Arquivo do blog

Comezan os bebencontros 2017/2018

Xa temos todo listo para o inicio dos bebencontros para este curso 2017-2018 que terán lugar nas nosas bebetecas das bibliotecas Ágora, Forum, Infantil e Xuvenil e Os Rosales.

Os Bbencontros son sesións celebradas nas Bebetecas da Rede de Bibliotecas Municipais da Coruña onde bríndase ás familias con bebes de 0 a 24 meses a oportunidade de descubrir xuntos o mundo da lectura e os libros. E se aínda non sabedes que son e qué facemos nas bebetecas, lede, lede… qué é unha bebeteca.

Bbencontros das Bibliotecas Municipais da Coruña

Como acadar unha praza para un bebencontro: Preinscrición: prazas limitadas

Para poder participar nos bebencontros requírese unha inscrición previa a través da nosa páxina web www.coruna.es/bibliotecas. O prazo de inscrición ábrese 7 días antes á celebración da actividade a partir das 10:00 horas. As prazas adxudicaranse por rigorosa orde de inscrición.

Para calqueira dúbida ou información podedes acudir persoalmente as nosas bibliotecas ou chamar por teléfono.

Recorda que nas nosas bibliotecas contamos con ordenadores dispoñibles con conexión a internet gratuita. Así, en horario de apertura dos nosos centros, consulta horarios,  podes acceder a eles para facer a inscripción, tamén co apoio e asesoramenteo do persoal bibliotecario.

Os espazos para os nosos pequenos lectores

No resto das nosas bibliotecas, aínda que non conten cun espazo propio, existen zonas destinadas aos máis pequenos, equipados con gran cantidade de materiais de lectura en diferentes soportes para as primeiras idades, asesoramento por parte dos bibliotecarios e un servizo de préstamo.

bebeteca

Se queres descubrir  como gozan os nosos lectores máis pequenos nas sesións de anos anteriores visita a Galería Fofográfica de Flickr de Bibliotecas Municipais, Bebeteca. E para estar ao tanto de cada unha das sesións aqui tedes o calendario para este curso 2017-2018:

calendario_bebencontros_web

Así que tomade nota, porque o sábado 30 de setembro ás 10.00 h. repartimos os convites para o bebencontro para bebes de 0 a 12 meses da biblioteca do Forum do vindeiro 7 de outubro.

Advertisements

BbLinguas: aprendizaxe sen fronteiras

«Se falas cunha persoa nun idioma que comprenda, chegas á súa cabeza. Se falas con ela no seu idioma, chegas ao seu corazón»

Nelson Mandela

Os bebés comprenden o que sucede no seu entorno antes de poder falar. A súa capacidade de adquirir coñecementos é prodixiosa, desde os primeiros meses de vida apreciamos como a súa personalidade e o seu comportamento vanse modelando a pasos de xigante. E se isto ten lugar nunha contorna multilingüe estanse desenvolvendo ademais unhas boas aptitudes para os idiomas, aptitudes que nesta sociedade global sempre implican progreso.

A experiencia de varios idiomas nos máis pequenos tradúcese nunha mellora da función executiva do cerebro, é dicir, son capaces de resolver tarefas e problemas con maior facilidade. Tamén implica un incremento das habilidades metalingüísticas (a capacidade de reflexionar sobre a linguaxe en si mesma) e aporta efectos protectores contra o deterioro cognitivo que supoñerá a idade adulta. Repercutirá positivamente tanto no seu futuro cultural e profesional como en termos de identidade persoal e autoestima (imaxinades o bonito de vivir sen tradutor automático?).

bblinguas-21.jpg

Neste contexto, as Bibliotecas Municipais somos conscientes da importancia de proporcionar  ferramentas para descubrir e coñecer novos idiomas. E neste convencemento propoñémosvos BbLinguas: unha selección de contos que ten por vocación contribuír ao coñecemento e adquisición de máis dunha lingua dende idades temperás. Historias ilustradas, breves e sinxelas en distintos idiomas que constitúen un apoio para a aprendizaxe e a práctica dun idioma estranxeiro:

  • Guardería de idiomas. Julie Aigner-Clark. Barcelona: Essential Minds, D.L. 2004.
  • Corre! Corre! Jeanne Ashbé. Barcelona: Corimbo, 2005.
  • Upa! upa! Hip, hop. Catherine Hnatov. New York: Star Bright Books, 2010.
  • Chi si nasconde lì? Milano: Gribaudo, 2010.
  • Mon tout premier livre sonore. Fiona Land. Paris: Nathan, 2010.
  • Where´s Mrs. Ladybird? Ingela P. Arrhenius. Londres: Nosy Crow, 2017.
  • Go to sleep Cheeky Monkey! Carles Ballesteros. Londres: Words & Pictures, 2017.

Estes e outros títulos agárdanvos na sala infantil da Biblioteca Ágora dispostos a ensinar idiomas para poder vivilos, a converterse nunha primeira aproximación a formas de comunicación alternativas que tornan difusas as fronteiras.

“A espertar” – Bebencontro Final na Biblioteca Fórum

O vindeiro 27 de maio na Biblioteca Fórum celebramos o Bebencontro Final cos bebés de 0 a 24 meses. Este ano Estíbaliz Veiga e Erica González coa peza”A espertar” farán que os bebés desfruten sendo estimulados a través da música, da pantomima e a doce palabra. Emocións, cores, baile, cantos de berce… minutos inesquecibles para compartir en familia.

Agardámovos!

Lembrade que a inscrición será a partir do sábado 20 de maio ás 10:00h. en http://www.coruna.gal/bibliotecas

A espertar

O ritmo da poesía

No noso post anterior “A música impacta no cerebro do bebé” expoñiamos que diversos estudos afirmaban que a música “activa máis de dez rexións diferentes do noso cerebro”. Pois ben, tamén son moitos psicólogos, pedagogos e musicólogos que nos falan da musicalidade da linguaxe; Perret, Malloch e Trevarthen,  apoian e explican como a linguaxe e a musicalidade van da man desde os seus inicios e que a sintaxe lingüística e a sintaxe musical comparten procesos neuronais.

O ser humano desde que está no ventre da súa nai experimenta a musicalidade ao sentir diversos ritmos e sons do corpo da súa nai e do seu propio, sendo a voz humana un dos instrumentos máis marabillosos e variados  e  unha das primeiras cousas que o bebé aprende a ler e interpretar.

Así que, é sumamente necesario falar moito co bebé, cantarlle cancións e  lerlle poesías e contos para que, deste xeito, comece a recompilar información acústica e que posteriormente poida empregala para entrar na cadea simbólica que forma parte do patrimonio simbólico das comunidades.

Non se trata de promover o coñecemento futuro dos nenos, é unha necesidade.

Evelino Cabrejo-Parra (experto en lectura na primeira infancia) sostén que: “Son inesgotables as posibilidades de lecturas que se poden facer e nunca se lerá o suficiente para un bebé. É importante ser consciente diso.  Non se trata de promover o coñecemento futuro dos nenos, é unha necesidade. Os nenos son capaces de interiorizar e asimilar para incorporar ritmos e os adultos teñen que saber que isto é parte do alimento simbólico, necesario para a construción psicolóxica dos nenos”. De aí, a importancia de darlles os ritmos de maneiras moi diferentes.

Nesta liña tamén, a psiquiatra francesa Marie Bonnafé, afirma que a lectura en voz alta é unha maneira de indicar ao bebé que hai significado nos textos. Os nenos que non descobren a tempo que o texto ten significado terán un achegamento tormentoso ao libro, un sufrimento absoluto. Pero, se hai unha lectura en voz alta, unha entrada pracenteira e libre na lingua e na cultura, seguramente o destino dese suxeito será diferente.

Sempre penso en tres aliados, na orde natural: o bebé, a familia e a biblioteca.

Nunha entrevista feita a Cabrejo-Parra, Gabriela Romeo pregúntalle:

GR: E por iso é fundamental que a triangulación – mediador, neno e o obxecto-libro – veña da familia. Se isto sucede a partir da familia, o resultado é totalmente diferente.

EC-P: Creo que a familia ten un papel moi importante. Sempre penso en tres aliados, na orde natural: o bebé, a familia e a biblioteca. Na orde institucional: a biblioteca, a familia e o bebé. A familia é decisiva nesta historia. E cando descobre que ao bebé gústanlle os libros, nin un pai, nin unha nai sequera permanece indiferente a iso. Vai descubrir que o bebé ten unha serie de habilidades, poñendo en marcha todo este patrimonio cultural que, como adulto, aparentemente esqueceuse, pero está latente, nun recuncho dunha parte non consciente. Nas cancións de berce, nas cancións, alá está todo o que necesita ser ofrecido aos bebés.

Neste proceso hai unha riqueza que vai máis aló da simple interacción. Cada adulto ten en si un bebé, a parte infantil do adulto que a miúdo dorme, e necesita espertar. Ás veces pode estar morta e logo termina creando unha descontinuidade interna entre a parte adulta e a infantil. É esencial espertar a parte infantil do adulto, paga a pena poñela en marcha, e ás veces, ler para un bebé é como ler ao bebé que unha vez ti fuches.

Por todo iso, nos nosos Bebencontros facemos fincapé en todo o devandito e tentamos sempre que a música e a linguaxe conflúan nunha mesma sesión. Deixámosvos unha pequeña mostra do que aplicamos sobre esta teoría nas nosas últimas sesión.

Contos que camiñan…

BbEscolasEntendemos o viaxar como unha forma de vida, como reconforte persoal que aporta novos traxectos cheos de coñecementos e experiencias, como fonte de desfrute e diversión que permite construir historias e fixar recordos inesquecibles.

Acotío e dende as nosas bibliotecas tamén viaxamos, mais o facemos dun xeito diferente: a través dos libros. Eses contos infantís que forman parte da vida laboral e nos teñen totalmente namoradas; moreas de historias que ilustran a mente de nenos e nenas e lles permiten vagar por quilómetros de fantasía; lecturas itinerantes que percorren camiños para compartir momentos especiais…

Medramos entre contos! Mergullámonos nas historias!

Medramos entre contos! Mergullámonos nas historias!

Tras un mes intenso cheo de rutas de ida e volta, cargadas de equipaxes, ilusións compartidas e obxectivos cumpridos damos por finalizada a primeira fase do programa BbEscolas: CONTOS QUE CAMIÑAN…

O persoal da Bebeteca visita as Escolas Infantís da contorna

O persoal da Bebeteca Ágora visita as Escolas Infantís da contorna

Contos que camiñan viaxan da man dunha Beba que sae da súa “zona de confort” co obxectivo de achegarse ás Escolas Infantís da contorna e reforzar a relación entre as súas bibliotecas de aula e a nosa biblioteca. Como? A través dunha posta en común de contos adaptados tanto á idade do alumnado como aos contidos curriculares do centro.

montaxe2

Biblioteca de aula da EIM Agra do Orzán · Alumnado da EI PSN Bicos

… e así foi como entre un mar de letras degustamos un dos contos que máis lle gustan a Beba: nada… nada… Nadarín!

NADARÍN, clásico ilustrado por Leo Lionni nos anos 60, é unha pequena alfaia imprescindible nas vosas-nosas bibliotecas. Cunha benvida plástica hipercoidada e fermosa (teño que confesar a miña devoción pola acuarela…) preséntase unha historia baseada na diferencia (diversidade mariña), na solidariedade e compañerismo (a unión fai a forza) e no medo ao descoñecido (capacidade de superación persoal). Unha escolla “bebetequeira” convertida en perfecto recurso bibliográfico para reforzar un traballo específico, como é o da educación en valores, co propio alumnado.

Mais toda viaxe debe voltar á calma coa fin de recuperar folgos cara a novas aventuras… (até o mes de maio aínda quedan algunhas!)

Con Beba no seu fogar, os contos na Bebeteca e nós nun espazo físico e humano privilexiado, damos por finalizada a itinerancia dunha primeira fase chea de emocións, ilusións e lecturas compartidas.

Pequenos e pequenas, Miriam (EI PSN Bicos), Marga (EIM Agra do Orzán), Rocio e Asunción (EI Xénesis), Almudena (EIM Carmen Cervigón – Padre Rubinos), Iciar (EI Ventorrillo), Susana (EI Nazaret), Raquel (EI Parrulos Ventorrillo) e mestrado ao completo… o Beba´s Team quere agradecervos o voso traballo e implicación. Un verdadeiro gustazo! Vémonos no mes de marzo ao máis puro estilo Chubby Checker…

… claps your hands! COME ON LET´S TWIST AGAIN! ⭐⭐⭐ ツ

Comezamos os bebencontros nas Bibliotecas Municipais da Coruña

Xa temos todo listo para o inicio dos bebencontros para este curso 2016-2017 que terán lugar nas nosas bebetecas das bibliotecas Ágora, Forum, Infantil e Xuvenil e Os Rosales.

Os Bbencontros son sesións celebradas nas Bebetecas da Rede de Bibliotecas Municipais da Coruña onde bríndase ás familias a oportunidade de descubrir xuntos o mundo da lectura e os libros. E se aínda non sabedes que son e qué facemos nas bebetecas, lede, lede… qué é unha bebeteca.

Bbencontros das Bibliotecas Municipais da Coruña

Como bibliotecas públicas  que somos brindamos aos nenos a oportunidade de experimentar o desfrute da lectura e a emoción de descubrir o coñecemento e as creacións da imaxinación. Aos pequenos débeselles estimular a usar a biblioteca dende unha idade temperá xa que así será máis probable que sigan sendo lectores no futuro, é todo isto pretendemos levar a cabo nos bebencontros aos que podedes acudir co vosos bebes cos convites que repartimos neste blog a semana anterior á celebración da actividade.

Como acadar unha praza para un bebencontro: Preinscrición: prazas limitadas

Para poder participar nos bebencontros requírese unha inscrición previa a través da nosa páxina web www.coruna.es/bibliotecas. O prazo de inscrición ábrese 7 días antes á celebración da actividade a partir das 10:00 horas. As prazas adxudicaranse por rigorosa orde de inscrición.

Para calqueira dúbida ou información podedes acudir persoalmente as nosas bibliotecas ou chamar por teléfono.

Recorda que nas nosas bibliotecas contamos con ordenadores dispoñibles con conexión a internet gratuita. Así, en horario de apertura dos nosos centros, consulta horarios,  podes acceder a eles para facer a inscripción, tamén co apoio e asesoramenteo do persoal bibliotecario.

Os espazos para os nosos pequenos lectores

No resto das nosas bibliotecas, aínda que non conten cun espazo propio, existen zonas destinadas aos máis pequenos, equipados con gran cantidade de materiais de lectura en diferentes soportes para as primeiras idades, asesoramento por parte dos bibliotecarios e un servizo de préstamo.

bebeteca

Se queres descubrir  como gozan os nosos lectores máis pequenos nas sesións de anos anteriores visita a Galería Fofográfica de Flickr de Bibliotecas Municipais, Bebeteca. E para estar ao tanto de cada unha das sesións aqui tedes o calendario para este curso 2016-2017:

calendario bebencontros 2016/2017

Así que tomade nota, porque o sábado 8 de outubro ás 10.00 h. repartimos os convites para o bebencontro para bebes de 13 a 24meses da biblioteca do Forum do vindeiro 15 de outubro.

Masaxe para bebés na sesión final dos Bebencontros do Forum

Rematamos os Bebencontros na Biblioteca Forum desta tempada, non nos queremos despedir sen antes agradecer a todas as familias, ás que puideron e ás que non puideron asistir, agradecer a vosa confianza e participación.

Nesta última sesión abordamos o tema da masaxe infantil. Contamos coa experiencia de Carla Console para realizar esta derradeira sesión da tempada.

f0344832

 A masaxe infantil é un instrumento de relación e de comunicación entre o neno e as súas persoas de apego, como unha ferramenta que promove a nutrición afectiva a través do tacto.

O desenvolvemento infantil durante os primeiros anos de vida caracterízase pola adquisición progresiva de control postural, autonomía no desprazamento,  comunicación, a linguaxe verbal e a interacción social. Por tanto, a etapa 0-3 supón un período crítico no desenvolvemento humano debido ao nivel de plasticidade cerebral do sistema nervioso central. O sistema nervioso do neno desenvólvese grazas a dúas fontes principais: a dotación xenética e o procesamiento dos estímulos externos.

Os cinco sentidos son a porta de entrada destes estímulos, mentres que o cerebro é o procesador. Sendo a pel é o noso órgano máis grande, por tanto o sentido do tacto ten moita importancia desde as primeiras etapas.

  • Durante a xestación: O tacto é o primeiro sentido en desenvolverse dentro de útero (entre 6ª e 9ª semana).
  • No nacemento: O tacto continúa sendo o sentido máis potente de todos.
  • Cando o neno crece comeza a tocalo todo. Trátase dun modo primario de aprendizaxe: pode ver os obxectos que o rodean, pero non está satisfeito ata que tamén pode manipulalos.

This slideshow requires JavaScript.

A necesidade do tacto é tamén un dos elementos fundamentais no  establecemento do vínculo afectivo (apego). De feito durante a masaxe activamos: contacto ocular, cheiro, contacto pel con pel e voz.

A medida que os nenos van crecendo, o contacto ocular e a voz do adulto non son suficientes para manter a atención durante o momento da masaxe, en particular durante a fase de explosión motriz. Así mesmo, durante este momento evolutivo é fundamental achegar unha dose importante de creatividade á masaxe infantil: cancións, xogos e contos sobre a pel.

Os contos con tacto achégannos ao mundo da masaxe infantil dunha maneira lúdica, fomentando a fantasía e a imaxinación necesarias cando os nenos crecen. Nesta ocasión mixturaremos verbas e tacto, poesías e masaxes.

Agardamos que participedes nos vindeiros Bebencontros da tempada que vén e que veñades a escoller lecturas para o verán. Querémosvos deixar unhas recomendacións para que vaiades abrindo boca…

#Recomendamos Beba

 

 

 

  • Masaje para bebés: una guía paso a paso para lograr su bienestar / Mercé Simón, Marián Sánchez, Queca Elizalde.– 2ª ed.– Barcelona: Parenting, 2005.
  • Shiatsu para bebés: contactos felices para los más pequeños / Karin Kalbantner-Wernicke; Tina Haase.– Barcelona: Urano, 2013.
  •  ¿Qué te pico la hormiga de los pies a la barriga? / texto, Isaías Isabel; ilustraciones, Pablo Prestifilippo.– México: CIDCLI, 2003.
  • Diez amigos / Inés Rosales, Elena Odriozola.– Zaragoza: Imaginarium, D.L. 2002.
  •  Los disfraces de Tento / Ricardo Alcántara, Gusti.– Zaragoza: Edelvives, cop. 2010.

 

Festa final “Contos do chupete” con Migallas Teatro na Biblioteca Infantil

Como facer que adultos e pequechos queiran máis contos, máis festa e máis biblioteca?

Pois con música, con risas e moitos moitos libros. Todo iso foi posible co grupo Migallas, na festa final dos Bebencontros que a Biblioteca Infantil e Xuvenil (Durán Loriga) preparou para despedirse desta volta.

This slideshow requires JavaScript.

Dende outubro disfrutamos na Bebeteca de Durán Loriga das familias, dos seus pequerrechos e dunha morea de contiños, músicas e libros, e este mes de maio xuntamos a 28 bebés e ás súas familias para celebrar, por todo o alto, o que máis nos gusta… todos ese sorrisos acadados na Biblioteca.

Co seu libro-disco Pan de Millo ben presente, Bea e David, foron recibindo xa cediño ás familias, arrexuntándoas para entrar de cheo no mundo da fantasía e risas que trouxeron ca música e os contiños.

Unha experiencia, de principio a fin, que reflicte o que sempre intentamos acadar na Bebeteca, que as familias fagan seus os espazos, os libros, compartan lecturas e momentos de descubrimentos, e que saiban que o importante é o que vaia perdurando pouco a pouco nas experiencias dos pequenos e pequenas, os lazos fortalecidos entre as familias, e que a Biblioteca fará sempre de niño para acollelos.

Pero isto non é unha despedida!!! Só unha pausa, pequena, cortiña… na que prepararemos máis sesións, máis contos e moitas máis ilusións que mostrarvos para o curso que ven.  E mentres, nos meses que restan ata os próximos Bebencontros, deixarvos unha invitación a descubrir os fondos que aínda non coñecedes da Biblioteca, ou repetir os que máis vos gustaron!

Aquí vos deixamos unha selección dos libros que Migallas utilizaron na súa actuación e os que temos durante todo o verán dispoñibles para levar en préstamo, xunto cos Bebelotes que temos durante todo o ano preparados segundo temáticas e idade dos bebés.  Hastag das recomendacións das Bibliotecas Municipais

Recordade ademáis que poderedes consultar o catálogo web das Bibliotecas municipais as 24h/7 días á semana para saber qué temos dispoñible ou mesmo as últimas incorporacións. E no flickr das Bibliotecas municipais, para os que sintan morriña, deixámosvos unha selección das fotos dos Bebencontros deste ano.

Gracias a todos por compartir tantos momentos!

Esperámosvos prontiño!

Monstros na biblioteca de Ágora.

Non podemos negar que na equipa infantil da Biblioteca de Ágora somos moi fans da diferencia. E eu, persoalmente, non podo evitar ser moi fan de Gilles Deleuze. Cando era hora de preparar o post e pensaba en sobre que escribir para definir a sesión de bebencontros que tivemos para clausurar o curso 2015-2016, á miña cabeza viuse a imaxe de Diferencia e Repetición, un libro orixinalmente publicado no 1968 no que a diferencia é sinónimo de cambio, de contraposición a repetición, de avance.

POST BEBE 01

Espazos mutantes que vós enchedes de maxia.

Como parte dunha contorna máis que diferente, cremos nunha identidade diferente, unha identidade que non existe previamente senón que flúe, transfórmase e enriquécese na medida en que novas diferencias vanse sumando a este pedazo de terra no que traballamos, vivimos, respiramos, paseamos e, sobretodo, achegamos a lectura. Podemos falar da diferencia como leitmotiv? Pois en parte debemos confesar que si, porque gústanos acoller a quen veña e recibir os cambios que todas esas novas persoas acheguen a unha contorna tan viva como mutante, sen prexuizos de perder unha tradición senón lembrándoa e avanzando para seguir a facer outra.

Para estas alturas quizais non lembredes, pero estou a falar do que existe detrás da sesión de clausura do programa de Bebeteca na biblioteca de Ágora. E de feito decidimos decir ata pronto dun xeito diferente, diferente ao resto das sesións, e falando da diferencia como necesidade e forma de buscar novos lugares, conformar novos espazos nos que a diferencia faga que o espíritu sexa máis libre.

Olga de Dios sabe perfectamente que a diferencia é

Personajes con carácter

Algunhas das “persoaxes con carácter” de Olga de Dios.

sen dúbida unha riqueza global, e por iso escribiu Monstruo Rosa (Apila, 2013), un libro que non deixa de funcionar entre pequenxs e maiores. E nós pensamos que se debe a que todxs nós somos/temos sido/seremos monstruos rosas que buscan o seu lugar e non cansan ata vivir cun sorriso continuo cando entendemos que a riqueza é a que da escoitar a quen non é coma un·ha mesmx.

É por iso que este post é tamén diferente, máis que o relatorio dos contos contados ou das aventuras do Monstruo Rosa. Este post é unha forma de agradecer a participación de todxs vós como usuarixs e dxs vosxs peques como público obxectivo do programa por parte dun grupo mutante, diferente e diferenciado individualmente, que traballa coa finalidade de que as historias non queden atrapadas nas paredes da biblioteca, senón que traspasen cada muro de hormigón e cada parede de ladrillo para crear lugares diferentes, creativos, mellores, libres de pensamento e de sentir emocións.

Sin máis, vémonos no curso que ven. Saúde e grazas a todxs!

Nel

Tardes de contos tradicionais, poesía e circo

As sesións do mes de abril viñeron acompañadas de contos tradicionais, poesía e circo.

Na sesión de 13 a 24 meses coñecimos a historia clásica de Ricitos de oro y los tres osos, unha adaptación de Carmen Gil e ilustrada por Jenny Arthur (Combel, 2011); e vibramos coa música do circo e os gusidedos de Hervé Tullet (Kókinos, 2008).

Na sesión de 0 a 12 meses descubrimos por dentro a casa do Señor Coc de Jo Lodge (Edelvives, 2009) e nos adentramos na Selva con  Marie Aubinais e Jean-Françoise Martin (Planeta, 1996).

Os bebés e a poesía…

Moitas veces preguntádesnos desde cando podedes recitar poemas e  ler contos aos vosos bebés.

A nosa resposta sempre é a mesma: Mesmo antes de que naza o voso bebé, é moi importante que lle recitedes poemas e lles leades contos.  Non hai que esquecer que o oído dun ser humano se desenvolve no ventre, a musicalidade dos poemas fai que os estímulos que o bebé recibe do exterior contribúan moi positivamente ao desenvolvemento do seu cerebro. Os poemas co seu ritmo e melodía acariñan os oídos dos bebés acougándolles, por iso  encántanlles as nanas, palabras cantadas, poesía, etc., todo isto é un agasallo para o voso bebé e para vós que tedes o pracer  de lerlle en voz alta.

A Academia Americana de Pediatría e a Asociación Española de Pediatría recomendan ler aos nenos desde o nacemento, e especialmente durante os tres primeiros anos de vida, que é cando o cerebro experimenta un desenvolvemento máis rápido. Ler aos nenos estimula a súa intelixencia, reforza a relación cos pais, mellora o desenvolvemento da linguaxe e brinda capacidades emocionais moi importantes para a vida.

Os poemas sérvennos para xogar, para pensar, para sentir, para cantar, para rir, mesmo para saber da tristeza, por iso animámosvos a que recitedes  poemas aos vosos bebés e así vaian descubrindo o mundo cunha rima.

Antonio Rubio (Poemario vida láctea)

lactea3El niño

tiraba chinas

desde la orilla

del mar.

Y el agua

le contestaba:

-Glup, glup,

qué ricas están.

 

 

Caracol, col, colcaracol-paraguas-fotografia

de sol

y de sal.

Caracol, sol, sol,

Caracol, sal, sal.

Para bien

o para mal,

tu casa es una espiral.

Caracol, col, col,

de sol

y de sal

                               Beatriz Osés (Lo que saben los erizos)

JaponAzul          

La niña se viste
con traje de niebla.
Se mira al espejo,
refleja tristeza.

Recoge una gota,
redonda y pequeña,
pregunta en silencio:
“dime, ¿cuánto pesas?”

 

Estrella Ortiz (Las cuatro estaciones)

Invierno

“¡Más ropa,tumblr_nzx1cmySub1u8bfjpo1_400

que hay poca!”,

dice el tiempo.

Silencio.

Las nubes en el cielo.

Silencio.

La nieve serena.

Silencio.

La fuente llena.

Silencio.

La luna helada.

Silencio.

El viento quieto

en las ramas.

Schsss.

 María José Ferrada (O baile diminuto)

E a bolboreta?

 

(que nun principio non era nada e despois foi bolboreta)

 

linda-mariposa-hd-1770É certo que voaba

de primavera en primavera.

 

De flor en flor,

de sol en sol?

 

Para dormir (Poemas tradicionais)

 

Tus ojos son cerezas

de mi cerezo

ciérralos despacito

mientras te mezo.

othtlshahfu_s1600_dormir

Miña nai, miña naicíña,

como a miña nai ninguna,

que me quentaba a cariña,

co caloriño da súa.

Miña meniña bonita,

dime onde tes a cama,

no cortello das ovellas,

nunha moliña de palla.

Para que lembredes o ben que o pasamos, deixámosvos unha mostra gráfica, na galería Flickr das Bibliotecas Municipais da Coruña, das sesións do 2 e 16 de abril na Biblioteca Forum Metropolitano.

Non nos queremos despedir sen antes agradecer ás familias participantes o seu entusiasmo e confianza e sen vos recomendar algunas lecturas interesantes. Xa sabedes que todos estes libros e máis podédelos consultar no catálogo en liña das Bibliotecas Municipais da Coruña.

#Recomendamos Beba

Hoxe recomendamos uns contiños moi musicais de Mar Benegas.

  • Diez ardillas / [Mar Benegas ; Laurence Jammes].– Barcelona : Combel, 2015.
  • ¿Le pondremos un bigote? / [Mar Benegas ; Sandra Navarro].– Barcelona : Combel, 2015.
  • Ñam ñam / Mar Benegas [por el texto] ; Marta Cabrol [por las ilustraciones].– Barcelona : Combel, 2015.
%d bloggers like this: