Arquivo do blog

CantoConto!: “Non hai maneira”

Na 11ª sesión de CantoConto!: “Non hai maneira”, adentrámonos na búsqueda da nosa propia identidade, afondamos en sentirnos ben con nós mesmos, aprendimos a importancia das apertas e descubrimos moitas historias no noso curruncho reservado para CantoConto!

Como en todas as sesións comezamos cantando; e cantando que imos contar un conto ou, se cadra, catro… como di o noso amigo Pablo Díaz.

Acompañounos nesta sesión o noso querido Ole, mascota singular das Biblios e fermoso paxariño azul. Pero resulta que Ole non se sentía ben con el mesmo e tivémolo que convencer a través do conto “Por cuatro esquinitas de nada“, que tan ben narra Jérôme Ruillier

Este libro versa sobre a exclusión e a amizade. É unha historia deliciosa que nos lembra que, a pesar das nosas diferenzas cos demais, todos temos un sitio no mundo, e que moitas veces, aínda que nos empeñemos en ser como os demais, sempre hai algo que nos fai distintos. E iso non debería ser un problema nunca.

 

Aprendimos a desprendernos dos prexuízos e a valorar a amizade da man de Felipe, un pequeno cactus, o máis novo dunha longa estirpe de cactus importantes que lle dan importancia á aparencia e ao status. Pero Felipe non consegue empatizar con iso, porque o pobre Felipe só quere que alguén lle dea unha aperta. Pero, ai!, quen vai apertar a un cactus?

Este delicioso e emotivo albume, “Abrázame“, está escrito e ilustrado por Simona Ciraolo.

Presentamos a colección, “El mundo en fotos”, da editorial La Galera. A través dela descubrimos todas as culturas do planeta. Descubrimos que non todos somos iguais e que nesas diferencias radica a grandiosidade do ser humano.

A sesión finaliza coa presentación do libro-CD “A bruxa discordia: cancións para a paz” de Mamá Cabra, ilustrado por Iria Fafián. Bailamos e cantamos ao son da peza “A Danza da Paz”. Esta e outras melodías desfrutadas nas anteriores sesións, podédelas escoitar na lista de distribución de CantoConto! que temos no Youtube.

 

 

 

–   ¡Qué pena! / Rémi Courgeon.– Girona: Tramuntana, 2016.

–   Gigante poco a poco / Pablo Albo, Aitana Carrasco.– [S.l.] : Hermes: Almadraba, D.L. 2009.

–   El búho que quería ser gallo / Mick Manning, Brita Granström.– Madrid: Artime, 2007.

–   ¿Cuál es mi color? / Antoine Guillopé; Géraldine Alibeu; traducción de Ana Rey Kochinke.– Madrid: Anaya, D.L. 2006.

–   La mariquita y su puntito / África Coll.– Valencia: Brosquil, D.L. 2006.

–   Pequeno Azul e Pequeno Amarelo / Leo Lionni; traducción de Chema Heras e Pilar Martínez.– Pontevedra: Kalandraka, 2005.

–   ¡Hombre de color! / inspirado nun conto africano e ilustrado por Jérôme Ruillier.– Barcelon: Juventud, D.L. 2003.

–   Óscar y la gata de medianoche / Jenny Wagner; Ron Brooks.– Salamanca: Lóguez, D.L. 1999.

 

Estas recomendacións podédelas atopar consultando o noso catálogo en liña ou visitando as Bibliotecas Municipais de A Coruña.

Agardamos tivérades desfrutado con nós! Deixámosvos unha mostra do acontecido na galería Flickr das Bibliotecas Municipais. Vémonos na vindeira sesión!

Advertisements

O ritmo da poesía

No noso post anterior “A música impacta no cerebro do bebé” expoñiamos que diversos estudos afirmaban que a música “activa máis de dez rexións diferentes do noso cerebro”. Pois ben, tamén son moitos psicólogos, pedagogos e musicólogos que nos falan da musicalidade da linguaxe; Perret, Malloch e Trevarthen,  apoian e explican como a linguaxe e a musicalidade van da man desde os seus inicios e que a sintaxe lingüística e a sintaxe musical comparten procesos neuronais.

O ser humano desde que está no ventre da súa nai experimenta a musicalidade ao sentir diversos ritmos e sons do corpo da súa nai e do seu propio, sendo a voz humana un dos instrumentos máis marabillosos e variados  e  unha das primeiras cousas que o bebé aprende a ler e interpretar.

Así que, é sumamente necesario falar moito co bebé, cantarlle cancións e  lerlle poesías e contos para que, deste xeito, comece a recompilar información acústica e que posteriormente poida empregala para entrar na cadea simbólica que forma parte do patrimonio simbólico das comunidades.

Non se trata de promover o coñecemento futuro dos nenos, é unha necesidade.

Evelino Cabrejo-Parra (experto en lectura na primeira infancia) sostén que: “Son inesgotables as posibilidades de lecturas que se poden facer e nunca se lerá o suficiente para un bebé. É importante ser consciente diso.  Non se trata de promover o coñecemento futuro dos nenos, é unha necesidade. Os nenos son capaces de interiorizar e asimilar para incorporar ritmos e os adultos teñen que saber que isto é parte do alimento simbólico, necesario para a construción psicolóxica dos nenos”. De aí, a importancia de darlles os ritmos de maneiras moi diferentes.

Nesta liña tamén, a psiquiatra francesa Marie Bonnafé, afirma que a lectura en voz alta é unha maneira de indicar ao bebé que hai significado nos textos. Os nenos que non descobren a tempo que o texto ten significado terán un achegamento tormentoso ao libro, un sufrimento absoluto. Pero, se hai unha lectura en voz alta, unha entrada pracenteira e libre na lingua e na cultura, seguramente o destino dese suxeito será diferente.

Sempre penso en tres aliados, na orde natural: o bebé, a familia e a biblioteca.

Nunha entrevista feita a Cabrejo-Parra, Gabriela Romeo pregúntalle:

GR: E por iso é fundamental que a triangulación – mediador, neno e o obxecto-libro – veña da familia. Se isto sucede a partir da familia, o resultado é totalmente diferente.

EC-P: Creo que a familia ten un papel moi importante. Sempre penso en tres aliados, na orde natural: o bebé, a familia e a biblioteca. Na orde institucional: a biblioteca, a familia e o bebé. A familia é decisiva nesta historia. E cando descobre que ao bebé gústanlle os libros, nin un pai, nin unha nai sequera permanece indiferente a iso. Vai descubrir que o bebé ten unha serie de habilidades, poñendo en marcha todo este patrimonio cultural que, como adulto, aparentemente esqueceuse, pero está latente, nun recuncho dunha parte non consciente. Nas cancións de berce, nas cancións, alá está todo o que necesita ser ofrecido aos bebés.

Neste proceso hai unha riqueza que vai máis aló da simple interacción. Cada adulto ten en si un bebé, a parte infantil do adulto que a miúdo dorme, e necesita espertar. Ás veces pode estar morta e logo termina creando unha descontinuidade interna entre a parte adulta e a infantil. É esencial espertar a parte infantil do adulto, paga a pena poñela en marcha, e ás veces, ler para un bebé é como ler ao bebé que unha vez ti fuches.

Por todo iso, nos nosos Bebencontros facemos fincapé en todo o devandito e tentamos sempre que a música e a linguaxe conflúan nunha mesma sesión. Deixámosvos unha pequeña mostra do que aplicamos sobre esta teoría nas nosas últimas sesión.

A música impacta no cerebro do teu bebé

Cando as notas musicais penetran no ouvido do teu bebé non só xeneran a actividade das áreas que procesan a audición, senón que activa máis de dez rexións diferentes do noso cerebro: a amígdala e o núcleo acumbens (zonas relacionadas coas emocións), o hipocampo (que participa nos procesos de memoria), o cerebelo (encargado do ritmo) e as cortizas sensitivas e prefrontais (que interveñen nos procesos de razoamento), son algúns exemplos disto. Por iso dicimos que a música impacta fortemente no cerebro do teu bebé.

Segundo a Teoría de Gordon sobre o desenrolo musical, a aptitude musical é unha capacidade que, do mesmo xeito que outras cualidades humanas, posúe toda a poboación ao nacer en maior ou menor medida. Esta aptitude vese inmediatamente influída pola contorna. Canto máis rica e variada sexa a contorna musical do neno, antes se verá exposto a ese contexto musical e maior será o nivel de aptitude musical que alcance ese bebé.

O profesor e musicólogo Paulo Lameiro segue os preceptos de Gordon nos seus “Concertos para bebés“, o que non quere dicir que faga música para bebés, senón que fai música para que o seu público sinta a música. Está demostrado que a capacidade auditiva dos bebés é trescentas mil veces maior que a dos adultos. Na nosa cidade tivemos o pracer de escoitar a estes grandes músicos no programa de Bebescena no centro Ágora.

Non vos perdades o sábado 18 de marzo ás 12.00h. o concerto “El efecto Arco Iris” do grupo de corda da Orquestra Sinfónica de Galicia. Tras o éxito obtido co seu anterior espectáculo (“As Cores das Cordas”), estes profesionais repiten esta tempada o seu segundo espectáculo, que nos mergulla no fascinante mundo das emocións. Convidando aos máis pequenos a descubrir como a música pode expresar os nosos estados de ánimo.

Pola importancia da música nas nosas sesións, despois de cada Bebencontro os nosos pequenos asistentes levan en préstamo un Bebelote. Nestas mochilas compostas por contos para eles e libros para as mamás e os papás, nunca pode faltar a música, e concretamente a clásica. Queremos que a música, os seus matices, as súas cores, enriquezan os ouvidos dos peques e desenrolen ao máximo as súas capacidades auditivas.

Se queredes seguir desfrutando de contos e de música na casa, podedes consultar o noso catálogo en liña ou vir pola Biblioteca e descubriremos moitas historias interesantes para vós.

Para ver unha pequena mostra gráfica do cuarto Bebencontro, tanto de 0 a 12 meses como o de 13 a 24meses, podedes mergullaros na galería Flickr das Bibliotecas Municipais. Que desfrutedes do Entroido e vémonos nas vindeiras sesións!

CantoConto! Parabéns!

Con motivo da celebración do aniversario dunha das nosas bibliotecarias, aproveitamos esta sesión para felicitar todos os aniversarios do ano, tanto das nenas e nenos como de seus pais e nais, avós e avoas… pero, ao estilo CantoConto!, con cancións e contos.

Descubrimos que a nosa compañeira estaba de aniversario, como non, a través do conto “¡Que llega el lobo!” ¡Que llega el lobo!dun dos nosos escritores/ilustradores favoritos, Èmile Jadoul. Este escritor belga vive no medio do bosque onde atopa diferentes animais que inspiran as súas historias e imaxes cheas de vida e cor. Como nesta ocasión, en que varios animaliños advirten da chegada do lobo á casa de gran Cervo, onde lle agarda unha fabulosa… Sorpresa!

Chancho-PanchoPero a meirande preocupación que pode ter unha persoa que vai estar de aniversario, non é a celebración de cumpreanos senón como se comporten os seus convidados na mesma. Isto aconteceu no conto de “Chancho-Pancho“, que conta as peripecias dun porquiño que, xa con nove anos, vai celebrar por primeira vez o seu aniversario, pero a concorrida reunión váiselle das pezuñas e convértese nun despropósito caótico, interrompido prematuramente pola súa enfurecida tía Asunción.

Este maxestuoso conto, está escrito e ilustrado polo estadounidense Maurice Sendak, que xa desde os 9 anos crea e ilustra, coa axuda do seu irmán, libros para nenos. Cabe destacar, que en 1970 gañou a Medalla Internacional Hans Christian Andersen ao mellor ilustrador. E no 2003 foi galardoado co premio Memorial Astrid Lindgren, ex aequo coa escritora austriaca Christine Nöstlinger. E, en 1964, foi galardoado coa medalla Caldecott. Por se isto fora pouco, ilustrou máis de 100 libros de autores como Hans Christian Andersen e será lembrado como o debuxante que revolucionou o libro infantil.

Finalmente, unha boa celebración que se precie, non pode rematar sen agasallos. E, en CantoConto! tiñamos o mellor, “El regalo“, escrito por  Gabriela Keselman. Onde coñecimos a Miguelito, que quería…

ALGO GRANDEEL REGALO

SUAVE E QUENTIÑO

ALGO FORTE

DOCE QUE DURE UN ANAQUIÑO

QUE O FAGA VOAR

QUE O FAGA RIR

QUE SE MOVA DUN LADO A OUTRO

COMO CHE GUSTARÍA A TI!

Para despedirnos dunha sesión chea de sorpresas, apertamos aos nosos seres queridos, e con eles cantamos un clásico de todas as festas de aniversario, o cumpreanos feliz… dun xeito moi especial:

Se queredes seguir desfrutando dos contos e da música, ademais de consultar o noso catálogo en liña, deixámosvos as recomendacións desta sesión.

recomendamos-cantoconto

  • El mensaje secreto de cumpleaños / Eric Carle.– [S.l.]: Kókinos, cop. 2007.
  • ¡Feliz cumpleaños, Mauro! / David Melling; [traducción, Elena Gallo Krahe].- [Zaragoza]: Edelvives, D.L. 2014.
  • La magia de los regalos / Montse Tobella.– Zaragoza: Edelvives, D.L. 2009. –
  • Lulú voltereta / Daniel Picouly, Frédéric Pillot.– Madrid: Pearson Educación, D.L. 2006.
  • Cumpleaños feliz / Juliet Pomés Leiz.– Barcelona: Tusquets, 2005.
  • Só un reloxo / Roberto Aliaga; Amrei Fiedler; [traducción, María Alonso Seisdedos].– Fraga (Huesca): La Fragatina, 2015.
  • Coas mans baleiras / texto de Ana Tortosa; ilustracións de Cecilia Varela.– Pontevedra: OQO, 2010.
  • A casa da miña avoa / texto de Pep Bruno; ilustracións de Matteo Gubellini.– Pontevedra: OQO, 2009.
  • Un dedo al año / Montse Ganges [texto]; Imapla [ilustracións].– Barcelona: Thule, cop. 2007.
  • Un agasallo diferente / Marta Azcona, Rosa Osuna.–     Pontevedra: Kalandraka, 2005.
  • Un regalo muy grande / Carl Norac; ilustracións Émile Jadoul.– Zaragoza: Edelvives, D.L. 2004.
  • El más bonito de todos los regalos del mundo / Pascal Teulade; ilustracións de Jean-Charles Sarrazin.– Barcelona: Corimbo, cop. 1999.

Deixámosvos unhas fotos das sesións de todas as bibliotecas. Agardamos que vos presten! Vémonos na vindeira sesión e non esquezades reservar a vosa praza!

This slideshow requires JavaScript.

“Qué susto!”, en CantoConto!

logo CantoConto!Qué susto!” foi unha das sesións máis divertidas das que gozamos en CantoConto! Lemos, cantamos e pasámolo xenial. Seguide lendo para saber máis. Pero non teñades medo, porque os sustos que levamos foron moi divertidos!

Cantamos a canción de Pablo DíazImos contar un conto“. Sempre veñen cativos novos que deseguido aprenden a letra e os xestos cos que a acompañamos. É unha canción que nos relaxa e nos leva paseniño ao mundo don contos.

EL REY HUGO Y EL DRAGÓNUnha coroa e unha loita de risa con dúas espadas brandiñas conducíronnos ata “El rey Hugo y el Dragón“, de Peter Bently e ilustrado por Helen Oxenbury, unha das nosas artistas favoritas (ilustrou “Imos cazar un oso” e “Alicia en el País de las Maravillas” da Editorial Lumen, entre outros). Tres nenos moi valentes constrúen no seu xardín un castelo onde loitarán con dragóns e monstruos. Unha historia chea de tenrura e de imaxinación.

porquiños

A continuación escollemos un conto clásico, dos de toda a vida: deses que nos contaron os nosos pais, a eles contáronllo os avós, aos nosos avós contáronllo os bisavós, a eles os tataravós e así indefinidamente. “Os tres porquiños“, nunha edición de OQO e coa axuda duns monicreques moi simpáticos.

untitledPara contarnos a última historia da tarde, recibimos de novo a visita dos nosos amigos Caracol e Caracola, outro libro da colección de OQO onde os nosos amigos tiveron un paseo moi axitado. Vaia susto!

E, para rematar, unha canción con moito ritmo, alegre e divertida: “A voz do son“, do disco “Ollos de mel“, do grupo Pirilampo, un grupo para nenos (e non tan nenos!) que coa axuda da música queren poñer o seu graniño de area na educación dos nenos. Escoitade qué delicia de canción:

Recomendamos CantoConto!

Queremos deixarvos algunhas recomendacións de lecturas, neste caso unha selección da Editorial OQO:

  • Mariluz avestruz“, de Rachel Chaundler.
  • Cocorico“, de Marisa Núñez.
  • Loboferoz“, de Patacrúa.
  • Fiz, o coleccionista de medos“, de Fina Casalderrey.
  • Ramón Preocupón“, de Anthony Browne.
  • Mateo“, de Paula Carballeira.
  • Coas mans baleiras“, de Ana Tortosa.
  • A visita dos domingos“, de Matteo Gubellini.
  • Os mil brancos dos esquimós”, de Isabel Minhós Martins.
  • Tres desexos”, de Eva Mejuto.
  • Paco Papán“, de Patacrúa.

E mirade qué fotos tan divertidas gardamos de recordo destas sesións. Non vos perdades a próxima, reservando o teu convite na páxina web das Bibliotecas Municipais. Xa quedan pouquiñas sesións! Ata a próxima, familias!

This slideshow requires JavaScript.

O ruído branco

Nestas dúas sesións os nosos contos protagonistas foron:

Adivina cuánto te quiero, escrito por Sam McBratney e ilustrado por Anita Jeram, é un dos contos máis amorosos, onde  dar medida ao amor convértese nun xogo de expresión de sentimentos.

¿Un gato?de Guido van Genechten, da colección Veo, veo, permítenos crear a nosa historia, adaptar cancións,  incorporar recursos sonoros e, deste xeito, manter o asombro dos pequenos mentres se van despregando as solapas e detrás de cada unha delas aparece un novo animal.

Que esconde o pequeno Edu?de Linne Bie, con Edu xogamos ao divertido xogo das agochadas, ademais de ir recoñecendo as diferentes partes do corpo de maneira moi musical.

En La granja del señor Cocde Jo Lodge, axudamos a este simpático crocodilo a coidar dos animaliños da súa granxa ao ritmo de melodías tradicionais e, por suposto, da súa canción:

Oh! ven a mi granja, oh! ven a mi granja

Oh! ven, oh! ven, oh! ven…

Xa vos falamos nun post anterior de como o son e/ou a súa ausencia teñen unha enorme importancia no desenvolvemento sensitivo, auditivo e cognitivo do bebé. Como os nenos se achegan aos distintos sons da realidade que os rodea, experimentan con eles, percíbenos, e observan como existen características comúns e diferencias entre os mesmos.

Desde pequenos van buscando coa mirada o son percibido, rexeitan os sons estridentes ou ruidosos, xogan a reproducir o que ouviron, recoñecen pequenas melodías e cancións, clasifican e ordenan sons exercitando con iso a  memoria auditiva, por elo as nosas narracións acompañámolas de diferentes sons, ritmos, volumes, timbres. A Beba identifícana co son dos axóuxeres cando soan, cando soan saben que vai a aparecer Beba coa súa saca chea de contos.

Pero hoxe queremos facer referencia ao ruído branco pola peculiaridade do efecto que este pode causar tanto en bebés como en adultos e as investigacións que se están a realizar neste tema.

Sabíades que o ruído branco tranquiliza ao voso bebé?

Para saber máis, deixámosvos esta ligazón:

http://www.bebesymas.com/ser-padres/por-que-el-ruido-blanco-calma-a-algunos-bebes

Outro exemplo de melodías que calman aos bebés, vén reflectido neste anuncio de doces xaponés… Animámosvos a facer a proba!

Para que lembredes o ben que o pasamos, deixámosvos unha mostra gráfica das sesións do 6 e 20 de febrero na Biblioteca Forum Metropolitano premendo na galería Flickr das Bibliotecas Municipais da Coruña.

Non nos queremos despedir sen antes agradecer ás familias participantes o seu entusiasmo e confianza, e sen vos recomendar algunas lecturas interesantes para esta Semana Santa. Xa sabedes que todos estes libros e máis podédelos consultar no noso catálogo en liña das Bibliotecas Municipais da Coruña.

Que desfrutedes das vacacións!

#Recomendamos Beba

Recomendamos unha colección de SM que chegou fai pouco á Biblioteca Forum, e un libro do Centro de Interese S.O.S. Somos Pais que chegou á Biblioteca do Castrillón.

O son e o silencio

CABECEIRA

 

Os elementos da formación auditiva son o son e o silencio, que forman parte da educación dos sentidos. Debemos axudar aos nenos para descubrir estes elementos e experimentar con eles. Nestas sesións de bebeteca traballamos estes dous conceptos a través dos contos (Tierra a la vista, señor Coc! de Jo Lodge; Unha ra? de Guido van Genechten; unha adaptación de Los tres cerditos y el lobo feroz de Carmen Gil; e Crocodilo de Antonio Rubio e Óscar Villán), cancións e poesías. Estiveron presentes o son das ras, o aullar do lobo, o asubiar das serpes, o vaivén das ondas do mar, o son dos instrumentos musicais e das “onomatopeyas” de accións. Este son, en ocasións, combinámolo con cacións e melodías tradicionais:

Croac,  croac

Matilda cantaba

Croac,  croac

sorrinte buscaba

 

Croac, croac

a un crocodilo

Croac, croac

chamado Domingo…

 

A mesma importancia que ao son, démoslla á ausencia del cando Coc entra na cova ou cando os porquiños preguntan se o lobo feroz está no bosque:

“Lobo estás, si o no?”……….(silencio)

 

O son e o silencio son conceptos que ocupan un lugar privilexiado na educación musical e auditiva dos bebés. Proporciónannos vivencias, emocións, sentimentos que usamos como medio de expresión para conseguir unha maior agudeza de oído.

Deixámosvos unha mostra gráfica na Galería Flickr das Bibliotecas Municipais das sesións do 9 e 23 de xaneiro na Biblioteca Forum Metropolitano.

Non nos queremos despedir sen vos recomendar algunhas lecturas para estes días. Estes e outros documentos podédelos atopar consultando o noso catálogo.

Hastag das recomendacións das Bibliotecas Municipais

 

 

 

Tras la huella de los sonidos [Grabación sonora] / Sara Marianovich.– Barcelona: Círculo de Lectores, D.L. 2004.

2 CD + 1 libreto de 37 p., il. col.

Esta proposta consiste nun libro ilustrado, acompañado dunha selección de 31 pezas de escoita sinxela (Tchaikovsky, Schumann, Ravel…). As pezas están ligadas entre elas por medio duns microcontos, creando un ámbito adecuado para a súa audición.

sonido

 

 

 

 

 

La naturaleza : 6 sonidos para escuchar, 6 imágenes para mirar / [ilustrado por Marion Billet].– Barcelona: La Osa Menor, 2011.

[12] p.: il. col.; 15 cm.– (Mi primer libro de sonidos)

Desfrutaredes cos sons máis divertidos que podedes escoitar na natureza. Sorprenderédesvos cunhas ilustracións moi vivas e cuns sons que farán que os máis pequenos aprendan como soa o canto dun paxaro, a auga que baixa polo río, o son da choiva…

primer-libro-sonidos-naturaleza

Bebencontro na Biblioteca Infantil e Xuvenil: 1, 2, 3, movendo o meu corpo da cabeza aos pés

Coma sempre os nosos encontros tentan darvos ideas para que a través da lectura, o xogo e a música fomentar o desenvolvemento dos máis pequenos.
Nesta ocasión adicamos as sesións para traballar as partes do corpo a través da psicomotricidade e así, entre outras cousas, favorecer o proceso de desenvolvemento da identidade, xa que entre o nacemento e os 6 anos é cando se forma a personalidade; aquí xoga un papel moi importante a estimulación temperá.

Neste desexo de achegarvos todas aquelas ferramentas dispoñibles nas bibliotecas decidimos traballar con diferentes contos, libros, cds musicais… Aquí vos deixamos unha mostra:

¡Muevase, Señor Coc!¡Muevase, Señor Coc!, da ilustradora e escritora Jo Lodge co que a través dos Bebé feliz: masajes, yoga, aromaterapia y otras técnicas para el desarrollo integral de tu hijomovementos dos diferentes animais imos descubrindo as partes do noso corpo: o tronco, as pernas, os brazos…

Co libro Bebé Feliz de Sheena Meredith aprendemos unhas posturas de ioga moi divertidas, que axudan ao desenvolvemento, liberación da tensión…

Ademáis coñecemos novas historias como Los diez Amigos, libro descatalogado do escritor e ilustrador Ziraldo, co que aprendemos cantos dedos temos en cada man, como se chama cada un e a que lles gusta xogar.

Rematamos a ximnasia cunha canción moi divertida, movendo todo o corpo, rematamos cansos, pero cun sorriso na cara. Aquí vola deixamos para que movades o esqueleto: “Mueve tu cuerpo”

Para despedir estas sesións tan estimulantes que mellor que unha canción dun dos nosos libro-discos preferidos

Té, Chocolate e café do grupo Golfiños   

Libro disco Té, chocolate, café

Libro disco Té, chocolate, café

Adeus, goodbye, ciao, aburiño

Adeus, au revoir, arrivederchi

Adeus, goodbye, ciao, aburiño

Adeus, goodbye, adeus, adeus

Adeus, adeus, adeus, adeus

Bicos ós meus, bicos ós teus

 Ata mais pronto, ata mais ver.

Non esquezades que podedes descubrir moitas outras cousas interesantes nas Bibliotecas Municipais, visitándonos ou a través do noso catálogo web.

Aquí vos deixamos un pequeno recordatorio do que foron as sesións, e recordade que sempre as poderedes voltar ver na galería de Flickr que temos as Bibliotecas.

This slideshow requires JavaScript.

Cos avós en CantoConto!

 

final sen marco

Un conto sempre e unha boa idea para disfrutar do tempo en familia e como se achega o Nadal pensamos en adicarlle esta sesión aos avós xa que eles sempre nos coidan , nos miman e nos contan fermosas historias coas que disfrutamos de maneira especial, pero nesta ocasión son eles os protagonistas .

Falamos da importancia das relacións interxeracionais co conto: “El jardín del abuelo”  nesta historia, faise un percorrido pola vida dun home que está comezando a esquecer e, que esculpe as suas vivencias nos arbustos do seu xardín coa axuda e complicidade do seu neto. Conta con unhas delicadísimas ilustracións de Lane Smith, nas que xoga co protagonismo do verde das figuras que crean xuntos,  sobre o fondo branco.

Outro conto do que disfrutamos xuntos, foi “Regalos” no que se demostra o agarimo e xenerosidade que desprenden as avoas polos seus netos sendo quen de multiplicar por 10 a seu único agasallo, para repartilo coa sua decena de netiños.

E como en toda boa troula, rematamos cantando e bailando a pegadiza e alegre canción  “Miña abuela Manuela” do CD de Pan de millo do grupo Migallas.

Antes de marchar recomendamos lecturas, como non, e máis nestas datas nas que podemos aproveitar para agasallar aos nosos cativos con fermosas historias para compartir en familia.

Recomendamos CantoConto!

guia 1Sin título

Unha sorte poder compartir tempo de agarimo e contos, cos nosos pequechos de 2 e 3 anos e as suas familias.

Sin títuloTamén aproveitamos para presentarvos a guía de Nadal, unha selección  de pequenos tesouros  que nos gustan para regalar nestas datas. Sabemos que regalar lecturas, música ou cine non é doado e que implica pensar moito nos que o reciben; por iso, os títulos  van acompañados dunha reseña do seu contido e estarán expostos nas bibliotecas municipais durante estas datas.

 

Aquí tedes algunha das fotos que sacamos durante as sesións,  hai moitas máis na galería de Flickr das Bibliotecas Municipais da Coruña.  Boas festas!

This slideshow requires JavaScript.

Hola, doutor! en CantoConto!

final sen marcoEsta semana, coa chegada do frío e as primeiras choivas, algunhas bibliotecarias caeron enfermas dun grave constipado. Pero o peor do asunto era o medo terrible que tiñan de ir ao médico! Menos mal que algunhas compañeiras, moi solidarias, atoparon a solución: buscar na biblioteca os mellores contos para acabar con ese medo. Coa súa axuda e tamén a dos nenos, que falaron das súas experiencias cos médicos, conseguimos solucionalo.

O primeiro que fixemos foi cantar a canción do noso querido Pablo Díaz: Imos contar un conto. Unha canción alegre que nos convida a escoitar con moita atención os contos que imos contar. Os elixidos nesta ocasión para tranquilizar á nosa compañeira foron Hola, doctor“, de Michael Escoffier; unha divertida historia para perderlle o medo ó médico. “Emilio está enfermo”, de Rómeo P (pseudónimo de Emile Jadoul), onde dous amigos falan sobre os estraños síntomas que un deles comeza a experimentar. E por último poidemos gozar con “Ser quinto”, de Ernest Jandl. Aquí vos deixamos o enlace para que o poidades volver a ver:

Antes de marchar, cantamos e rimos coa canción de Rosa LeónA mi burro, un clásico ben coñecido e que as bibliotecarias souberon engalanar para que os nenos cantasen e risen.

Recomendamos CantoConto!

 

Se non puideches vir a sesión e levar algunha das nosas recomendacións, deixámosvos aquí algúns títulos para que os leades en familia:

  • Solamente un poco de gripe“, de Armelle Modèrè.
  • Dita y Dito van al médico“, de Mónica Gutiérrez Serna.
  • Dame a man“, de Seve Calleja e debuxos de Santy Gutiérrez.
  • Con el médico” de Helen Oxenbury.
  • El constipado del sol“, de Esperanza Medina e Elena Fernández.

E botádelle un ollo tamén ás fotos que sacamos nas distintas sesións, seguro que vos gustan. Ata a próxima!

This slideshow requires JavaScript.

%d bloggers like this: