Category Archives: SOS Pais

CantoConto!: Ti podes!

Estes días puidemos disfrutar da sétima sesión de CantoConto! deste curso. Nesta ocasión quixemos abordar o tema da autoestima. Por todas partes atopamos mensaxes que nos falan da súa importancia para a felicidade dos adultos, pero debemos recordar que podemos fomentala dende os primeiros anos.pablo1

En CantoConto! adoitamos tocar temas sensibles da forma máis lúdica e divertida posible, e éste non ía ser menos. Coma sempre, abrimos a sesión coa nosa canción de cabeceira “Imos contar un conto” do disco Tic, tac de Pablo Díaz.

Pero logo veñen os contos, e nunca son os mesmos.

nicomedes-o-pelado

 

Presentamos nesta ocasión ó noso amigo “Nicomedes, o pelado” de Pinto&Chinto, editado por Kalandraka e que podedes localizar en calquera das nosas bibliotecas municipais. É unha historia moi divertida sobre tódalas cousas que poden suceder nunha cabeleira nada convencional.

tu-puedes

 

O feito é que todos temos características que nos fan únicos e que non debemos esquecer valorar. O seguinte título que abordamos nesta sesión foi “¡Tú puedes!” de Ole Könnecke e publicado por Editorial Lóguez nun formato moi chusquiño. “¡Tu puedes!” conta a historia dun pequeno paxariño que se atopa cun reto que lle custa afrontar. Cunha ilustración moi sinxela e expresiva, este conto consigue introducirnos na pel deste novo e simpático amigo.

alegria

Rematamos a sesión cunha canción moi inspiradora do libro-disco Alegría! de Sérgio Tannus, publicado por Galaxia na colección Sonárbore. Esta colección está composta por libros-discos para achegar a música ós máis pequenos da casa. Algúns deles xa os coñecemos en CantoConto! e forman parte da nosa lista de reprodución  de YouTube.

recomendamos-cantoconto

  • A escada vermella / Fernando Pérez Hernando. Kalandraka, 2015.
  • El más listo / Mario Ramos. Corimbo, 2012.
  • Nariz de ouro / texto de Raquel Saiz ; ilustracións de Juliana Bollini. OQO, 2010.
  • Tito fai de malabarista / Guido van Genechten. Tambre, 2007.
  • Todos menos uno / Éric Battut. Libros del Zorro Rojo, 2011.
  •  Primeros auxilios emocionales para niños y adolescentes : guía para padres / Javier Urra. La esfera de los libros, 2016.
  • Abrázame, mamá : el desarrollo de la autoestima infantil y juvenil / Mª Luisa Ferrrós. Planeta, 2007.
  • Cuentos para educar con inteligencia emocional : los niños de colores / Clara Peñalver;  Sara Sánchez. Beascoa, 2014.
  • Burbujas de paz / Sylvia Comas; Fermín Solís. Nube de Tinta, 2016.Deixámosvos unhas fotiños das sesións nas diferentes bibliotecas. Poderedes atopar máis na nosa conta de Flickr.

This slideshow requires JavaScript.

 

Advertisements

Os previos tamén son importantes

No 2017, na Biblioteca Municipal Infantil e Xuvenil quixemos darlle un espazo tamén ós que agardan a chegada dun novo membro á familia.

Presentámosvos os Pre-lotes (para futuras familias).

E que son?

Son  lotes ideados coa finalidade de axudar, sacar medos e divertir ás futuras mamás e papás.

Neles atoparedes libros sobre o embarazo, adicados ao papá e que se vexa reflexado, sobre lactancia, música, relaxación, algunha que outra risa, etc.

Deste xeito chegaredes ao gran momento con menos dúbidas e temores.

Acompañámolos co noso cuaderno Que vai e ven onde poderedes escribir os vosos pareceres sobre a selección e darnos recomendacións, de seguro, interesantes.

Son o complemento perfecto para os Bblotes que xa temos nas nosas bibliotecas e que cada tempada reformulamos para o noso público máis esixente.

Todos os nosos lotes contan como 1 só préstamo e tendes 30 días para desfrutalos podendo amplialos 10 días máis se fora preciso.

E recordade que tamén temos os Bebencontros para vir contar, cantar e xogar con nós.

calendario bebencontros 2016/2017

Tendes máis información sobre as  Bebetecas na nosa WEB e para consulta, o catálogo OnLine das Bibliotecas Municipais da Coruña.

OPAC das bibliotecas municipais da coruña

 

Unha nai é unha nai

Cantas veces temos escoitado o de que “unha nai é unha nai”?

Co gallo do Día Internacional da Muller queremos, dende as Bibliotecas Municipais, adicarlle este post ás que non teñen acougo pero dan acougo, están cansas pero non descansan, que fan rir ata chorar e choran da risa, que son calma, son apego, son día e son noite… moitas noites, en definitiva, son nais.

É certo, unha nai é unha nai, pero tamén son traballadoras, compañeiras, amigas, parella e, non se pode esquecer, persoas.

profesion-madre

As persoas toman decisións e a maternidade é unha decisión, dende o principio, dende que se decide ir cara adiante e formar unha familia ou, pola contra, estar segura de que non se está afeita para asumir ese rol.

Elisabeth Badinter, filósofa e feminisita francesa, fala desta capacidade que ten a muller de decidir ao respecto de si mesma e proclama a non obrigatoriedade dos parámetros da maternidade.

Ao respecto disto, pódese dicir que no momento no que adoptas este novo “estado”, a forma e modo de como facelo depende de que persoa eres.

Nos últimos tempos está patente a figura da maternidade como mástil de crianza como “teta”, abalada pola OMS, cunha tendencia de volta á orixe no que se denomina “crianza natural ou respetuosa”  .

Carlos González ou Rosa Jové, son estandartes desta forma de crianza a traverso de seus libros e conferencias.

Pero non quere dicir que esta forma de crianza sexa á que se axeite a todas as mamás. Hai quen decide, polos motivos que máis lle pesen, non dar o peito ou non dalo a demanda,  pero non por elo van a ser malas nais.

Como diciamos antes, as nais tamén son compañeiras, parellas, amantes e é importante telo en conta.

Como se alcanza a ser nai? A traverso do amor, non si? É o inicio de todo. Vàlerie Tasso, sexóloga, dá moitas claves ao respecto.

 

Por último, e en relación a este fermoso día que pasou celebrando por todo o alto a figura da muller, temos a figura de nai traballadora.

Despois de pasar esas semanas de permiso recoñecendo ao novo membro da familia e ao novo estatus de fogar, hai que dar o seguinte paso, a volta ao traballo (profesional), ese duro momento no cal un se separa dos seus bebés e cáeselle o mundo enriba. Aquí, en España, o tempo de duración dese periodo de permiso é de 17 semanas dende este ano 2016 e a intención é alcanzar a 20 semanas, mais nada que ver co que sucede noutros países.

mayores permisos de maternidad en el mundo

 

A capacidade de superación que ten a muller ante esta revolución que é a maternidade, e todo o que elo conleva, é moi grande, nalgúns casos case inmenso seguramente, pero máis aínda cando estás integrada no mundo laboral e tes que conciliar e facer miles de peripecias para que o bebé estea coidado.

Dende aquí, as Bibliotecas Municipais da Coruña, homenaxeamos ás mulleres e, por suposto, ás nais. E feliz…

dia-internacional-de-la-mujer

 

Deixámosvos unha pequena mostra do que vos temos preparado na Biblioteca Infantil e Xuvenil durantes estas primeiras semanas de marzo, unha selección de materiais que afondan na figura da muller; podédelos consultar dentro do álbum #mullerescoraxe do Pinterest das Bibliotecas municipais

Recomendamos Beba

Por suposto, invitámosvos tamén a mergullarvos no noso catálogo e atopar todo aquelo que vos interese dentro das bibliotecas, ou no propio blog das Bebetecas para recordar como noutra ocasión xa falabamos da maternidade en solitario.

Acceso ao catálogo das Bibliotecas Municipais

 

 

¿Como llo explico?

¿Separádesvos pola miña culpa? ¿Que pasa cando un morre?

¿Como chegan os bebés á barriga? ¿Os meus papás de verdade non me querían?

¿Por que me sinto triste?

post

Os nenos e nenas son conscientes de máis cousas das que cremos, e a súa curiosidade asemella non ter fin. Ás veces, falar de certos temas con eles require dunha responsabilidade e enerxía dobres.

Tódolos proxenitores atópanse algunha vez con situacións incómodas, difíciles, sorprendentes, desconcertantes… en relación coas preguntas que lles fan os seus fillos e fillas. Situacións concretas coma un divorcio, a morte dun ser querido, unha adopción, a sexualidade… poden converterse en cuestións complicadas de explicar aos nosos pequenos.   O feito de convertelas en tabú e non falar delas pode xenerarlles moitas inquietudes e dúbidas.

No centro de interese SOS PAIS da Biblioteca Ágora poderedes atopar (desde XA e ata o mes de marzo) unha selección de libros que ofrecen pautas para introducir e tratar este tipo de temas cos menores: axudarlles a definir o que senten, afrontar a realidade e comprender determinados procesos.

sos pais 276-crop

A mostra ¿Como llo explico? concíbese como unha pequena axuda para  atopar respostas, verbalizar emocións e mellorar a comunicación familiar. Velaí algúns dos títulos que recollemos:

post2

¿QUE FAN @S MENORES NA REDE?

É a pregunta que diariamente se fan millóns de pais, nais e educador@s en todo o mundo. Vivimos nunha sociedade na que todo tipo de información está a dous “clic” de distancia: podemos conectar con persoas de calquera parte do mundo ou compartir as nosas experiencias con calquer interesado. Nenos e nenas, rapaces e rapazas de hoxe en día empregan Internet a diario para aprender, relacionarse con amigos e compañeiros, crear e mesturar contidos, xogar, entreterse… Isto ten moitas cousas positivas, pero tamén un lado escuro que como educador@s temos que saber recoñecer, e poder actuar cando os nosos menores topen con el.

Teléfonos móbiles, ordenadores e ata algunhas consolas de videoxogos permiten un acceso instantáneo e ilimitado a redes públicas, e moitos pais e nais están preocupados polo que podan facer os seus fillos neste mundo virtual. Protexelos non é doado, tendo en conta que cada día xorden novas formas de acceso.

Esta situación obríganos a ter unhas nocións básicas de como funciona Internet e aprender a establecer determinados filtros de seguridade. Deste xeito, evitaremos o acceso a páxinas perniciosas, bloquearemos anuncios non axeitados e reduciremos a posibilidade de que @s nen@s e adolescentes divulguen información persoal. Non podemos impedir que os nosos menores empreguen as novas tecnoloxías, pero si podemos asegurarnos de que aprendan a facelo coa debida precaución.

22166944188_525a206d98_z

Na mostra “¿Que fan os menores na rede?” recollemos unha selección de títulos que poden ser de gran axuda para todos eses pais, nais, educador@s e interesad@s en xeral que queren aprender a evitar riscos virtuais, ofrecendo a rede coma unha ferramenta útil que non represente un perigo para o menor. Aprender a navegar “con sentidiño” será un dos obxectivos da nosa biblioteca durante este último trimestre do ano.

Algunha das nosas propostas bibliográficas dentro desta mostra son:

  • O que fan os teus fillos en Internet (unha guía para pais). Leonardo Cervera. Integral, 2009.
  • Técnicas de hacker para pais: como controlar o que fai oi teu fillo por ordenador. Mar Monsoriu. Creaciones Copyright, 2007.
  • Manual imprescindible de redes sociais para a educación. Juan José de Haro. Anaya Multimedia, 2010.
  • Protexe ós teus fillos dos riscos de Internet e outras tecnoloxías. Juan F. Marcelo / Eva Martín. Anaya Multimedia, 2010.

galeria

Coma sempre, sen esquecernos dos máis pequenos:

  • O meu primeiro libro de informática. Francisco José Iglesias Sanz / Bruno Martínez Tabares. Everest, 2010.
  • Internet, ¡menuda rede! Françoise Virieux / Sébastien Chebret. Oniro, 2007.

I Xornadas sobre Atención e Aprendizaxe

Co obxectivo de estudar as diferentes etapas evolutivas do/a neno/a ata a etapa de lateralización, aclarar as dúbidas que existen en torno á importancia da lateralidade e o seu diagnóstico, o centro de psicoloxía Attendere organiza as I XORNADAS SOBRE ATENCIÓN E APRENDIZAXE.

Estas xornadas, dirixidas a nais, pais, educadoras/es e profesionais dos ámbitos do desenvolvemento infantil e da aprendizaxe, serán impartidas polo doctor D. Jorge Catalán Balaguer,  especialista no desenvolvemento infantil e asesor de profesionais da saúde e da ensinanza.

Para acceder ao contido específico desta convocatoria, preme sobre a seguinte imaxe:

“Somos rojos” de 0 a 12 meses

portadaEsta sesión para los más pequeños en la bebeteca del Forum Metropolitano estuvo dedicada al color rojo, en ella participaron Julia, Inés, Ricardo, Miguel, Amy, Iván y Noa junto a sus familias. Todos juntos pasamos como siempre un buen rato en la tarde del sábado jugando con los cuentos y con las palabras. Ya que como dice Paco Abril en su libro El don de los cuentos: Los humanos somos los únicos seres vivos dotados de palabras. Los cuentos potencian al máximo esa capacidad extraordinaria.

imagen_decalogo

En este post vamos hacer referencia al segundo porqué: Desarrolla el lenguaje de los pequeños

 ¿Cómo se desarrolla el lenguaje en los bebés?

Diversos autores coinciden en que el desarrollo de lenguaje verbal comprende dos etapas:

Etapa Pre-lingüística: Es considerada como la etapa del nivel fónico puro, debido a que el niño emite sonidos onomatopéyicos. Durante esta etapa, que abarca el primer año de vida, la comunicación que establece el niño con su medio (familia), especial y particularmente con su madre, es de tipo afectivo y gestual. De allí que para estimularlo lingüísticamente se debe utilizar, junto con el lenguaje afectivo y gestual, el lenguaje verbal. La palabra debe acompañar siempre al gesto y a toda actividad que se realicen con el bebé.

Esta etapa preverbal hasta hace poco despertaba escaso interés de los especialistas, pero gracias a las investigaciones actuales, hoy sabemos que tiene un valor relevante y trascendental en la configuración de las bases del desarrollo lingüístico, puesto que tanto las expresiones vocales (sonidos o grupo de sonidos de simple significación) como las expresiones verbales (sonidos, grupo de sonidos, palabras aisladas, etc.) influyen de modo determinante en el desarrollo posterior de la comunicación lingüística del niño.

Etapa Lingüística: Esta etapa empieza cuando el niño expresa la primera palabra, ya no solo realiza emisiones fónicas sino que empezará a expresarse verbalmente a través de palabras y frases con contenido semántico y sintáctico. Hay que señalar, además, que las niñas son las que empiezan a hablar un poco antes que los niños. Por otro lado, aparte del sexo, tomando como referencia las peculiaridades individuales, un niño puede demorarse más que otros en una etapa y pasar rápidamente por otra, condicionando la aparición de la primera palabra en los niños en cronologías distintas.

Secuencia de desarrollo del lenguaje por edades:

De 0 a 1 mes: Se comunicará a través del llanto buscando la satisfacción de sus necesidades.

2 meses: Produce ruidos y llantos diferenciados según la necesidad del niño o la causa que lo produce.

3 meses: Emite vocalizaciones y sonidos guturales “ga, ga” “gu, gu”, empezará a producir balbuceos con algunas consonantes y vocales.

4 meses: Existirá mayor interés por parte del bebé hacia las personas y los objetos, empezará a darse cuenta que los sonidos que emite producirán un efecto en su entorno.

6 meses: Por medio de los balbuceos empezará a conversar con las demás personas.

8 meses: Es la etapa del parloteo, emitirá más silabas seguidas a modo de respuesta a sus conversaciones.

10 meses: Responde a su nombre y a consignas simples tales como “no”, “ven”. Vocaliza de manera más articulada, empieza a imitar palabras.

12 meses: Imita las palabras y la entonación de los adultos. Comprende órdenes y prohibiciones y dice 2 o 3 palabras en promedio.

Os dejamos una pequeña muestra de como resultó la sesión en nuetra galería fotográfica en el Flikr de las Bibliotecas Municipales de A Coruña.

Recomendamos Beba

imagen_libro

Falamos? Escoitar ás familias para medrar con elas

Que a lectura de contos aos máis pequenos dende o seu nacemento é un xeito de estimular a adquisición da linguaxe e das capacidades comunicativas, é unha recomendación que como Bibliotecas con programas e espazos adicados aos bebés levamos facendo nos últimos anos.

O reforzamento deste consello, chegaba a finais do mes de xuño nun artigo publicado pola Academia Americana de Pediatría (APP) que sinalaba que a lectura con regularidade nos primeiros anos de vida estimulaba o cerebro e fortalecía a relación cos pais/nais nos momentos máis importantes do seu desenvolvemento.

Pero ademais da recomendación dos especialistas do ámbito médico de privilexiar a lectura nas idades temperás, é destacable que, neste caso, quen nos facía a achega era unha nai seguidora do blog da Bebeteca que descubría a nova nun xornal e decidía compartila con nós e facela extensible a todas as persoas interesadas na materia.

Untitled-1 copyAsí que aproveitamos para que como Natividad, todos vos sumedes a recomendar, achegar novidades, comentar e mesmo publicar nun futuro próximo. Retroalimentar para facer do blog unha ferramenta viva e dinámica.

Do mesmo xeito, convidámosvos e animámosvos a seguires visitando durante o periodo estival as nosas Bebetecas. Nelas, e co asesoramento do persoal bibliotecario, poderedes atoparvos cunha ampla variedade bibliográfica coa que fomentar o gusto pola lectura no fogar.

Preme na imaxe para acceder ás recomendacións de Beba

Contos sinxelos e atractivos, cheos de conceptos básicos e de vocabulario cercano ao mundo que rodea ao bebé, historias máis complexas coas que os pícaros desenvolverán a súa imaxinación e creatividade sentíndose participativos, ou contos onde poidan aportar experiencias propias e opinións.

Convidámosvos a que fagades uso destes materiais e non deixedes de gozar xuntos do máxico mundo da lectura!

Contacontos especial: as munipais entenden

Esta é semana na que, desde hai 3 anos, as Bibliotecas Municipais da Coruña celebramos o DÍA DO ORGULLO LGTBq.

Xa vos falamos nun post anterior de distintos contos infantís que introducen a diversidade afectivo sexual e que vos poden resultar de axuda para tratar este tema.

Se tedes fillos de entre 5 e 8 anos tamén vos interesará saber que esta semana temos 2 citas (o xoves 26, ás 18.30h na Biblioteca Castrillón e o sábado 28, ás 12h na Biblioteca Ágora) que vos van interesar. Trátase de 2 contacontos especiais para os que tedes que sacar entradas cubrindo un formulario se queredes asistir.

Contacontos Tres con tango

Contacontos Tres con tango

Se estades interesados en coñecer outros recursos coma películas, novelas, etc que aborden esta temática non dubidedes en visitar a nosa wiki LGTB e botar un ollo á selección que preparamos. Hai materiais para todos os gustos e para todas as idades.

Tampouco deixedes de ver a guía de lectura que acabamos de publicar.

 

Unha casa coas portas abertas.

Non é pouca a oferta infantil que na cidade da Coruña hai para xs pequenxs. Dende campamento urbáns a obradoiros de mil e unha temáticas. Todo eso pasando por nós mesmxs, as Bibliotecas Municipais, que formamos parte desa oferta con programas como Merendas con Contos ou o mellor coñecido precisamente neste blog, os Bebencontros. Á chea de actividades promovidas polos centros públicos hai que engadir interesantes propostas que collen sona ultimamente como o Dada Kindercafe, por poñer un exemplo.

A CASA TOMADA LOGOMais sen dúbida, unha proposta interesante á hora de abordar novos enfoques á vida cultural infantil da cidade é o que achega a xente que lle da vida á Casa Tomada. Oficialmente nada en 2013, tras moitos esforzos, A Casa Tomada representa un punto de inflexión na vida cultural da cidade. Se moitos teñen sido os proxectos como centros sociais, centros okupados, casas okupadas, etc, que na cidade viron a luz e duraron máis ou menos, A Casa Tomada recolle o testigo de establecerse como un “lugar onde vivir e crear experiencias dende a autoxestión” segundo elxs mesmxs.

Precisamente o carácter autoxestioado, o espazo alternativo e a organización horizontal, foron os detonantes para LOBO BOBOreseñar A Casa Tomada como lugar onde desfrutar en familia de diferentes propostas. Dende hai uns meses, entre as actividades infantís/familiares, podedes desfrutar da proposta de ioga en familia, ou de contacontos coma Na procura da canción perdida ou este domingo Lobo Bobo, da compañía Elefante Elegante.

Así que se queredes achegarvos a un enfoque diferente de programación, un lugar onde fomentar non só a cultura senón valores como a autoxestión, o faino ti mesmx e as actitudes colaborativas, non dubidedes en botar un ollo á rede e adentrarvos na vosa casa, na de todxs xs que queiran participar dela, A Casa Tomada.

%d bloggers like this: