Category Archives: + de 2 anos

Mans arriba… crab revolution!

Ás veces tes sentimentos de tristeza? Dás brincos de felicidade? Que ocorre cando notas como os teus ollos se enchen de bágoas pero non estás enfadado/a? Repartes bicos a moreas ou pola contra sentes medo?… 

Deixando atrás as fresquiñas sandías e os doces xeados (xa degustados polos nosos usuarios e usuarias), achegámosvos unha nova proposta estival baseada na exploración das emocións e con cheiro a salitre. 

1. sniff… 2. ups… 3. go… 4. pirouette… 5. yeah… 6. HUG!

A mostra bibliográfica MANS ARRIBA… ISTO É UN ABRAZO! é a nosa particular revolución “cangrexil”. Crustáceos molones que recomendan lecturas coa fin de descubrir as emocións, coñecelas e falar delas.

Preme na imaxe para acceder á galería fotográfica do noso recuncho!

Á vosa disposición unha escolma de 50 títulos infantís. Historias xenéricas (Así es mi corazón e Emocionario), que tratan a afectividade (El primer beso, La gran fábrica de las palabras e Te quiero… casi siempre), que fan referencia á amizade verdadeira (Calma, Adiós manoplas, El león y el pájaro e Amigos), que deixan entrever os celos (Los fantasmas no llaman a la puerta e Cuando estoy celoso), que falan do enfado (Desavenencia), da tristeza (Grisela) ou dos medos (Mis pequeños miedos). Tamén contos nos que os personaxes se senten incomprendidos (Cuervo e Todos menos uno), amosan sentimentos de perda (Más allá del gran río), entusiasmo (El punto) e descubren o bo de ser diferente (Malena Ballena e Monstruo Rosa), entre outras propostas que poderedes curiosear nunha visita á Biblioteca.

Click and Hug me!

E como agasallo… este ticket canxeable por un ABRAZO! Máis nada que esperar a vosa visita coas MANS ARRIBA! Feliz entrada do verán e, por suposto, boa noite de San Xoán! Fire on Apple iOS 10.3

LIX e LGTB #AsMunicipaisEntenden

· 53 Christopher Street. Greenwich Village – New York ·

Os Disturbios de StoneWall (28 de xuño do 1969) marcaron un inicio a prol do colectivo LGTB e ao recoñecemento dos seus dereitos. Dende entón e cada mes de xuño, conmemórase tal reinvindicación coa celebración do Día do Orgullo.

BIBLIOTECA: LIX E DIVERSIDADE SEXUAL LGTB

O compromiso que as Bibliotecas Municipais temos en relación a esta efeméride é permanente. Non só participamos na transformación das desigualdades sociais e culturais senón que tamén tentamos implementar accións efectivas e inclusivas con vistas a unha diversidade sexual que reforce a educación plural dende idades temperás.

Os contos son as nosas ferramentas máxicas (educativas e formativas). Excelentes vehículos de comunicación que fomentan aptitudes e desenvolven actitudes. Axúdannos a promover a igualdade e detectar estereotipos sexistas, homófobos e transfóbicos dende o respecto á diversidade.

Mais o traballo se é en equipa resulta moito mellor. É por iso que vos queremos facer partícipes desta “reinvindicación permanente” achegando lecturas (dirixidas a nenos e nenas de 0 a 8 anos) que axuden a entender a diversidade como elemento enriquecedor da nosa sociedade. Variedade de historias para compartir no fogar-escola e establecer bases coa fin de evitar posibles discriminacións en idades adultas.

Só tedes que visitar as nosas bibliotecas, levar en préstamo algún destes materiais e unirvos á campaña municipal “Vive a túa Cor. Sexualidades Diversas, Identidades Libres” co obxectivo de reivindicar os dereitos e visibilizar ao colectivo LGTBQI Rainbow Flag on Apple iOS 10.3 SUPPORT US!

CantoConto!: Festa final con Migallas Teatro.

Queridísimas familias, moi ao noso pesar tivemos que dicir adeus a CantoConto! Iso si, só durante uns meses: en outubro volveremos vernos para seguir contando contos e cantando moitas cancións. Pero, para despedirnos ao grande deste curso, quixemos contar cuns amigos moi divertidos que sabiamos que vos ían a namorar: nada menos que Migallas Teatro.

Para os que non puidestes vir, deixámosvos aquí unha selección das fotos que sacamos nas catro sesións que se celebraron, nas bibliotecas do Fórum, Sagrada Familia, Monte Alto e Castrillón.

CantoConto!: Ti podes!

Os nosos amigos Bea e Paolo presentáronnos a un amigo seu, un lobiño que non era capaz de soltar o seu chupete. Para conseguilo, con moito agarimo foron contando e cantando uns contos marabillosos: “Polo camiño“, “Chibos chibóns“, “Qué fai falta?“, “Lúa“, etc.

Qué contento estaba o noso lobo! Grazas a tenrura de Bea e Paolo, e, como non, ao seu sentido do humor, pasamos unha tarde deliciosa. Moitas grazas por acompañarnos!

Esperamos volver vervos o curso que vén, estade atentos ao noso blogue, a nosa páxina web e ás redes sociais (facebook e twitter) das bibliotecas municipais. Lembrade que este é un programa para familias con nenos de 2 e 3 anos, así que se voso peque ten esta idade só tedes que inscribirvos sete días antes da sesión á que queredes asistir.

Feliz verán, cantoconteiros!

CantoConto!: “Érase unha vez… un bosque”.

E pasiño a pasiño chegamos a última sesión de CantoConto! deste curso; antes, por suposto, da gran festa final que se celebrará en breve nas catro bibliotecas: Fórum (18 de maio), Sagrada Familia (23 de maio), Monte Alto (24 de maio) e Castrillón (25 de maio). En breve teredes máis información, estade moi atentos.

Nesta ocasión os protagonistas da tarde foron os bosques e os animais que viven neles. O noso amigo o bufo veunos visitar e contounos que lera un libro moi triste dun bosque feito enteiramente de lixo. Qué espanto! Non foi quen de acabar o conto. Menos mal que nos acordamos de que ese libro estaba na biblioteca, que o liamos e acababa ben. 

O conto titúlase “Érase unha vez… un bosque“, de Helen Ward con ilustracións de Wayne Anderson. Nel coñecemos a un ancián que vive nunha solitaria casa no medio dun bosque de lixo; o ancián reutiliza todo o que pode, pero cada noite soña cun verdadeiro bosque cheo de plantas e animais salvaxes e felices. Un día, unha vella lámpada rota daralle unha marabillosa idea…

As preciosas e poéticas ilustracións deste libro achégannos a un mundo onde podemos conseguir o que desexamos se poñemos empeño e ilusión. O noso amigo bufo quedou máis tranquilo ao descubrir que o conto remataba ben e que o lixo non acababa invadíndoo todo. Aproveitamos a ocasión para falar sobre a importancia de manter limpos a natureza en xeral e os bosques en particular.

E para celebralo decidimos contar outro conto, máis divertido e tamén cheo de animaliños do bosque: “Boas noites, bufo“, de Pat Hutchins. Pat gústanos moito, é a autora do divertido libro “O paseo de Rosalía“, e este non queda atrás: mentres o pobre bufo tenta durmir, as abellas, os estorniños, os corvos e moitos outros animais dedícanse a facer toda clase de ruídos e a non deixarlle descansar. Iso si, conseguirá o seu desquite antes de que termine a historia! Un conto acumulativo cheo de sons e de risas.

A continuación coñecemos as Maimiñas, unhas amigas que un día decidiron ir dar un paseo e acabaron dando a volta ao mundo, coñecendo outros países, culturas e cancións. Todos xuntos cantamos e bailamos “De safari“, unha alegre canción onde as feras campan ás súas anchas!

Hoxe recomendamos estas lecturas:

  • Las cuatro estaciones desde el gran árbol. Ilustrado por Britta Teckentrup; texto Patricia Hegarty. Bruño, 2015.
  • O meu pequeño animalario: a montaña e o bosque. Francesca Chiapponi, Marina Raffo e Patrick David; ilustracións, Olivier Verbrugghe. A Coruña: Bahía, D.L. 2009.
  • El grúfalo. Julia Donaldson; ilustraciones de Axel Scheffler.
  • Piñeiro (Kalandraka) de la colección Do berce á lúa. Antonio Rubio e Óscar Villán. Pontevedra: Kalandraka, 2014.
  • Solo en el bosque, Ian Beck. Juventud, D.L. 2001.
  • El Sr. Conejo y el regalo perfecto, Charlotte Zolotow. Ilustraciones de Maurice Sendak. Barcelona: Corimbo.
  • Juguemos en el bosque, Monica Bergna. Caracas: Ekaré, 2003.
  • El pequeño castor, Amy MacDonald e Sarah Fox-Davies. Barcelona: ING Ediciones, 2011.
  • Con las puntas de los dedos, Truus. Madrid: SM, 1999.
  • Hambre de lobo, Ignacio Sanz. Ilustraciones, Carlos Velázquez. Barcelona: Edebé, 2010.
  • Una noche en el bosque, Philippe Bertrand. Madrid: SM, 2007.

Deixámosvos algunhas fotos destas sesións, que, como sempre, compartimos na nosa conta de Flickr. Non vos esquezades de reservar a vosa invitación para a gran festa final con Migallas Teatro. Como sempre, abrirase a inscrición unha semana antes en cada biblioteca. Ata entón!

CantoConto!: Ti podes!

CantoConto!: Glub, glub, glub

pitocantor

 

Esta semana chegamos á décima sesión de CantoConto!, que titulamos “Glub, glub, glub” xa que decidimos descubrir contos, rimas, libros informativos e cancións onde os animais mariños son os protagonistas.

pablo1

Tic tac.

Comenzamos escoitando a Pablo Díaz, cantando e bailando  “Imos contar un conto”. A continuación falamos  dos animais mariños  e  decatámonos que ao vivir nunha cidade con mar e Acuario podemos ver de cerca moitos destes animais que tanto nos gustan. Resultou que os asitentes a CantoConto! son uns especialistas en peixes, coñecen  moitos, de moitas clases diferentes e ata algún que outro famoso!

Descubrimos unhas fermosas poesías  no libro “Ripios y adivinanzas del mar”, de Fernando del Paso, ilustrado por Jonathan Farr.

 

ripios-y-adivinanzas-del-mar-calamarAunque no escribe ni pinta,

me asegura un calamar

tener suficiente tinta

para pintar todo el mar.

 

 

 

Tamén gozamos con outro dos nosos contos favoritos “Nadarín“, de Leo Lionni, gran artista, recoñecido internacionalmente e con máis de 40 obras aclamadas pola crítica especializada, moitas delas están dispoñibles nas Biblioteca Municipais.

descarga.

E como sempre rematamos  a sesión cantando, nesta ocasión non podíamos esquecernos da nosa peixeira favorita, “Manola”, canción  incluída no libro-disco XIQUI XOQUE, FIÚ FIÚ de  María Fumaça, editado por Galaxia.  Podes escoitala canto queiras na nosa lista de reproducción de YouTube9788498655216

recomendamos-cantoconto

  • El pez Arcoiris /  Marcus Pfíster. Beascoa, 2005
  • Don caballito de mar / Eric Carle. Kókinos, 2005
  • Animales marinos. Bruño, 2006.
  • Océanos e mares / Nicola Davies. Baía, 2007
  • Los animales marinos al dedillo /  Nathalie Choux. Combel, 2011
  • Acuario / María Canosa; Dani Padrón.  Embora, 2012
  • A mares / María Jesús Jabato; Rocío Martínez. Factoría K de Libros, 2014

Podes visitar a nosa galería de Flickr para ver as fotos desta sesión. Ata pronto!

 

 

Nova sesión de CantoConto: “Pero ti qué pensas!”


Nova sesión de CantoConto! nas bibliotecas municipais. Nesta ocasión tocamos un tema tan importante como delicado: as diferenzas entre as persoas, a riqueza que iso implica para a sociedade, pero os problemas que pode sufrir quen o viva coma un obstáculo. As bibliotecarias quixemos facer unha declaración de intencións e declarámonos tan diferentes, particulares e singulares como o que máis. Que viva a diversidade!

Comezamos a tarde coa canción de Pablo DíazImos contar un conto“, un clásico de CantoConto! que peques e maiores cantan e bailan con alegría. Unha das cousas que máis nos unen é o gusto pola boa múscia, e Pablo é un artista que nunca decepciona.

O primeiro conto da tarde foi esta marabilla: “Ricitos de oso“, de Stèphane Servant e Laetitia Le Saux. Unha historia divertida sobre unha familia de osos que están a preparase para o Antroido. Cando o pequeno oso cóntalles que se quere disfrazar de Ricitos de Oso, cunha saia e coletas louras, papá Oso tentará por tódolos medios facerlle cambiar de idea. Pero a interrupción dun personaxe inesperado dará un xiro sorprendente á historia…

A continuación chegou un novo amigo, o “Monstruo rosa”. Contounos que, desde que naceu, sempre sentiu diferente do resto dos seus amigos: mais grande, máis torpe, menos serio e máis espontáneo. Como non conseguía ser feliz, emprendeu unha longa viaxe onde, tras varios días dunha longa travesía, conseguiu chegar a un lugar… case mellor deixemos que descubrades o final do conto por vós mesmos, seguro que vos gustará.

A canción escollida para rematar a tarde foi “Pero ti que pensas!“, da Banda Migallas (do seu disco “Zaragallada“). A historia comeza cun valse de voda e remata cunha rumba moi rebelde. Unha homenaxe a todas as mulleres que pelexan cada día por mellorar as súas condicións de vida.



Deixámos aquí unhas recomendacións de lecturas relacionadas coa temática da sesión:

Azul y Bertie / Kristyna Litten.– Barcelona : Blume, 2016.
Quen é ese becho? / [texto e ilustracións], Carmen Queralt ; [traducción, Manuela Rodríguez].– Pontevedra : Kalandraka, 2014.
¡Ves al revés! / Jeanne Willis ; ilustraciones de Tony Ross.– México : Fondo de Cultura Económica, 2008.
Tuk es Tuk / Claudia Legnazzi.– Buenos Aires : Del Eclipse, 2004.
Kiwi : un pájaro más bien raro / Susanna Isern; Rebeca Luciani.– La Seu d´Urgell (Lleida) : La Fragatina, 2012.
Monosapiens / [autor] Davide Calí, [ilustrador] Gianluca Folí.– [Granada] : Barbara Fiore, D.L. 2013.
Fede diferente / Miriam Koch.– Barcelona : Corimbo, 2013.
Un bicho raro / ilustraciones Emilio Urberuaga ; texto Paz Rodero, José Moraán.– Zaragoza : Edelvives, cop. 2003.
Elmer / David McKee.– Barcelona : Beascoa, D.L. 2006.
Lolo un conejo diferente / Guido Van Genechten.– Madrid : S.M., D.L. 2013.
¡Zas pum! / Heinz Janisch; Helga Bansch.– Salamanca : Lóguez, D.L. 2003.
Pájaro Amarillo / Olga de Dios [autora e ilustradora].– Zaragoza : Apila, 2015.
¡Soy una niña! / Yasmeen Ismail.– Barcelona : Corimbo, 2016.
Ernesto / texto, Lola Casas y Gusti; ilustraciones, Gusti.– Barcelona : Serres, cop. 2007

E, coma sempre, compartimos as fotos de CantoConto! en Flickr, para que as poidades gozar na casa e, así, non esquezades voltar para a próxima sesión.

CantoConto!: Ti podes!

Ata pronto!

CantoConto!: Somos artistas

pitocantor

Unha semana máis comenzamos a sesión de CantoConto! coa canción de Pablo Díaz “Imos contar un conto”, que cada vez coñecemos mellor e que nos encanta escoitar na biblioteca.

cavalo-azul-g_01Esta semana visitounos Ole, que está moi emocionado pois comenzou a pintar, inspírase na biblioteca con moitos dos libros de arte e manualidades que temos na sección de Saber e coñecer, coa boa música e por suposto, cos contos.

Temos moitos pequenos grandes artistas que non dubidan no emprego das cores e que nos axudaron a contar o conto “O artista que pintou un cabalo azul“, de  Eric Carle,  escritor e ilustrador estadounidense que leva editados máis de setenta libros distribuidos arredor de todo o mundo e traducidos a máis de cincuenta idiomas. Nas Bibliotecas Municipais poderás atopar moitas das súas obras.

900-257-261-6_gLogo proxectamos a historia de “Matías dibuja el sol”, de Rocío Martínez. A Matías tamén lle gusta pintar, está practicando e esfórzase para facer o mellor debuxo do sol pero comprobamos que  non todos vemos o mesmo nas obras de arte.

 

51k57nynshl-_sx258_bo1204203200_Dentro dos nosos libros favoritos sempre están os da colección “Do berce á lúa“, de Antonio Rubio e Óscar Villán, nesta ocasión contamos, xogando coas imaxes e as rimas, o conto de “Crocodilo”.  Non cansamos de  recomendar  esta colección publicada por Kalandraka.

 

Para rematar a sesión, escoitamos a Mamá Cabra coa canción “Son un artista”,  incluída no libro-cd-dvd ‘Ola, ola, la!’, da Editorial Galaxia, colección Sonárbore 2010, xa coñecida para moitos dos asistentes e un gran descubrimento para quen non a coñecía, animándonos a cantar e bailar.  Podes escoitala canto queiras na nosa lista de reproducción de YouTube

recomendamos-cantoconto

  • Soy un artista / Marta Altés. Blackie Books, 2014
  • El punto / Peter H. Reynolds. Serres, 2003
  • El sueño de Matías / Leo Lionni. Lumen, 1992
  • Mis primeras manualidades : para descubrir el placer de crear / Isabelle Bochot. San Pablo, 2015
  • Plastilina / Anna Llimós. Parramón, 2005
  • Manualidades ecológicas para niños / Kate Lilley. Juventud, 2014

Deixámosvos unhas fotos das sesións nas bibliotecas na nosa conta de Flickr

 

 

CantoConto!: Ti podes!

Estes días puidemos disfrutar da sétima sesión de CantoConto! deste curso. Nesta ocasión quixemos abordar o tema da autoestima. Por todas partes atopamos mensaxes que nos falan da súa importancia para a felicidade dos adultos, pero debemos recordar que podemos fomentala dende os primeiros anos.pablo1

En CantoConto! adoitamos tocar temas sensibles da forma máis lúdica e divertida posible, e éste non ía ser menos. Coma sempre, abrimos a sesión coa nosa canción de cabeceira “Imos contar un conto” do disco Tic, tac de Pablo Díaz.

Pero logo veñen os contos, e nunca son os mesmos.

nicomedes-o-pelado

 

Presentamos nesta ocasión ó noso amigo “Nicomedes, o pelado” de Pinto&Chinto, editado por Kalandraka e que podedes localizar en calquera das nosas bibliotecas municipais. É unha historia moi divertida sobre tódalas cousas que poden suceder nunha cabeleira nada convencional.

tu-puedes

 

O feito é que todos temos características que nos fan únicos e que non debemos esquecer valorar. O seguinte título que abordamos nesta sesión foi “¡Tú puedes!” de Ole Könnecke e publicado por Editorial Lóguez nun formato moi chusquiño. “¡Tu puedes!” conta a historia dun pequeno paxariño que se atopa cun reto que lle custa afrontar. Cunha ilustración moi sinxela e expresiva, este conto consigue introducirnos na pel deste novo e simpático amigo.

alegria

Rematamos a sesión cunha canción moi inspiradora do libro-disco Alegría! de Sérgio Tannus, publicado por Galaxia na colección Sonárbore. Esta colección está composta por libros-discos para achegar a música ós máis pequenos da casa. Algúns deles xa os coñecemos en CantoConto! e forman parte da nosa lista de reprodución  de YouTube.

recomendamos-cantoconto

  • A escada vermella / Fernando Pérez Hernando. Kalandraka, 2015.
  • El más listo / Mario Ramos. Corimbo, 2012.
  • Nariz de ouro / texto de Raquel Saiz ; ilustracións de Juliana Bollini. OQO, 2010.
  • Tito fai de malabarista / Guido van Genechten. Tambre, 2007.
  • Todos menos uno / Éric Battut. Libros del Zorro Rojo, 2011.
  •  Primeros auxilios emocionales para niños y adolescentes : guía para padres / Javier Urra. La esfera de los libros, 2016.
  • Abrázame, mamá : el desarrollo de la autoestima infantil y juvenil / Mª Luisa Ferrrós. Planeta, 2007.
  • Cuentos para educar con inteligencia emocional : los niños de colores / Clara Peñalver;  Sara Sánchez. Beascoa, 2014.
  • Burbujas de paz / Sylvia Comas; Fermín Solís. Nube de Tinta, 2016.Deixámosvos unhas fotiños das sesións nas diferentes bibliotecas. Poderedes atopar máis na nosa conta de Flickr.

This slideshow requires JavaScript.

 

CantoConto! Parabéns!

Con motivo da celebración do aniversario dunha das nosas bibliotecarias, aproveitamos esta sesión para felicitar todos os aniversarios do ano, tanto das nenas e nenos como de seus pais e nais, avós e avoas… pero, ao estilo CantoConto!, con cancións e contos.

Descubrimos que a nosa compañeira estaba de aniversario, como non, a través do conto “¡Que llega el lobo!” ¡Que llega el lobo!dun dos nosos escritores/ilustradores favoritos, Èmile Jadoul. Este escritor belga vive no medio do bosque onde atopa diferentes animais que inspiran as súas historias e imaxes cheas de vida e cor. Como nesta ocasión, en que varios animaliños advirten da chegada do lobo á casa de gran Cervo, onde lle agarda unha fabulosa… Sorpresa!

Chancho-PanchoPero a meirande preocupación que pode ter unha persoa que vai estar de aniversario, non é a celebración de cumpreanos senón como se comporten os seus convidados na mesma. Isto aconteceu no conto de “Chancho-Pancho“, que conta as peripecias dun porquiño que, xa con nove anos, vai celebrar por primeira vez o seu aniversario, pero a concorrida reunión váiselle das pezuñas e convértese nun despropósito caótico, interrompido prematuramente pola súa enfurecida tía Asunción.

Este maxestuoso conto, está escrito e ilustrado polo estadounidense Maurice Sendak, que xa desde os 9 anos crea e ilustra, coa axuda do seu irmán, libros para nenos. Cabe destacar, que en 1970 gañou a Medalla Internacional Hans Christian Andersen ao mellor ilustrador. E no 2003 foi galardoado co premio Memorial Astrid Lindgren, ex aequo coa escritora austriaca Christine Nöstlinger. E, en 1964, foi galardoado coa medalla Caldecott. Por se isto fora pouco, ilustrou máis de 100 libros de autores como Hans Christian Andersen e será lembrado como o debuxante que revolucionou o libro infantil.

Finalmente, unha boa celebración que se precie, non pode rematar sen agasallos. E, en CantoConto! tiñamos o mellor, “El regalo“, escrito por  Gabriela Keselman. Onde coñecimos a Miguelito, que quería…

ALGO GRANDEEL REGALO

SUAVE E QUENTIÑO

ALGO FORTE

DOCE QUE DURE UN ANAQUIÑO

QUE O FAGA VOAR

QUE O FAGA RIR

QUE SE MOVA DUN LADO A OUTRO

COMO CHE GUSTARÍA A TI!

Para despedirnos dunha sesión chea de sorpresas, apertamos aos nosos seres queridos, e con eles cantamos un clásico de todas as festas de aniversario, o cumpreanos feliz… dun xeito moi especial:

Se queredes seguir desfrutando dos contos e da música, ademais de consultar o noso catálogo en liña, deixámosvos as recomendacións desta sesión.

recomendamos-cantoconto

  • El mensaje secreto de cumpleaños / Eric Carle.– [S.l.]: Kókinos, cop. 2007.
  • ¡Feliz cumpleaños, Mauro! / David Melling; [traducción, Elena Gallo Krahe].- [Zaragoza]: Edelvives, D.L. 2014.
  • La magia de los regalos / Montse Tobella.– Zaragoza: Edelvives, D.L. 2009. –
  • Lulú voltereta / Daniel Picouly, Frédéric Pillot.– Madrid: Pearson Educación, D.L. 2006.
  • Cumpleaños feliz / Juliet Pomés Leiz.– Barcelona: Tusquets, 2005.
  • Só un reloxo / Roberto Aliaga; Amrei Fiedler; [traducción, María Alonso Seisdedos].– Fraga (Huesca): La Fragatina, 2015.
  • Coas mans baleiras / texto de Ana Tortosa; ilustracións de Cecilia Varela.– Pontevedra: OQO, 2010.
  • A casa da miña avoa / texto de Pep Bruno; ilustracións de Matteo Gubellini.– Pontevedra: OQO, 2009.
  • Un dedo al año / Montse Ganges [texto]; Imapla [ilustracións].– Barcelona: Thule, cop. 2007.
  • Un agasallo diferente / Marta Azcona, Rosa Osuna.–     Pontevedra: Kalandraka, 2005.
  • Un regalo muy grande / Carl Norac; ilustracións Émile Jadoul.– Zaragoza: Edelvives, D.L. 2004.
  • El más bonito de todos los regalos del mundo / Pascal Teulade; ilustracións de Jean-Charles Sarrazin.– Barcelona: Corimbo, cop. 1999.

Deixámosvos unhas fotos das sesións de todas as bibliotecas. Agardamos que vos presten! Vémonos na vindeira sesión e non esquezades reservar a vosa praza!

This slideshow requires JavaScript.

Live · Love · Green

O segredo é não correr atrás das borboletas… É cuidar do jardim para que elas venham até você” Mário Quintana

E co desexo de que esas bolboretas cheguen até ao noso xardín plantexamos: MUNDO VIVO… PASAPORTE Á NATUREZA!

As bibliotecarias Violeta e Lupe amósannos algunhas das recomendacións "naturais" do Mundo Vivo

As bibliotecarias Vio e Lupe amosan algunhas das recomendacións “naturais” do Mundo Vivo

Mundo vivo é unha escolma de contos infantís que ten por obxectivo espertar o interese pola natureza e crear conciencia do coidado e preservación do medio ambiente.

%d bloggers like this: