Arquivo do blog

CantoConto!: “Érase unha vez… un bosque”.

E pasiño a pasiño chegamos a última sesión de CantoConto! deste curso; antes, por suposto, da gran festa final que se celebrará en breve nas catro bibliotecas: Fórum (18 de maio), Sagrada Familia (23 de maio), Monte Alto (24 de maio) e Castrillón (25 de maio). En breve teredes máis información, estade moi atentos.

Nesta ocasión os protagonistas da tarde foron os bosques e os animais que viven neles. O noso amigo o bufo veunos visitar e contounos que lera un libro moi triste dun bosque feito enteiramente de lixo. Qué espanto! Non foi quen de acabar o conto. Menos mal que nos acordamos de que ese libro estaba na biblioteca, que o liamos e acababa ben. 

O conto titúlase “Érase unha vez… un bosque“, de Helen Ward con ilustracións de Wayne Anderson. Nel coñecemos a un ancián que vive nunha solitaria casa no medio dun bosque de lixo; o ancián reutiliza todo o que pode, pero cada noite soña cun verdadeiro bosque cheo de plantas e animais salvaxes e felices. Un día, unha vella lámpada rota daralle unha marabillosa idea…

As preciosas e poéticas ilustracións deste libro achégannos a un mundo onde podemos conseguir o que desexamos se poñemos empeño e ilusión. O noso amigo bufo quedou máis tranquilo ao descubrir que o conto remataba ben e que o lixo non acababa invadíndoo todo. Aproveitamos a ocasión para falar sobre a importancia de manter limpos a natureza en xeral e os bosques en particular.

E para celebralo decidimos contar outro conto, máis divertido e tamén cheo de animaliños do bosque: “Boas noites, bufo“, de Pat Hutchins. Pat gústanos moito, é a autora do divertido libro “O paseo de Rosalía“, e este non queda atrás: mentres o pobre bufo tenta durmir, as abellas, os estorniños, os corvos e moitos outros animais dedícanse a facer toda clase de ruídos e a non deixarlle descansar. Iso si, conseguirá o seu desquite antes de que termine a historia! Un conto acumulativo cheo de sons e de risas.

A continuación coñecemos as Maimiñas, unhas amigas que un día decidiron ir dar un paseo e acabaron dando a volta ao mundo, coñecendo outros países, culturas e cancións. Todos xuntos cantamos e bailamos “De safari“, unha alegre canción onde as feras campan ás súas anchas!

Hoxe recomendamos estas lecturas:

  • Las cuatro estaciones desde el gran árbol. Ilustrado por Britta Teckentrup; texto Patricia Hegarty. Bruño, 2015.
  • O meu pequeño animalario: a montaña e o bosque. Francesca Chiapponi, Marina Raffo e Patrick David; ilustracións, Olivier Verbrugghe. A Coruña: Bahía, D.L. 2009.
  • El grúfalo. Julia Donaldson; ilustraciones de Axel Scheffler.
  • Piñeiro (Kalandraka) de la colección Do berce á lúa. Antonio Rubio e Óscar Villán. Pontevedra: Kalandraka, 2014.
  • Solo en el bosque, Ian Beck. Juventud, D.L. 2001.
  • El Sr. Conejo y el regalo perfecto, Charlotte Zolotow. Ilustraciones de Maurice Sendak. Barcelona: Corimbo.
  • Juguemos en el bosque, Monica Bergna. Caracas: Ekaré, 2003.
  • El pequeño castor, Amy MacDonald e Sarah Fox-Davies. Barcelona: ING Ediciones, 2011.
  • Con las puntas de los dedos, Truus. Madrid: SM, 1999.
  • Hambre de lobo, Ignacio Sanz. Ilustraciones, Carlos Velázquez. Barcelona: Edebé, 2010.
  • Una noche en el bosque, Philippe Bertrand. Madrid: SM, 2007.

Deixámosvos algunhas fotos destas sesións, que, como sempre, compartimos na nosa conta de Flickr. Non vos esquezades de reservar a vosa invitación para a gran festa final con Migallas Teatro. Como sempre, abrirase a inscrición unha semana antes en cada biblioteca. Ata entón!

CantoConto!: Ti podes!

CantoConto! Parabéns!

Con motivo da celebración do aniversario dunha das nosas bibliotecarias, aproveitamos esta sesión para felicitar todos os aniversarios do ano, tanto das nenas e nenos como de seus pais e nais, avós e avoas… pero, ao estilo CantoConto!, con cancións e contos.

Descubrimos que a nosa compañeira estaba de aniversario, como non, a través do conto “¡Que llega el lobo!” ¡Que llega el lobo!dun dos nosos escritores/ilustradores favoritos, Èmile Jadoul. Este escritor belga vive no medio do bosque onde atopa diferentes animais que inspiran as súas historias e imaxes cheas de vida e cor. Como nesta ocasión, en que varios animaliños advirten da chegada do lobo á casa de gran Cervo, onde lle agarda unha fabulosa… Sorpresa!

Chancho-PanchoPero a meirande preocupación que pode ter unha persoa que vai estar de aniversario, non é a celebración de cumpreanos senón como se comporten os seus convidados na mesma. Isto aconteceu no conto de “Chancho-Pancho“, que conta as peripecias dun porquiño que, xa con nove anos, vai celebrar por primeira vez o seu aniversario, pero a concorrida reunión váiselle das pezuñas e convértese nun despropósito caótico, interrompido prematuramente pola súa enfurecida tía Asunción.

Este maxestuoso conto, está escrito e ilustrado polo estadounidense Maurice Sendak, que xa desde os 9 anos crea e ilustra, coa axuda do seu irmán, libros para nenos. Cabe destacar, que en 1970 gañou a Medalla Internacional Hans Christian Andersen ao mellor ilustrador. E no 2003 foi galardoado co premio Memorial Astrid Lindgren, ex aequo coa escritora austriaca Christine Nöstlinger. E, en 1964, foi galardoado coa medalla Caldecott. Por se isto fora pouco, ilustrou máis de 100 libros de autores como Hans Christian Andersen e será lembrado como o debuxante que revolucionou o libro infantil.

Finalmente, unha boa celebración que se precie, non pode rematar sen agasallos. E, en CantoConto! tiñamos o mellor, “El regalo“, escrito por  Gabriela Keselman. Onde coñecimos a Miguelito, que quería…

ALGO GRANDEEL REGALO

SUAVE E QUENTIÑO

ALGO FORTE

DOCE QUE DURE UN ANAQUIÑO

QUE O FAGA VOAR

QUE O FAGA RIR

QUE SE MOVA DUN LADO A OUTRO

COMO CHE GUSTARÍA A TI!

Para despedirnos dunha sesión chea de sorpresas, apertamos aos nosos seres queridos, e con eles cantamos un clásico de todas as festas de aniversario, o cumpreanos feliz… dun xeito moi especial:

Se queredes seguir desfrutando dos contos e da música, ademais de consultar o noso catálogo en liña, deixámosvos as recomendacións desta sesión.

recomendamos-cantoconto

  • El mensaje secreto de cumpleaños / Eric Carle.– [S.l.]: Kókinos, cop. 2007.
  • ¡Feliz cumpleaños, Mauro! / David Melling; [traducción, Elena Gallo Krahe].- [Zaragoza]: Edelvives, D.L. 2014.
  • La magia de los regalos / Montse Tobella.– Zaragoza: Edelvives, D.L. 2009. –
  • Lulú voltereta / Daniel Picouly, Frédéric Pillot.– Madrid: Pearson Educación, D.L. 2006.
  • Cumpleaños feliz / Juliet Pomés Leiz.– Barcelona: Tusquets, 2005.
  • Só un reloxo / Roberto Aliaga; Amrei Fiedler; [traducción, María Alonso Seisdedos].– Fraga (Huesca): La Fragatina, 2015.
  • Coas mans baleiras / texto de Ana Tortosa; ilustracións de Cecilia Varela.– Pontevedra: OQO, 2010.
  • A casa da miña avoa / texto de Pep Bruno; ilustracións de Matteo Gubellini.– Pontevedra: OQO, 2009.
  • Un dedo al año / Montse Ganges [texto]; Imapla [ilustracións].– Barcelona: Thule, cop. 2007.
  • Un agasallo diferente / Marta Azcona, Rosa Osuna.–     Pontevedra: Kalandraka, 2005.
  • Un regalo muy grande / Carl Norac; ilustracións Émile Jadoul.– Zaragoza: Edelvives, D.L. 2004.
  • El más bonito de todos los regalos del mundo / Pascal Teulade; ilustracións de Jean-Charles Sarrazin.– Barcelona: Corimbo, cop. 1999.

Deixámosvos unhas fotos das sesións de todas as bibliotecas. Agardamos que vos presten! Vémonos na vindeira sesión e non esquezades reservar a vosa praza!

This slideshow requires JavaScript.

CantoConto!:Xogamos

 

logo CantoConto!

En CantoConto! estamos moi emocionados polas datas nas que nos atopamos;968-16-7182-1_g durante estes días preparamos a chegada do Nadal, e con el as vacacións e o tempo  para estar en familia. Alégranos poder aproveitar este tempo de lecer para descansar, ler, escoitar música, xogar… Falamos dos nosos xogos e xoguetes favoritos,  escoitamos atentamente o conto “Olivia y el juguete desaparecido“, de Ian Falconer, historia coa que nos identificamos e recomendamos tamén polas bonitas ilustracións.  Olivia é unha pequena porquiña cunha grande personalidade e imaxinación; poderás coñecela a través de outras historias do autor como “Olivia”, “Olivia y su banda”, “Olivia salva el circo”, “Olivia en Venecia”, etc. que podes atopar  nas bibliotecas municipais.

non-e-unha-caixa-g_01Nesta sesión tamén deixamos voar a imaxinación co conto “Non é unha caixa“, de Antoinette Portis, e fomos capaces de viaxar en globo, correr cun coche de carreiras, ser capitáns dun temible barco pirata,  alcanzar o cume dunha montaña, transformarnos en robots  e ata viaxar ao espazo exterior. Que mellor agasallo que unha caixa chea de momentos de xogo compartido?

 

Tamén compartimos un conto da escritora Estrella Ortiz, “El libro de la espera”, que atopamos na rede e pensamos en crear o noso propio libro da espera. O resultado final gustounos moito.
descarga

Rematamos a sesión xogando ás adiviñas con Golfiños, e a sua canción “Adiviñas”, do libro-cd  “Té, chocolate, cafe”. Usamos algunhas pistas, pero finalmente adiviñámolas todas.

E como sempre deixámosvos mais recomendacións desta sesión e lembrámosvos que podedes consultar o noso catálogo en liña.recomendamos-cantoconto

  • Día de lluvia / Ana María Machado ; ilustraciones de Francesc Rovira. – Madrid : Alfaguara, 2004.
  • Atrapados / Oliver Jeffers; [traducción de Mariana Mendía].– México : Fondo de Cultura Económica, 2012
  • ¿A qué jugamos Lilú? / Romeo P.- Zaragoza : Edelvives, cop. 2005
  • Jugando / Helen Oxenbury.- Barcelona : Juventud, 1990.
  • Juego de dedos / Hervé Tullet  : Kókinos, cop. 2007.
  • Juego de construcción / Hervé Tullet : Kókinos, 2008.
  • Juegos creativos para tu hijo : proyectos de juguetes educativos para niños de 2 a 4 años
  • Mis primeros juegos : juegos para niños entre 0 y 6 años / Ana Serna Vara.– 3ª ed.– Madrid : SM, 2002

Deixámosvos unha selección de fotos das sesións de todas as bibliotecas. Esperamos que vos gusten e non esquezades reservar a vosa plaza para a próxima sesión. Esperámosvos!

This slideshow requires JavaScript.

CantoConto!: “Con ton e son”

En CantoConto! somos unhas apaixoadas dos contos, pero tamén da música, por iso quixemos celebrar con vós o día de Santa Icía, a patrona da Música e da Poesía.

Violín

Nesta sesión non faltaron contos, música, baile e instrumentos musicais! “Levantamos o telón” co conto “Violín” de Antonio Rubio e o ilustrador galego Óscar Villán, cos que coñecimos o son dalgúns instrumentos musicais como a trompeta, o tambor…

Violín, Ed. Kalandraka

portada_paco-y-la-orquesta-libro-musical_magali-le-huche_201506251042Con Paco, un can namorado da música, descubrimos, xunto cos seus amigos do bosque, como a música clásica pode encandilar tanto aos pequenos da casa como aos maiores. Paco vai atopando ao rato, ao elefante, ao esquío… e todos eles tocan un instrumento pero, que pasa cando todos eles se xuntan e forman unha marabillosa orquestra? A través deste conto, “Paco y la orquesta: mi primer libro de sonidos“, a música invadiu as Bibliotecas, e o puidemos comprobar pulsando os iconos do libro e así escoitamos os sons dos instrumentos. Un fantástico libro para desfrutar en familia!

sofiaPero non é tan doado montar unha orquestra como fixo o noso amigo Paco, senón que llo pregunten a Sofía, a protagonista do conto “Sofía, la vaca que amaba la música“. Un marabilloso relato no que, a parte de descubrir a música, aborda o tema da discriminación. Sofía expresa as súas emocións a través da música, pero sufre o rexeitamento polas apariencias e prexuízos dos demais; pero a constancia, a superación de retos e a amizade fai que finalmente os seus soños e os seus esforzos se vexan recompensados.

pitusaE para rematar, dúas palabras: “PITUSA SEMIFUSA“! Da man de Olga Brañas, adentrámonos no mundo da música, avanzando polos pentagramas dalgúns instrumentos e da nosa propia voz, ata rematar nunha completa Festa Musical coa melodía “A canción da percusión” recollida neste libro-CD. Se queredes desfrutar coma nós o fixemos, podedes cantar e bailar coa canción do videoclip que dá nome a esta fantástica recompilación.

Se queredes seguir desfrutando dos contos e da música, ademais de consultar o noso catálogo en liña, deixámosvos as recomendacións desta sesión.

Recomendamos CantoConto!

  • Hola, Tilly / Polly Dunbar.– [Madrid] : Kokinos, cop. 2011.
  • Olivia y su banda / Escrito e ilustrado por Ian Falconer.– México : Fondo de Cultura Económica, 2007.
  • As clases de tuba / T.C. Bartlett e Monique Felix.– Pontevedra : Kalandraka, 1999.
  • Deveribés / Mamá Cabra; ilustraciones, Marina Seoane.– Vigo : Galaxia, 2013.
  • O Carnaval dos animais / Camille Saint-Saëns ; texto de José Antonio Adab Varela ; ilustracións de Joao Vaz de Carvalho.– Pontevedra : Kalandraka, 2013.
  • El saxo y otros instrumentos de viento / cuento, Eladio Reinón ; ilustraciones, Subi.– [Barcelona] : Bellaterra Música, D.L. 2008.
  • Siete hermanos músicos / Cuento de Elisabet Abeyá; ilustraciones de Mercè Arànega.– Barcelona : La Galera, D.L. 2003.
  • Demasiado ruido / Max Velthuijs ; traducción de Carlos Torres.– Madrid : Espasa-Calpe, D.L. 1991.
  •  A banda dos ratos / textos e ilustracións Mon Daporta Padín.– Vigo : A Nosa Terra, D.L. 2002.
  • A princesa do Caurel / Patacrúa ; ilustracións de Javier Solchaga.– Pontevedra : OQO, 2006.
  • El flautista de Hamelin / texto, Pepe Maestro ; ilustración, María Wernicke.– Zaragoza : Edelvives, D.L. 2010.
  • A banda de Vilacendoi / Xulio Gayoso.– Pontevedra : Kalandraka, 2006.
  • Los cuatro músicos / [Cuento original], Hermanos Grimm; [Adaptación], Teresa Sabaté; [Ilustraciones], Julia Serra.– Barcelona : Salvatella, 2000.

 

Deixámosvos unhas fotos das sesións de todas as bibliotecas. Agardamos que vos presten! Vémonos na vindeira sesión e non esquezades reservar a vosa praza!

This slideshow requires JavaScript.

CantoConto!: “Trasnadas”

final sen marcoEstos días en CantoConto! portámonos un pouquiño mal: fomos algo remexedoras e falcatrueiras, gastando bromas e sen facer caso á compañeira. Vamos, que estabamos de “non”. Igualiño que o protagonista do primeiro conto da tarde: “¡Más te vale, mastodonte!“, de Micaela Chirif e ilustrado por Issa Watanabe. Unha historia moi divertida sobre unha mascota moi peculiar e pouco obediente.

mastodonte

ruedaA continuación lemos unha historia moi invernal: “No“, da colombiana Claudia Rueda. É unha das nosas autoras favoritas, e nas nosas bibliotecas podedes atopar moitos títulos seus: “Mientras se enfría el pastel”, “La vida salvaje”, “Dos ratones, una rata y un queso”, “Formas” e moitos máis. O de hoxe, especialmente vistoso e fermoso, contámolo utilizando o kamishibai ou teatro de papel, unha arte xaponesa do século XII. Maiores e peques quedaron atrapados nesta historia dun osiño que non quería facer caso aos consellos da súa nai.

julietaO último conto da tarde foi “Julieta estate quieta“, de Rosemary Wells. autora de marabillosos clásicos como “El saco de desaparecer”, “Lucas y Virginia”, “Carlos el tímido” e as sagas de Max ou Timoteo. E este conto en particular encántanos! Julieta é divertida, traste, simpática a rabiar e tremenda. O texto rimado é ocorrente e sinxelo de seguir. Como irmá do medio é a que menos atención recibe por parte dos seus pais, e decide pasar á acción para remedialo. Menuda arma! Cunha pequena obra teatral demos a coñecer a nosa Julieta.

E rematamos a tarde cantando, como non. A melodía escollida para hoxe foi “El monstruo soy yo“, do disco “No nos da pereza la naturaleza”, do grupo asturiano Petit Pop.

Recomendamos CantoConto!

As recomendacións desta sesión de CantoConto foron:

  • La vocecita / Michaël Escoffier; [ilustraciones de Kris Di Giacomo] Kókinos.
  • ¡Oh no, Lucas! / Chris Haughton; Milrazones : Pepa Montano, 2014.
  • ¡Ay, no! / Rotraut Susanne Berner. Madrid : Anaya, 2007.
  • Eduardo : o neno máis terrible do mundo / John Burningham. Kalandraka: Faktoría K de libros, 2006.
  • ¡Ha sido el Pequeño monstruo! / Helen Cooper. Juventud, 1999.
  • A galiña roxa / adaptación de Pilar Martínez a partir do conto popular; ilustracións de Marco Somá. Kalandraka, 2012.
  • Un cuíño independente / José Luis Cortés, Avi. S.M., D.L. 1993.
  • ¡Te lo he dicho 100 veces! / Gabriela Keselman, Claudia Ranucci. Destino, 2006.
  • La casa de los ratones / Karina Schaapman. Blackie Little Books, 2016.

Deixámosvos unha selección de fotos das sesións de todas as bibliotecas. Esperamos que vos gusten e non esquezades reservar a vosa plaza para a próxima sesión. Esperámosvos!

This slideshow requires JavaScript.

“Festa Final” en CantoConto!

Cantos sentimentos opostos tivemos estos días! Tristura porque remata CantoConto! ata despois do verán; alegría porque tiñamos o noso amigo Pablo Díaz nas bibliotecas para facer unha festa ben fermosa; ledicia de ver a tantos nenos e maiores gozar cos contos e as cancións de Pablo; mágoa porque é moi fermoso ver a biblioteca tan buliciosa e ímolo botar de menos.

Pablo cantounos canción dos seus discos, todos grandes éxitos entre os pequerrechos, e que podedes levar prestados das bibliotecas.

Pero, entre tanto e ata que chegue o outono, seguiremos visitando as bibliotecas, que non pechamos durante o verán, claro que non! E lendo e levando para casa contos coma os que nos contou Pablo: “Un becho estraño“, “Un, dous, tres, qué ves?“, “O gato lambón“, “Os de arriba e os de abaixo“, “Paco“, “Paxariña“…

Deixámosvos unhas fotos das sesións, para que vexades qué ben o pasamos. Esperamos vervos a volta do verán. Grazas, familias!

This slideshow requires JavaScript.

“Mamitis & papitis” en CantoConto!

final sen marcoEsta foi a derradeira sesión de CantoConto! que fixemos @s bibliotecari@s este curso. Eso sí, temos preparada unha sorpresa final, un concerto de Pablo Díaz para os peques para o que podedes reservar xa praza na web das bibliotecas municipais. Apurade que voan! E é que Pablo, un bo amigo das bibliotecas, acompañounos cada tarde coa súa canción “Imos contar un conto“. E estamos desexando cantala con él.

E, xa que se trataba dunha sesión especial, ocorréusenos renderlle homenaxe aos papás e as mamás, que tanto nos coidan e nos queren. E, ademáis, lévannos as bibliotecas, o mellor lugar do mundo despois da nosa casa.

Mi-Papa

Así que, para empezar, convidamos a “Mi papá“, de Anthony Browne; un autor que recibiu moitos recoñecementos polo seu traballo: libros cheos de humor, imaxinación e surrealismo, tinguidos dun estilo moi persoal. Nesta historia, un neno conta cántas cousas marabillosas é capaz de facer o seu pai. As ilustracións, cheas de riqueza, ofrecen chiscadelas aos adultos, que nos agasallan unha lectura cómplice entre o neno e a persoa que llo lea.

adivina-cuanto-te-quiero-grande

Este neno quería moitísimo o seu papá. E vos, seríades capaces de dicir cánto queredes a papá ou mamá? É moi difícil contestar, a que sí? Pois neste conto, “Adivina cuánto te quiero“, de Sam McBratney e Anita Jeram, unha pequena lebre téntalle explicar á lebre grande cal é a medida do seu amor. Unha tenra competición na que non pode haber gañadores. Se queredes gozar coa versión dixital, deixámosvos o enlace:

tragapupasE, para rematar, un conto de superheroes: “El tragapupas“, de Émile Jadoul. Un autor que xa triunfou en CantoConto! con “Con locura“, “Mimo exprés” ou “Emilio está enfermo“. Nesta ocasión, un orgulloso fillo narra cómo o seu pai é quen de facer desaparecer calquera pupa ou dor. Pero, qué ocorre cando é o papá quen cae e ten a pupa? Pois haberá que poñerlle remedio, e alguén moi cercano conseguirao, claro que sí!

E hoxe cantamos unha canción con moitísimo ritmo: “Mamitis aguda”, do grupo Petit Pop, un grupo asturiano con música para toda a familia. Os nenos gozaron do baile e lavaron o ritmo coa axuda de diversos instrumentos de percusión. Unha festa!

Como sempre, despois de cada sesión, non nos esquecemos de deixarvos unhas boas recomendacións de contiños para levar para casa:

Recomendamos CantoConto!

  • ¿Me quieres o no me quieres? / Carl Norac e Claude K. Dubois.
  • P de papá / Isabel Martins.
  • 33 cosas que sólo hacen los padres / Harriet Ziefert.
  • Zea / Michel Gay.
  • Mi amor / Beatrice Alemagna.
  • Miña nai é fantástica! / Nick Butterworth.
  • En los hombros de papá / Manuela Monari.
  • Meu pai é estupendo! / Nick Butterworth.
  • Como mi mamá / David Melling.
  • Como mi papá / David Melling.
  • Porque te quiero / Pascal Teulade.
  • Mimo exprés / Émile Jadoul.
  • Una mamá para Owen / Marion Dane Bauer.

Deixámosvos as fotos das sesións de todas as bibliotecas. Esperamos que vos gusten! Lembrade reservar a vosa praza para a festa final, na web das bibliotecas municipais. Ata a próxima!

This slideshow requires JavaScript.

“Non, non e non” en CantoConto!

pito volteadoEstos días as bibliotecarias andamos algo tristes: empezamos a contar cántas sesións de CantoConto quedan para rematar o curso, e démonos conta de que son moi poucas! Isto provocounos un gran desgusto, como poderedes imaxinar. Menos mal que as compañeiras conseguiron animarnos lembrando que, despois do verán, volveremos; e ademais quedan moitas sorpresas antes de que acabe o curso. Pero aínda non podemos desvelar nada, teredes que esperar un pouquiño.

Imos contar un conto“, de Pablo Díaz, non podía faltar para inaugurar a tarde. E é que Pablo é un gran amigo dos nenos, dos libros e das bibliotecas.

rabietaO primeiro conto do día foi “Vaia rabieta“, de Mireille d’Allancé. Nel coñecemos a Roberto, un cativo que pasou un día moi malo, e, cando chega a casa e ve que ten verdura para cear… ui ui ui! Comenzou a sentir dentro del algo terrible que lle sae para fora e que rompe todo o que atopa. Como fará para detelo?

Mireille d’Allancé é unha autora francesa moi implicada no mundo infantil; ademáis de publicar unha chea de libros, gústalle facer actividades con escolas, bibliotecas e librerías.

otra-vez

Este conto gustou tanto, pero tanto tanto, que nos emperrenchamos en volver a lelo. “Outra vez!”, pedíamos, “outra vez!” E fixéronnos caso, pero non como nós pensabamos. “¡Otra vez!” é un divertido conto de Emily Gravett, unha autora inglesa da que podedes atopar máis libros nas bibliotecas (e varios deles no idioma orixinal, ademáis). Cedric, un pequeno dragón, non pode durmir sen escoitar antes o seu conto favorito. Pero qué ocorre se mamá dragona empeza a cansarse? O inimaxinable!

E rematamos a tarde cunha canción ben xeitosiña: “Amolado“, de Mamá Cabra, que nos fala de cómo estar alegres, non enfadarse e soñar moito!:

Recomendamos CantoConto!
Se queredes levar algunhas lecturas para casa, atentos ás seguintes recomendacións:

  • Lo siento” / Sam McBratney e Jennifer Eachus.
  • ¡Soy un dragón!” / Philippe Goosens e Thierry Robberecht.
  • Cuando los dragones sueñan” / James Mayhew e Lindsey Gardiner.
  • ¡Julieta, estate quieta!” / Rosemary Wells.
  • ¡A la cama, no!” / Victoria Bermejo e Miguel Gallardo.
  • O dragón que cambiaba de conto cada vez que esbirraba / David Aceituno e Miguelanxo Prado.
  • La mejor mascota” / David LaRochelle e Hanako Wakiyama.
  • A cova = The cave” / Enric Lluch e Jordi Villaverde.
  • ¡Así fue! ¡No, fue así! ¡No, así!” / Kathrin Schärer.
  • O segredo de Flora” / Paloma Rodríguez, Cristina Justo e Spela Trobec.
  • Yo no he sido” / Oliver Jeffers.
  • “Rabietas” / Susana Gómez Redondo e Anna Aparicio Català.
  • Que tal, vexetal? Alimentos con sentimentos” / Saxton Freymann e Joost Elffers.

Deixámosvos algunhas das fotos que sacamos nesta sesión. Oxalá que vos gusten!

This slideshow requires JavaScript.


Esperamos vervos o próximo día, lembrade que so quedan dúas sesións antes de que remate este curso e que é preciso reservar praza na web das bibliotecas municipais. Ata a próxima, familias!

“Qué susto!”, en CantoConto!

logo CantoConto!Qué susto!” foi unha das sesións máis divertidas das que gozamos en CantoConto! Lemos, cantamos e pasámolo xenial. Seguide lendo para saber máis. Pero non teñades medo, porque os sustos que levamos foron moi divertidos!

Cantamos a canción de Pablo DíazImos contar un conto“. Sempre veñen cativos novos que deseguido aprenden a letra e os xestos cos que a acompañamos. É unha canción que nos relaxa e nos leva paseniño ao mundo don contos.

EL REY HUGO Y EL DRAGÓNUnha coroa e unha loita de risa con dúas espadas brandiñas conducíronnos ata “El rey Hugo y el Dragón“, de Peter Bently e ilustrado por Helen Oxenbury, unha das nosas artistas favoritas (ilustrou “Imos cazar un oso” e “Alicia en el País de las Maravillas” da Editorial Lumen, entre outros). Tres nenos moi valentes constrúen no seu xardín un castelo onde loitarán con dragóns e monstruos. Unha historia chea de tenrura e de imaxinación.

porquiños

A continuación escollemos un conto clásico, dos de toda a vida: deses que nos contaron os nosos pais, a eles contáronllo os avós, aos nosos avós contáronllo os bisavós, a eles os tataravós e así indefinidamente. “Os tres porquiños“, nunha edición de OQO e coa axuda duns monicreques moi simpáticos.

untitledPara contarnos a última historia da tarde, recibimos de novo a visita dos nosos amigos Caracol e Caracola, outro libro da colección de OQO onde os nosos amigos tiveron un paseo moi axitado. Vaia susto!

E, para rematar, unha canción con moito ritmo, alegre e divertida: “A voz do son“, do disco “Ollos de mel“, do grupo Pirilampo, un grupo para nenos (e non tan nenos!) que coa axuda da música queren poñer o seu graniño de area na educación dos nenos. Escoitade qué delicia de canción:

Recomendamos CantoConto!

Queremos deixarvos algunhas recomendacións de lecturas, neste caso unha selección da Editorial OQO:

  • Mariluz avestruz“, de Rachel Chaundler.
  • Cocorico“, de Marisa Núñez.
  • Loboferoz“, de Patacrúa.
  • Fiz, o coleccionista de medos“, de Fina Casalderrey.
  • Ramón Preocupón“, de Anthony Browne.
  • Mateo“, de Paula Carballeira.
  • Coas mans baleiras“, de Ana Tortosa.
  • A visita dos domingos“, de Matteo Gubellini.
  • Os mil brancos dos esquimós”, de Isabel Minhós Martins.
  • Tres desexos”, de Eva Mejuto.
  • Paco Papán“, de Patacrúa.

E mirade qué fotos tan divertidas gardamos de recordo destas sesións. Non vos perdades a próxima, reservando o teu convite na páxina web das Bibliotecas Municipais. Xa quedan pouquiñas sesións! Ata a próxima, familias!

This slideshow requires JavaScript.

“Imos durmir”, en CantoConto!

pito reviradoNon, non se trata dun convite para pasar a noite nas bibliotecas, aínda que algún día igual nos animamos! Pero si que foi unha tarde especial na que falamos cos nenos e as familias da hora de ir para a cama. De cando en vez, este momento se nos atragoa a todos: por preguiza, porque queremos seguir un ratiño máis con mamá ou papá, porque non damos caído no sono ou tamén por algún medo, claro que sí! Pero non hai nada que un bo conto non consiga arranxar. E nas bibliotecas municipáis temos os mellores do mundo!

Para comezar, o noso amigo Pablo Díaz dános como sempre a benvida a CantoConto! “Imos contar un conto” é unha canción sinxela e chea de agarimo que xa nenos en maiores cantan e bailan connosco.

Logo OvellaHoxe acompañounos a ovelliña Tecelá, unha vella amiga que veu por primeira vez moi preocupada buscando información de por qué lle ían cortar a la; desde entón é unha usuaria moi fiel das bibliotecas. É unha experta en temas de insomnio, porque, como todo o mundo sabe, cando alguén non pode durmir conta ovellas. Así que ela mesma escolleu os contos que contamos nesta sesión.

O RABAÑOO primeiro foi “O rabaño“, de Margarita del Mazo con ilustracións de Guridi. Unha ovella farta de dar saltos para axudar á xente a durmir, decide levar a contraria e interromper ás demáis ovellas. ¿Cómo rematará o conto? Para descubrilo, e se non puideches vir a CantoConto! achégate ás bibliotecas e lévao en préstamo.

MI PAPÁ

E o seguinte conto foi Mi papá“, de Coralie Saudo y Kris Di Giacomo. Unha historia moi divertida onde un papá e un fillo intercambian os seus roles e, por unha vez, e o pai quen non se quere ir durmir, e o neno quen debe convencerlle. O neno aprenderá tamén qué difícil é ser pai.

E, para rematar, proxectamos diferentes cancións que, hai anos, os adultos escoitábamos antes de ir para a cama. Acordádesvos? A familia Telerín, Casimiro, Los Lunnis… Uns personaxes moi entrañables que nos volveron arrincar un sorriso.

a la cama



No vos perdades a selección de contos feita pola nosa amiga Tecelá:

Recomendamos CantoConto!

 

  • Contos para nenos que dormen deseguida / Pinto & Chinto.
  • Duerme bien, pequeño oso / Quint Buchholz.
  • La siesta / Silvia Nanclares.
  • Manu se va a la cama / Lucía Moreno Velo e Javier Termenón Delgado.
  • A durmir / Liesbet Slegers.
  • La campeona mundial de mantenerse despierta / Sean Taylor e Jimmy Liao.
  • Canción de cuna para una ovejita / Eleonora Bellini.
  • Buenas noches, mamá / Imapla.
  • ¡Una vez más! / Elsa Devernois e Michel Gay.
  • ¡Te aseguro que los monstruos no existen! /Steve Smallman e Caroline Pedler.
  • Tan grandes, tan pequenos / Tere Puig e Isao.
  • ¡Otra vez! / Emily Gravett.

Mirade as fermosas fotografías que fixemos nas bibliotecas do Fórum, Sagrada Familia, Monte Alto e Castrillón.

This slideshow requires JavaScript.

Lembra que, para poder asistir, é preciso reservar o teu convite na páxina web das bibliotecas municipáis. Quedan pouquiñas sesións para rematar o curso e poder gozar dos contos e cancións de CantoConto!

%d bloggers like this: