Arquivo do blog

CantoConto!: Festa final con Migallas Teatro.

Queridísimas familias, moi ao noso pesar tivemos que dicir adeus a CantoConto! Iso si, só durante uns meses: en outubro volveremos vernos para seguir contando contos e cantando moitas cancións. Pero, para despedirnos ao grande deste curso, quixemos contar cuns amigos moi divertidos que sabiamos que vos ían a namorar: nada menos que Migallas Teatro.

Para os que non puidestes vir, deixámosvos aquí unha selección das fotos que sacamos nas catro sesións que se celebraron, nas bibliotecas do Fórum, Sagrada Familia, Monte Alto e Castrillón.

CantoConto!: Ti podes!

Os nosos amigos Bea e Paolo presentáronnos a un amigo seu, un lobiño que non era capaz de soltar o seu chupete. Para conseguilo, con moito agarimo foron contando e cantando uns contos marabillosos: “Polo camiño“, “Chibos chibóns“, “Qué fai falta?“, “Lúa“, etc.

Qué contento estaba o noso lobo! Grazas a tenrura de Bea e Paolo, e, como non, ao seu sentido do humor, pasamos unha tarde deliciosa. Moitas grazas por acompañarnos!

Esperamos volver vervos o curso que vén, estade atentos ao noso blogue, a nosa páxina web e ás redes sociais (facebook e twitter) das bibliotecas municipais. Lembrade que este é un programa para familias con nenos de 2 e 3 anos, así que se voso peque ten esta idade só tedes que inscribirvos sete días antes da sesión á que queredes asistir.

Feliz verán, cantoconteiros!

CantoConto!: “Érase unha vez… un bosque”.

E pasiño a pasiño chegamos a última sesión de CantoConto! deste curso; antes, por suposto, da gran festa final que se celebrará en breve nas catro bibliotecas: Fórum (18 de maio), Sagrada Familia (23 de maio), Monte Alto (24 de maio) e Castrillón (25 de maio). En breve teredes máis información, estade moi atentos.

Nesta ocasión os protagonistas da tarde foron os bosques e os animais que viven neles. O noso amigo o bufo veunos visitar e contounos que lera un libro moi triste dun bosque feito enteiramente de lixo. Qué espanto! Non foi quen de acabar o conto. Menos mal que nos acordamos de que ese libro estaba na biblioteca, que o liamos e acababa ben. 

O conto titúlase “Érase unha vez… un bosque“, de Helen Ward con ilustracións de Wayne Anderson. Nel coñecemos a un ancián que vive nunha solitaria casa no medio dun bosque de lixo; o ancián reutiliza todo o que pode, pero cada noite soña cun verdadeiro bosque cheo de plantas e animais salvaxes e felices. Un día, unha vella lámpada rota daralle unha marabillosa idea…

As preciosas e poéticas ilustracións deste libro achégannos a un mundo onde podemos conseguir o que desexamos se poñemos empeño e ilusión. O noso amigo bufo quedou máis tranquilo ao descubrir que o conto remataba ben e que o lixo non acababa invadíndoo todo. Aproveitamos a ocasión para falar sobre a importancia de manter limpos a natureza en xeral e os bosques en particular.

E para celebralo decidimos contar outro conto, máis divertido e tamén cheo de animaliños do bosque: “Boas noites, bufo“, de Pat Hutchins. Pat gústanos moito, é a autora do divertido libro “O paseo de Rosalía“, e este non queda atrás: mentres o pobre bufo tenta durmir, as abellas, os estorniños, os corvos e moitos outros animais dedícanse a facer toda clase de ruídos e a non deixarlle descansar. Iso si, conseguirá o seu desquite antes de que termine a historia! Un conto acumulativo cheo de sons e de risas.

A continuación coñecemos as Maimiñas, unhas amigas que un día decidiron ir dar un paseo e acabaron dando a volta ao mundo, coñecendo outros países, culturas e cancións. Todos xuntos cantamos e bailamos “De safari“, unha alegre canción onde as feras campan ás súas anchas!

Hoxe recomendamos estas lecturas:

  • Las cuatro estaciones desde el gran árbol. Ilustrado por Britta Teckentrup; texto Patricia Hegarty. Bruño, 2015.
  • O meu pequeño animalario: a montaña e o bosque. Francesca Chiapponi, Marina Raffo e Patrick David; ilustracións, Olivier Verbrugghe. A Coruña: Bahía, D.L. 2009.
  • El grúfalo. Julia Donaldson; ilustraciones de Axel Scheffler.
  • Piñeiro (Kalandraka) de la colección Do berce á lúa. Antonio Rubio e Óscar Villán. Pontevedra: Kalandraka, 2014.
  • Solo en el bosque, Ian Beck. Juventud, D.L. 2001.
  • El Sr. Conejo y el regalo perfecto, Charlotte Zolotow. Ilustraciones de Maurice Sendak. Barcelona: Corimbo.
  • Juguemos en el bosque, Monica Bergna. Caracas: Ekaré, 2003.
  • El pequeño castor, Amy MacDonald e Sarah Fox-Davies. Barcelona: ING Ediciones, 2011.
  • Con las puntas de los dedos, Truus. Madrid: SM, 1999.
  • Hambre de lobo, Ignacio Sanz. Ilustraciones, Carlos Velázquez. Barcelona: Edebé, 2010.
  • Una noche en el bosque, Philippe Bertrand. Madrid: SM, 2007.

Deixámosvos algunhas fotos destas sesións, que, como sempre, compartimos na nosa conta de Flickr. Non vos esquezades de reservar a vosa invitación para a gran festa final con Migallas Teatro. Como sempre, abrirase a inscrición unha semana antes en cada biblioteca. Ata entón!

CantoConto!: Ti podes!

Nova sesión de CantoConto: “Pero ti qué pensas!”


Nova sesión de CantoConto! nas bibliotecas municipais. Nesta ocasión tocamos un tema tan importante como delicado: as diferenzas entre as persoas, a riqueza que iso implica para a sociedade, pero os problemas que pode sufrir quen o viva coma un obstáculo. As bibliotecarias quixemos facer unha declaración de intencións e declarámonos tan diferentes, particulares e singulares como o que máis. Que viva a diversidade!

Comezamos a tarde coa canción de Pablo DíazImos contar un conto“, un clásico de CantoConto! que peques e maiores cantan e bailan con alegría. Unha das cousas que máis nos unen é o gusto pola boa múscia, e Pablo é un artista que nunca decepciona.

O primeiro conto da tarde foi esta marabilla: “Ricitos de oso“, de Stèphane Servant e Laetitia Le Saux. Unha historia divertida sobre unha familia de osos que están a preparase para o Antroido. Cando o pequeno oso cóntalles que se quere disfrazar de Ricitos de Oso, cunha saia e coletas louras, papá Oso tentará por tódolos medios facerlle cambiar de idea. Pero a interrupción dun personaxe inesperado dará un xiro sorprendente á historia…

A continuación chegou un novo amigo, o “Monstruo rosa”. Contounos que, desde que naceu, sempre sentiu diferente do resto dos seus amigos: mais grande, máis torpe, menos serio e máis espontáneo. Como non conseguía ser feliz, emprendeu unha longa viaxe onde, tras varios días dunha longa travesía, conseguiu chegar a un lugar… case mellor deixemos que descubrades o final do conto por vós mesmos, seguro que vos gustará.

A canción escollida para rematar a tarde foi “Pero ti que pensas!“, da Banda Migallas (do seu disco “Zaragallada“). A historia comeza cun valse de voda e remata cunha rumba moi rebelde. Unha homenaxe a todas as mulleres que pelexan cada día por mellorar as súas condicións de vida.



Deixámos aquí unhas recomendacións de lecturas relacionadas coa temática da sesión:

Azul y Bertie / Kristyna Litten.– Barcelona : Blume, 2016.
Quen é ese becho? / [texto e ilustracións], Carmen Queralt ; [traducción, Manuela Rodríguez].– Pontevedra : Kalandraka, 2014.
¡Ves al revés! / Jeanne Willis ; ilustraciones de Tony Ross.– México : Fondo de Cultura Económica, 2008.
Tuk es Tuk / Claudia Legnazzi.– Buenos Aires : Del Eclipse, 2004.
Kiwi : un pájaro más bien raro / Susanna Isern; Rebeca Luciani.– La Seu d´Urgell (Lleida) : La Fragatina, 2012.
Monosapiens / [autor] Davide Calí, [ilustrador] Gianluca Folí.– [Granada] : Barbara Fiore, D.L. 2013.
Fede diferente / Miriam Koch.– Barcelona : Corimbo, 2013.
Un bicho raro / ilustraciones Emilio Urberuaga ; texto Paz Rodero, José Moraán.– Zaragoza : Edelvives, cop. 2003.
Elmer / David McKee.– Barcelona : Beascoa, D.L. 2006.
Lolo un conejo diferente / Guido Van Genechten.– Madrid : S.M., D.L. 2013.
¡Zas pum! / Heinz Janisch; Helga Bansch.– Salamanca : Lóguez, D.L. 2003.
Pájaro Amarillo / Olga de Dios [autora e ilustradora].– Zaragoza : Apila, 2015.
¡Soy una niña! / Yasmeen Ismail.– Barcelona : Corimbo, 2016.
Ernesto / texto, Lola Casas y Gusti; ilustraciones, Gusti.– Barcelona : Serres, cop. 2007

E, coma sempre, compartimos as fotos de CantoConto! en Flickr, para que as poidades gozar na casa e, así, non esquezades voltar para a próxima sesión.

CantoConto!: Ti podes!

Ata pronto!

Os Nosos Contos: contacontos para nenos de 2 a 6 anos

Si teu peque está a puntiño ou xa superou os 24 meses, idade máxima destinada para os nosos bebencontros, Bibliotecas Municipais de A Coruña conta con actividades de continuidade para pequenos lectores.

MaelónBiblioteca Municipal do Forum Metropolitano  dende fai máis 9 anos desenvolve o programa de animación lectora Os Nosos Contos destinado a nenas e nenos de entre 2 a 6 anos.

Os xoves cada 15 días, ás 18:15 h. pequenos e maiores teñen unha cita con Maelón, o camaleón mascota de Os Nosos Contos, e cos bibliotecari@s encabezados pola Gardiá de Contos.

Como podo asistir ó contaconto  os nosos contos publico

Para poder asistir ás sesión de Os Nosos Contos non é preciso recoller entradada ou facer unha inscripción previa.

A entrada libre e gratuita ata completar aforo.

Bloques temáticos

O programa está organizado por bloques  xeralmente dando resposta no tempo a trimestres. Deste xeito, traballase cada bloque adicándoselle un tema común. Elaboranse  guións e os libros escollidos para narrar e escenificar no contacontos xiran todos entorno a esa temática. O pasado bloque o tema dos contiños foi os soños, os soños cumpridos, os soños desexados….


Tanto nesta sesión como  nas vindeiras todo xirará baixo o lema Todos Contamos. Para este bloque nas sesións de contacontos ademáis de Maeolón, dos bibliotecari@s e da Gardía de Contos haberá máis protagonistas, pequenos e maiores tamén terán un papel no conto.  Unha vez finalizado o conto a Gardía de Contos presenta en todas as  sesións recomendacións de contos e tamén  novedades literarias recén chegadas á biblioteca.  Entre estes libros escollen un contiño para narrar, cómo peche da sesión.

Festa Final de Os Nosos Contos 2013

Se queredes ver como de ben o pasan o pequenos e maiores no contacontos  podedes ver a Galería Fotofráfica de Flickr de Os Nosos Contos

Se queres estás buscando algún dos libriños que van formar parte deste bloque de Os Nosos Contos, ou queres levar en préstamo unha  película ou disco podes mirar a súa dispoñibilidade no noso catálogo.

Catálogo

caperucita

Outra das actividades de continuidade dos bebencontros é Contos enCantos, una programa de animación lectora na Biblioteca Municipal do Castrillón destinado a pequenos de 2 a 4 anos. Máis información

Os contos de Romaric: contacontos en inglés para nenos de 3 a 7 anos

Hoxe compartimos unha proposta de actividade para nenos entre 3 e 7 anos que terá lugar o vindeiro Martes 10 de decembro ás 18.30 h. na Biblioteca Municipal Infantil e Xuvenil : “Os contos de Romaric” un contacontos en inglés onde os nenos maiores de 3 anos poderán aprender un pouquiño de inglés dunha forma divertida con Romaric Amand que contará o conto “The very hungry Caterpillar” de Eric Carle.

As prazas son limitadas e podedes recoller a vosa invitación para participar no contacontos dende hoxe a través das seguintes canles:

  • enviando un correo electrónico a binfantil@coruna.es
  • chamando por teléfono ao 981184388
  • ou achegándote á Biblioteca Municipal Infantil e Xuvenil en Durán Loriga, 10 – Baixo.

Bbencontro da Biblioteca Infantil o 21 de novembro

Outro día máis, bebés e familias gozaron na Biblioteca Infantil e Xuvenil  dunha nova sesión de Bebeteca adicada aos máis pequenos, de 0 a 12 meses.

Nesta ocasión Claudia, Emma, Sofía, Cristina, Nicolás, Víctor, Daniella, Andrés e Solomon aprederon novas cancións, retahilas, onomatopeias, conceptos e xogos  de man do Señor Coc, a súa granxa e os animais que nela habitan.

Despois de moito muu, piopio, cruacrua e miauss despedimos ao Señor Coc co conto “Y la Luna sonrió” que puxo en orde a granxa e, para rematar, unha nana ben linda relaxounos a todos.

Se queredes ver en fotos todas as sesións das Bibliotecas Municipais  podedes acceder aos nosos álbums de Flickr, feitos con moito moito agarimo.

Logotipo Bblotes

Recordarvos, tamén, que nas Bibliotecas temos máis Bebelotes, por idades e mesmo por temas, e que no catálogo poderedes atopar todos aqueles documentos que vos interese. Esperámosvos sempre que queirades, nas redes sociais, tanto a través de Facebook como de Twitter.

Imagen catálogo_enlace

Entre arrolos e contiños na Biblioteca de Monte Alto

O mércores 25 de setembro na Biblioteca Municipal de Monte Alto os mais pequenos da familia teñen unha cita “Entre arrolos e contiños” un contacontos en colaboración co Teatro Migallas onde espertaremos neles, xa nos seus primeiros anos, un interese polos libros e as historias de tradición oral.

Descubrindo a lectura e os libros dende os primeiros meses

Se o teu bebé ten ata 3 anos apúntate xa na biblioteca de Monte Alto ou ben chamando por teléfono o 981 184 382. E tomade nota:

Qué: contacontos para bebes de 0 a 3 anos

Cando: mércores 25 de setembro 2013 ás 18.30 h)

Onde: Biblioteca Municipal de Monte Alto (Plaza de los Abuelos s/n)

%d bloggers like this: