocorre cando notas como os teus ollos se enchen de bágoas pero non estás enfadado/a? Repartes bicos a moreas ou pola contra sentes medo?… 

Deixando atrás as fresquiñas sandías e os doces xeados (xa degustados polos nosos usuarios e usuarias), achegámosvos unha nova proposta estival baseada na exploración das emocións e con cheiro a salitre. 

1. sniff… 2. ups… 3. go… 4. pirouette… 5. yeah… 6. HUG!

A mostra bibliográfica MANS ARRIBA… ISTO É UN ABRAZO! é a nosa particular revolución “cangrexil”. Crustáceos molones que recomendan lecturas coa fin de descubrir as emocións, coñecelas e falar delas.

Preme na imaxe para acceder á galería fotográfica do noso recuncho!

Á vosa disposición unha escolma de 50 títulos infantís. Historias xenéricas (Así es mi corazón e Emocionario), que tratan a afectividade (El primer beso, La gran fábrica de las palabras e Te quiero… casi siempre), que fan referencia á amizade verdadeira (Calma, Adiós manoplas, El león y el pájaro e Amigos), que deixan entrever os celos (Los fantasmas no llaman a la puerta e Cuando estoy celoso), que falan do enfado (Desavenencia), da tristeza (Grisela) ou dos medos (Mis pequeños miedos). Tamén contos nos que os personaxes se senten incomprendidos (Cuervo e Todos menos uno), amosan sentimentos de perda (Más allá del gran río), entusiasmo (El punto) e descubren o bo de ser diferente (Malena Ballena e Monstruo Rosa), entre outras propostas que poderedes curiosear nunha visita á Biblioteca.

Click and Hug me!

E como agasallo… este ticket canxeable por un ABRAZO! Máis nada que esperar a vosa visita coas MANS ARRIBA! Feliz entrada do verán e, por suposto, boa noite de San Xoán! Fire on Apple iOS 10.3

Escolas que camiñan…

O programa de Bebescolas leva a desenvolverse 3 anos xa vencellado á Biblioteca Municipal de Ágora. Na súa andaina, moitas son as historias que quedaron no camiño, achegando a biblioteca ás escolas infantiles dos barrios do Ventorrillo e Agra como un espazo de encontro e descubrimento para xs máis pequenxs.

Este mes de Xaneiro que acaba de terminar, Beba saiu da súa zona habitual, a Bebeteca, para achegarse a cada unha das Escolas Infantís da nosa contorna. Xunto con ela fomos algún de nós, cargadxs con maletas e bolsas, contos na cabeza e nas mans, e moita ilusión por visitar a un sector da poboación moi moi importante para as bibliotecas: Xs futurxs usuarixs.

Con Contos que Camiñan comezou este ano a desenvolverse o noso programa itinerante para xs máis pequenxs. Desta volta, as miras enfocaban ás emocións e a diversidade coa finalidade de achegar un fondo máis abstracto, a tolerancia como valor transversal na educación infantil. Para tal, Beba preparou unha escolla de contos moi especiais… Primeiro unha chea de contos diferentes para amosar a diversidade que existe nas propias bibliotecas, onde cada conto é un mundo cheo de música como Zapato (Villán, Óscar e Antonio Rubio. 2014), ou libros cheos de sorpresas como o xa clásico O Polo Pepe (Denchfield, Mark. 2013). E xunto con eses, o mundo máxico dun monstro que se emociona e emociona, que fai que xs pequenxs repitan e desfruten interpretando o que sinten: El monstruo de colores (Llenas, Ana. 2014).

Post (1)

Alumnxs da escola Carmen Cervigón ante El monstruo de colores.

E pintados do verde do monstruo que simboliza a calma, Beba preparou un conto moi especial para falar de diversidade: Cores, de Leo Lionni (2014). Coa axuda dxs pequenxs de cada escola, Beba e nós mesmxs celebramos a diversidade duns ratiños de moi diferentes cores que ao bailar, semellaban flores… Queredes achegarvos á galería das sesións? Pois pinchade aquí.

Post (2)

Lupe, Alma e os ratos de Leo Lionni na EI Agra do Orzán.

Quedamos agora á espera das Escolas que Contan, a segunda parte deste programa que se desenvolverá en maio e no que as escolas participantes (EI Ventorrillo, EI Carmen Cervigón-Padre Rubinos, EI Agra do Orzán, EI Xénesis, EI Parrulos Ventorrillo, EI Nazaret e EI PSN Bicos) achegaranse a vernos. Mentras tanto, seguimos a preparar os materiales para reforzar os contidos desa visita na que sexan elxs quen veñan visitarnos e participen do que para nós son os contos, a sixeleza de transmitir historias mediante as emocións.

Salud!

Emocións de despedida no Bebencontro da Biblioteca Infantil e Xuvenil. 25 de abril

O sábado 25 de abril, tivemos na Biblioteca Infantil e Xuvenil a derradeira sesión de Bebeteca antes da festa concerto do 16 de maio. Xunto a Nico, Druso, Martina, Helena, Lúa, Pepe, Jaime, Miguel, Laura e as súas familias, achegámonos ó mundo das adiviñas e das partes da cara.

This slideshow requires JavaScript.

 

Mediante o conto ¿Qué esconde el pequeño Edu? xogamos cos ollos, o nariz, as orellas… para que os máis peques, posteriormente recoñeceran nas caras dos maiores a ledicia, a sorpresa, a tristura e outras emocións.

Estamos na etapa idónea  de aprender a nomear as emocións básicas, a captar os signos de expresión emocional dos demáis, interpretalas corretamente, asocialas con pensamentos que faciliten unha actuación adecuada, e a controlar as emocións que conleven consecuencias negativas. Podemos aproveitar calquer situación para  facer que os pícaros reparen nas emocións: cando se sintan contentos, tristes ou enfadados, dicíndollo explícitamente, animándolles a que presten atención ós xestos de cada emoción, ó que produce cada unha delas. Un paso máis adiante será, pois, orientalos cara ás emocións das outras persoas, para poder empatizar e ter sempre presente a súa importancia dentro das relacións sociais.

Aprenderlle ós rapaces e rapazas a controlar as súas emocións non é sinónimo de reprimilas. Os nosos pequechos teñen que aprender a expresalas segundo o momento, a situación, as persoas presentes… dende os primeiros intres do xogo compartido. É importante amosarlle o que significa compartir, respectar quendas, prestar xoguetes, non mostrarse agresivo, á par que aprendemos a saudar e despedirnos, pedir as cousas en lugar de sacalas das mans, etc. Todo isto será unha tarefa moito máis doada si lles lembramos todo aquilo que fan ben, proporcionámoslles expresións de cariño, brindámoslles un vocabulario relativo ás emocións para que poidan comunicalas, pintar con eles facianas que expresen alegría, enfado…

As compañeiras da Biblioteca do Fórum xa nos adiantaban cómo espertar ás emocións nun post anterior, e dende a Biblioteca Infantil tamén falamos noutra ocasión de Cómo potenciar a intelixencia emocional, no que tamén deixabamos recomendacións de libros sobre a temática que podedes consultar en calquer momento.

Pero desta volta queremos facer fincapé neses contos que a través da fantasía, das historias, os ritmos e a tenrura dos que os len, poden acompañar a través das emocións aos máis pequenos e ver transformado o seu desenvolvemento. Porque os contos son unha gran axuda na educación emocional. Esperamos que vos gusten, e que vos emocionen!

Hastag das recomendacións das Bibliotecas Municipais

 

Se queredes comprobar a súa dispoñibilidade podedes consultar o catálogo.

Acceso ao catálogo das Bibliotecas Municipais

E xa sabedes que se queredes ver máis fotos da sesión podedes entrar no Flickr das Bibliotecas municipais

Charla informativa: Cómo potenciar a intelixencia emocional

Na Biblioteca Castrillón, temos unha nova oportunidade o vindeiro sábado 26 de outubro para afondar no tema da intelixencia emocional cos nosos fillos. África Alberti, psicóloga especializada no traballo infantil e no papel dos pais no desenvolmento da intelixencia emocional, impartirá unha charla informativa sobre este tema, que nos axudará a sentar as bases para lograr un capacidade emocional e beneficiosa.

Charla intelixencia emocional de Alfrica Alberti na Biblioteca Castrillon

A Educación Emocional é unha estratexia de pormoción da saúde que pretende mellorar a calidade de vida das persoas a partir do desenvolvemento das habilidades emocionales.  Nas bibliotecas pretendemos con estas charlas, reflexionar sobre a importancia de exercitar estos aprendizaxes apoiándonos nos nosos recursos, centros de interése, materias sobre saúde, psicoloxía, educación, etc.

Mostra bibliográfica sobre educación emocional

Mostra bibliográfica sobre educación emocional na Biblioteca do Castrillón

QUÉ: Charla: “Como potenciar a intelixencia emocional” da man de África Alberti

ONDE: Na Biblioteca Municopal do Castrillón

CANDO: o vindeiro sábado 26 de outubro ás 12.00 h. con invitación previa dispoñible na Biblioteca do Castrillón

As entradas para a charla,  orientada a pais e nais de peques ata 5 anos, poden retirarse dende hoxe na Biblioteca Municipal do Castrillón (de 9.00 a 21.00 horas) e se celebrará nas instalacións da Biblioteca o sábado 26 de Outubro ás 12 h da mañá.

A charla, forma parte do ciclo “Outono de emocións” da Biblioteca Castrillón e que contará durante todo o mes coas seguintes actividades:

  • Contos para conectar co corazón dos nosos fillos” para pais e nenos de 5 a 10 anos
  • “O teu corpo fálache” para xovenes e adultos
  • “Creatividade mandala” para avós e netos maiores de 5 anos
Un outono de emocions na Biblioteca Castrillon

Un outono de emocions na Biblioteca Castrillon

 

 

Como potenciar a intelixencia emocional

Africa AlbertiÉ todo un mundo o que se presenta por diante cando falamos de emocións, e se se trata de emocións dos máis pequenos, xa falamos de todo un universo por descubrir.
A intelixencia emocional dos nenos ven determinada en grande parte pola actitude dos pais; dende a concepción do ser humán como ser global no que a intelixencia non é unha, senón varias, e tendo en conta que a intelixencia emocional está algo olvidada, a actitude, a capacidade de respectar o que sinten os nenos e o exemplo, xogan un papel fundamental na aprendizaxe da emoción dende moi pequeniños.

Por isto mesmo, da man da psicóloga e terapeuta gestalt, África Alberti, na Biblioteca Infantil e Xuvenil propoñemos unha charla-taller “Nuestro papel como padres en el desarrollo de la inteligencia emocional de nuestros hijos” para darnos conta do que se pode facer como pais. Tratarase de introducir ás familias no primeiro paso para desenvolver unha capacidade emocional sa e beneficiosa. Cunha pequeniña introdución teórica poñerémonos a traballar na práctica do recoñecemento de sentimentos e poderemos axudar ós máis pequenos a recoñecer e xestionar ó que lles sucede, que lles pasa por dentro.

XOVES, 5 de setembro

17.30 h.

 – Entrada libre –

África Albertí tamén estivo na nosa Bebeteca da Biblioteca Municipal do Forum Metropolitano cunha charla-taller para clausurar o fin do programa “Descubrindo Xuntos”. Visita o post que lle adicamos neste blog o resumo e conclusión da charla. África Albertí na Bebeteca de Forum

E para ir abrindo boca, descubrindo xa dende agora esas emocións agochadas, deixámosvos unha pequena selección de libros que poderedes seguir e mesmo compartir cos máis pequechos dentro de todo o seu mundo emocional.

Visita o Catálogo de Bibliotecas Municipais de A Coruña e comproba dispoñibilidade dos materiais.

catálogo

 

9 meses de espera Amar sin miedo a malcriar Besame mucho Como educar con firmeza y con cariño Como hablar para que los hijos escuchen Crianza feliz Educar en el asombro Entre hijos y padres Hermanos, no rivales La maternidad y el encuentro con la propia sombra Libertad y limites, amor y respeto Mi bebé lo entiende todo Ni rabietas ni conflictos Padre liberados hijos liberados Un regalo para toda la vida post Puerperio Crianza, violencias invisibles y adicciones

 

%d bloggers like this: