Category Archives: Bebelotes

A música impacta no cerebro do teu bebé

Cando as notas musicais penetran no ouvido do teu bebé non só xeneran a actividade das áreas que procesan a audición, senón que activa máis de dez rexións diferentes do noso cerebro: a amígdala e o núcleo acumbens (zonas relacionadas coas emocións), o hipocampo (que participa nos procesos de memoria), o cerebelo (encargado do ritmo) e as cortizas sensitivas e prefrontais (que interveñen nos procesos de razoamento), son algúns exemplos disto. Por iso dicimos que a música impacta fortemente no cerebro do teu bebé.

Segundo a Teoría de Gordon sobre o desenrolo musical, a aptitude musical é unha capacidade que, do mesmo xeito que outras cualidades humanas, posúe toda a poboación ao nacer en maior ou menor medida. Esta aptitude vese inmediatamente influída pola contorna. Canto máis rica e variada sexa a contorna musical do neno, antes se verá exposto a ese contexto musical e maior será o nivel de aptitude musical que alcance ese bebé.

O profesor e musicólogo Paulo Lameiro segue os preceptos de Gordon nos seus “Concertos para bebés“, o que non quere dicir que faga música para bebés, senón que fai música para que o seu público sinta a música. Está demostrado que a capacidade auditiva dos bebés é trescentas mil veces maior que a dos adultos. Na nosa cidade tivemos o pracer de escoitar a estes grandes músicos no programa de Bebescena no centro Ágora.

Non vos perdades o sábado 18 de marzo ás 12.00h. o concerto “El efecto Arco Iris” do grupo de corda da Orquestra Sinfónica de Galicia. Tras o éxito obtido co seu anterior espectáculo (“As Cores das Cordas”), estes profesionais repiten esta tempada o seu segundo espectáculo, que nos mergulla no fascinante mundo das emocións. Convidando aos máis pequenos a descubrir como a música pode expresar os nosos estados de ánimo.

Pola importancia da música nas nosas sesións, despois de cada Bebencontro os nosos pequenos asistentes levan en préstamo un Bebelote. Nestas mochilas compostas por contos para eles e libros para as mamás e os papás, nunca pode faltar a música, e concretamente a clásica. Queremos que a música, os seus matices, as súas cores, enriquezan os ouvidos dos peques e desenrolen ao máximo as súas capacidades auditivas.

Se queredes seguir desfrutando de contos e de música na casa, podedes consultar o noso catálogo en liña ou vir pola Biblioteca e descubriremos moitas historias interesantes para vós.

Para ver unha pequena mostra gráfica do cuarto Bebencontro, tanto de 0 a 12 meses como o de 13 a 24meses, podedes mergullaros na galería Flickr das Bibliotecas Municipais. Que desfrutedes do Entroido e vémonos nas vindeiras sesións!

Advertisements

Os previos tamén son importantes

No 2017, na Biblioteca Municipal Infantil e Xuvenil quixemos darlle un espazo tamén ós que agardan a chegada dun novo membro á familia.

Presentámosvos os Pre-lotes (para futuras familias).

E que son?

Son  lotes ideados coa finalidade de axudar, sacar medos e divertir ás futuras mamás e papás.

Neles atoparedes libros sobre o embarazo, adicados ao papá e que se vexa reflexado, sobre lactancia, música, relaxación, algunha que outra risa, etc.

Deste xeito chegaredes ao gran momento con menos dúbidas e temores.

Acompañámolos co noso cuaderno Que vai e ven onde poderedes escribir os vosos pareceres sobre a selección e darnos recomendacións, de seguro, interesantes.

Son o complemento perfecto para os Bblotes que xa temos nas nosas bibliotecas e que cada tempada reformulamos para o noso público máis esixente.

Todos os nosos lotes contan como 1 só préstamo e tendes 30 días para desfrutalos podendo amplialos 10 días máis se fora preciso.

E recordade que tamén temos os Bebencontros para vir contar, cantar e xogar con nós.

calendario bebencontros 2016/2017

Tendes máis información sobre as  Bebetecas na nosa WEB e para consulta, o catálogo OnLine das Bibliotecas Municipais da Coruña.

OPAC das bibliotecas municipais da coruña

 

Contamos coas mans

20161015_164316

Coa chegada do mes de outubro, mes de magostos, de castañas, de follas caídas, de cores ocres… comezamos os bebencontros na Biblioteca Forum Metropolitano. Os sábados 15 e 29 tivemos na bebeteca uns convidados moi especiais xunto coas súas familias. Todos xuntos contamos e cantamos coa boca e coas mans, porque narrar coas mans é posible.

Os bebés teñen a capacidade de comunicarse desde que nacen. A través do pranto, do sorriso, da mirada… dinnos o que sinten ou precisan, pero ás veces cústanos moito entenderlles e non sempre diferenciamos ben o que nos queren expresar.

Que facer?

Psicólogos e expertos en linguaxe de signos afirman que o LSE  pode constituír  unha ferramenta fundamental para comunicarvos  co  voso  bebé, desta maneira conseguiredes que o voso bebé  sexa capaz de transmitirnos aquelas cousas que de maneira oral aínda non lle é posible. Ademais con esta linguaxe  conseguimos reforzar os lazos afectivos, aumentar a confianza e mellorar a capacidade de comunicación que irán perfeccionando de maneira natural ata chegar á adquisición da linguaxe oral, favorecendo desta forma o desenvolvemento intelectual dos pequenos.

A utilización da lingua de signos con bebés oíntes é  práctica coñecida como Baby signos (ou Signos para Bebés) que xurdiu en EEUU nos anos 80. Mesmo hai constancia dun estudo realizado nos anos 60 que probaba que os bebés que aprendían lingua de signos, podía signar ao redor de 75 signos á idade de 9 meses, permitindo unha comunicación moito máis efectiva entre pais e fillos que os bebés que non signaban.

Cando comezar?

O momento idóneo para empezar a practicar LSE (sempre respectando a evolución do bebé). Podemos fixala segundo os expertos entre os 6-10 meses, xa que é cando comezan a usar as súas mans de forma consciente para sinalar obxectos, dicir “ola” ou “adeus”, o que nos indica que o bebé xa adquiriu as habilidades motoras necesarias, e que o seu cerebro xa esta preparado para controlar, de maneira consciente, os movementos das súas mans e brazos.

Por esa razón, nas sesións deste ano, imos empregar sinxelos signos nalgunhas das nosas cancións ou poesías.

Así signamos Beba e Bebeteca:

Os contos destas sesións foron:

Podedes ver na galería Flickr das Bibliotecas Municipais unha mostra fotográfica das sesións do mes de outubro.

#Recomendamos Beba

Recomendámosvos uns libros para tocar, cantar e xogar.

 

Estes e outros contos podédelos atopar no catálogo das Bibliotecas Municipais da Coruña.

Acceso ao catálogo das Bibliotecas Municipais

 

Os esqueletos visitan a Bebeteca Ágora

Conta a lenda celta que, fai moitos anos, na noite do día de defuntos, os espíritos dos mortos camiñaban ceibes polo noso mundo, mentres os vivos gozaban dun gran banquete. Era a noite do Samaín. A tempada de colleitas chegaba ao seu fin e dábase a benvida ao escuro inverno.

untitledEste ano os espíritos decidiron adiantarse un chisquiño no tempo e facer parada na Biblioteca Ágora. Convertéronse en bibliotecarixs e botáronnos un cable cos primeiros Bebencontros do curso. O Samaín pareceunos un bo recurso para facer un achegamento ás nosas tradicións e destacar a influenza da literatura oral no desenvolvemento dxs pequenxs. Recuperamos parte dese imaxinario popular que dende o berce nos achega ó noso entorno cultural e nos regala os primeiros flirteos coa literatura, o arte e a música.

Cando o reloxo marcou a unha, os esqueletos saíron das tumbas e animáronnos a mover o corpo con Chumba la cachumba, da Editorial Ekaré. Un título da colección Clave de sol, libros ilustrados que son á vez contos para contar e cancións para cantar, pertencentes á tradición oral española e hispanoamericana. A golpe de sonaxeiro, conseguimos que xs pequenxs deixaran os medos a un lado e brincaran cos esqueletos. Montouse un bo alboroto no cemiterio!!

tumba

As ocurrentes ilustracións de Carlos Cotte fan deste libro unha festa visual e unha xenial maneira de aprender a contar e cantar a hora.

Para baixar de revolucións recuperamos outro clásico da nosa nenez, aínda que neste caso “remasterizado” pola Editorial Kalandraka: o Veo Veo de Antonio Rubio e Óscar Villán. Un poema convertido en xogo musical que atrae moitísimo axs pequerrechxs pola forza das súas rimas.

veoveo

A parte musical tamén merece unha parrafada: para darlle ritmo ó asunto estiveron sonando dende o Thriller de Michael Jackson ata temas das BSO de Maléfica e Beetlejuice. Pola nosa parte xa hai compromiso manifesto de coidar con máis mimo este aspecto, ir máis alá das cancións meramente infantís e sacarlle todo o xugo á música como motor centrífugo de emocións e sensacións.

Agardando a súa quenda na cestiña bibliográfica do día, outros membros dese imaxinario herdado (todos eles dispoñibles no catálogo das Bibliotecas Municipais):

Xa de cara ao remate da sesión e namentres xs bebés se mergullaban entre contos, aproveitamos para comentar coas familias as modificacións recén feitas no programa de Bebelotes. Ademais dunha nova ubicación na sala infantil, as mochilas contan con cunha reformulación dos seus contidos: novedades editoriais, materiais en lingua estranxeira e enquisas máis sinxelas para o seu enchemento.

post-2

Para descubrir como o pasaron xs nosxs mini-lectores nesta “terrorífica” xornada podes visitar o noso Flickr. Se che dan algo de envexa, xa sabes que facer: acompañarnos na seguinte cita. Truco ou trato?

Bebés y literatura…¡qué bella aventura!.Bbencontro Os Rosales 28 Noviembre

Bienvenidos a esta bella aventura… ¡bebés y literatura!

Queremos agradeceros el interés y la confianza que habéis depositado en el programa dirigido a vosotros, padres y madres que sentís la necesidad de guiar a vuestros hijos en su itinerario como lectores.

La familia es el entorno ideal para crear ambientes favorables a la lectura y poner en contacto los libros con los niños desde edades muy tempranas.

Vosotros los padres:

  • Sois los mejores especialistas en literatura infantil y juvenil porque tenéis una gran ventaja, una combinación sin posibilidad de fracaso: lectura y cariño
  • Tenéis un don cuando contáis cuentos a vuestros hijos: el don del afecto
  • Configuráis un contexto determinante para fomentar el gusto por la lectura, teniendo en cuenta que los niños imitan actitudes y buscan modelos principalmente en vosotros, sus padres.
  • Jugáis con la ventaja de conocer el carácter de vuestros hijos y podéis prever sus reacciones e intuir lo que les pasa en cualquier momento. Por ello vuestro papel es insustituible, también, a la hora de hacerles llegar los libros, ya que podéis relacionar lo que hay en ellos con lo que vuestros hijos conocen y les gusta.

En esta tarea de conseguir que los niños y niñas adquieran el gusto por la lectura no estáis solos. Los bibliotecarios mediamos para solventar dudas o incertidumbres. A través de orientaciones, sugerencias o consejos intentamos reflexionar juntos sobre modos de cómo lograr despertar en los niños la pasión por la lectura.

Os invitamos a seguir participando de los Bbencontros, disfrutar de los Bblotes y acudir al espacio de la bebeteca donde encontraréis estrategias y recursos para aprender y disfrutar con vuestros hijos pequeños de la lectura.

Comezamos os Bebencontros na Biblioteca Infantil e Xuvenil

Un ano máis, na Biblioteca Infantil e Xuvenil invitamos aos máis pequechos a pasar as tardes de sábado entre libros, os seus protagonistas e cancións que acompañan.

Coma sempre intentamos que os futuros novos lectores pasen uns momentos agradables e divertidos na biblioteca, onde, a través da estimulación temperá e nutrindo a súa contorna, axudamos ao desenvolvemento das súas habilidades, tanto sociais (entendendo a biblioteca como lugar de encontro nun Espacio de Bebeteca, xerando relacións con iguais) como sensoriais, motoras, etc.

Durante as sesións presentamos diferentes materiais que facilitan o descubremento dos libros, a música e o xogo, dende libros-cd pasando por outros máis específicos como os bits de intelixencia que consisten nunha serie de fichas con imaxes de liñas e cores planos e palabras sinxelas, perfectos para a aprendizaxe visual de obxectos, así coma o son das palabras e a identificación do entorno máis cercano dos bebés.

Cuberta do libro Na granxa: un libro despregable para barrigolas

Na granxa. Libro despregable para barrigolas

Cuberta do libro ¡Mira! 20 tarjetas con imágenes para tu bebé

¡Mira! 20 tarjetas con imágenes para tu bebé

 

Para os máis pequenos e pequenas (de 0-12 meses) contamos con libros moito máis visuais, os libros carrusel, libros que a través do xogo e sempre acompañados de cantos e retahílas, recollen a atención dos nenos e nenas pola súa sonoridade e pola repetición das verbas.

Na sesión dos máis grandiños (de 13-24 meses) xa avanzamos un pouco máis na identificación das partes do corpo, neste caso como xa comezan a imitar os xestos dos maiores e iguais, valémonos dun dos libros que, a través do xogo do “cucú”, nos vai ensinando tódalas partes da testa.

Está claro que nos gusta transmitir a través dos libros, dos xogos, dos xogos que atopamos nos libros e dos libros que nos dan moito xogo! Así que aquí tedes unha pequena selección dos que utilizamos nestes primeiros Bebencontros da Biblioteca Infantil e Xuvenil, e esperamos ós seguintes para mostrarvos moitos máis.

Hastag das recomendacións das Bibliotecas Municipais¿Qué esconde el pequeño Edu?

Portada de ¿Qué esconde el pequeño Edu?

La casa del Señor Coc

la casa del señor coc

Recordade que podedes levarvos en préstamo todos estes libros e moitos outros similares que atoparedes nas nosas bibliotecas (podedes consultar a súa dispoñibilidade no catálogo web) e que se non queredes ou non tedes tempo para buscalos tamén temos preparados Bebelotes de acordo aos meses dos bebés e ás temáticas que máis vos apetezan tratar.

Acceso ao catálogo das Bibliotecas Municipais

 

Comezamos os Bebencontros na Biblioteca Forum

Érase unha vez…

RatitaUnha ratiña moi presumida… deste modo comezamos o pasado 17 de outubro os Bebencontros na Biblioteca Forum Metropolitano. Da man deste conto clásico ilustrado por Chantal Vizcaino e doutras historias.

Despertamos a curiosidade dos bebés musicando o conto: Un caracol? de Guido Van Genechten, no que ao ir despregando, o caracol da cuberta vaise transformando nunha bolboreta, a bolboreta nun rato, o rato nunha serpe e a serpe nun camaleón que ía zampar un moscón… si ou non?

caracol-veo-veoMira, mira, mira,

dime que verás!

Mira, mira, mira,

e descubrirás…!

ylalunasonrioEsportadate sábado, 31 de outubro, divertímonos cos máis pequenos da man dun vello amigo, o xa coñecido señor Coc, e cos seus amigos o burro Tontón, a gata Timotea, a vaca Lola e o poliño Lito que toma “biberón con gustito a leche con sabor a bombón”.

Xogamos coas estrelas mentres a Lúa sorría.

Ao ritmo da canción dos “seis ratoncitos” botamos na pelota desfrutando todos xuntos do curruncho máxico da Bebeteca.

Coma sempre, ao finalizar as sesións, Beba achegounos as verbas que durmen nas nubes e que espertan nos contos, desexando que xoguemos con elas.

Como podedes imaxinar desfrutamos dunhas marabillosas tardes de sábado, na que bebés, nais, pais e bibliotecarias tivemos ocasión de deixar voar a imaxinación.

Para que lembredes o ben que o pasamos, deixámosvos unha mostra gráfica das sesión do 17 e do 31 de outubro da Biblioteca Forum Metropolitano. Podedes consultar a galería flickr das Bibliotecas Municipais da Coruña. Agardámosvos de novo!

#Recomendamos Beba

Lembrade que aínda que non haxa Bebencontros, seguimos na Biblioteca Forum, cunha chea de contos, música, Bebelotes e documentos para Pais, que sempre poderedes atopar dende o noso catálogo.

Nesta ocación recomendámosvos aos pais un libro de Francisco Mora ¿Es posible una cultura sin miedo? (Alianza, 2015); e para os bebés, un novo conto de Antonio Rubio e Óscar Villán titulado Violín (Kalandraka, 2014).

Montaxe Bebe

O Entroido chegou á Biblioteca Infantil e Xuvenil. Bebencontro do 14 de febreiro: 0-12 meses

O sábado pasado puidemos gozar dunha nova sesión dos Bebencontros na Biblioteca Infantil e Xuvenil xunto con Valeria González, Daniel, Jacobo, Lucas, Valeria Lema, Bárbara, Miguel e Claudia.

Aproveitando as datas, desta volta invitamos ó Señor Coc a que nos presentase as súas propostas para o Entroido, coloridas, moi coloridas, e descubrimos cos textos e as solapas como Os disfraces do Señor Coc dan lugar a historias disparatadas e divertidas.

E ó mellor non o sabiades, pero ata atopamos na natureza eses animaliños que tamén parecen xogar a disfrazarse como A Varvo, esa vaca que pola noite “berrea”, ou O Ganejo, o gato que come cenorias.

Como ben sabemos nas Bibliotecas municipais, o “diálogo” dos máis pequerrechos cos libros pasa polo xogo. Un xogo que a través da manipulación dos libros escollidos, as cancións e narracións, os nenos e nenas poden interactuar e desenvolver a súa percepción do entorno, do seu mundo.

O desenvolvemento da percepción dos bebés irá pouco a pouco aumentando as súas habilidades. Cómo?

– Mediante a sinalización dos obxectos, debuxos, cores e formas, incluíndo as negacións destas.

– Mediante a localización: ao describir a ubicación dun obxecto ou persoas.

– Dirixindo a atención cara unha imaxe concreta.

– E mesmo contando (enumerando) os elementos que aparezan nas imaxes.

Un seguiente paso na estimulación céntrase na análise selectiva, que ven dada, entre outras cousas, pola descrición de esceas (situacións, paisaxes) e das características de obxectos e personas (con conceptos coma a cor, tamaño, forma, cantidade, posición, etc.)

E niso andivemos o sábado, en estimular, en percibir, en recoñer o mundo e crear lazos con el e, sobre todo, en disfrutar dos libros, das súas cores e historias, narradas e inventadas, e en familia, que é coma mellor se está.

Vémonos pronto, moi prontiño, e seguiremos a intentar que disfrutedes de todo o que atopamos agochado nos libros.

Mentres, xa sabedes, podedes recordar a sesión na galería das Bibliotecas en Flickr e aproveitar os Bebelotes que vos temos preparados para levarvos en calquer momento.

 

Lotes de Recursos de Lectura na Biblioteca Ágora

A cousa vai de lotes, e nunca mellor dito, xa que ás coñecidas mochilas viaxeiras/bebelotes que temos á vosa disposición nun amplo número de Bibliotecas Municipais, sumaranse a partires  do próximo luns 20, un total de cinco bolsas de contido específico,  nas que atoparedes unha selección de documentos relacionados coa experiencia lectora de profesionais, familias, educadores, etc.

Algúns dos lotes de recursos de lectura á vosa disposición

Poñemos tamén en valor, unha serie de títulos relacionados coa lectura fundamentalmente, que forman parte dun nutrido fondo de contido especializado que tendes dispoñible na Biblioteca Ágora, e que de seguro será de interese para todos vós.

E é que …“Para educar a un neno, fai falta a tribo enteira”

Algúns dos títulos que atoparedes nos lotesñlkujo

Este proverbio africano que aparece recollido na obra de José Antonio Marina e María de la Válgoma, “La magia de leer”, reforza o camiño que como bibliotecas ao servizo da comunidade nos corresponde cumprir na tan necesaria mobilización educativa, xa que nos atopamos entre os colectivos que temos algo que dicir a este respecto (familia, escola, editoriais, institucións…)

A reflexión sobre esta posta en acción social, deunos un motivo engadido en Ágora, para que dende o espazo que nos corresponde como biblioteca, puideramos preparar unha serie de materiais vencellados á lectura (lotes/mochilas) que foran quen de ser utilizados en calquera momento por pais/nais, docentes, estudantes, bibliotecarios e mesmo afeccionados a historiar contos, para atopar e traballar interesantes recursos de lectura.

q35623574Así é que a partires do día 20, teredes á vosa disposición unha selección de guías, ensaios, reflexións, etc,  con exemplos e referencias  que de seguro orientarán inquedanzas e contribuirán a unha maior implicación de todas e todos nunha grande “conspiración lectora”.

 Aproveitamos para lembrarvos ao mesmo tempo, que será tamén o luns 20, cando poderedes retirar as entradas para asistir ás primeiras sesións de bebencontros que terán lugar na Bebeteca de Ágora o vindeiro día 25.

E se non hai sorte, convidámosvos igualmente a compartir con nós  espazo, bebelotes, e por suposto, os recursos de lectura…

E con Daniel Pennac e algúns dos seus dereitos do lector, despedímonos sabendo que a súa obra “Como unha novela”, que atoparedes incluída nos lotes, non vos deixará indiferentes trala súa lectura…iuytrv

Dereito a saltar as páxinas

Dereito a non rematar un libro

Dereito a reler

Dereito a ler en calquera sitio

Dereito a ler en voz alta

E lembrade, “todas as revolucións saudables comezaron pola lectura”.

Zdĕnek Miler nos novos lotes de Ágora

Se falamos de Zdĕnek Miler,   é probable que de entrada non coñezamos a este autor europeo de mediados do século pasado, pero se dicimos “Mole” , de seguro que nos virá á cabeza a pequena toupiña que o creador checo deseñou alá polos anos 50 e que tivo un éxito parello ao de Mickey Mouse en todo o bloque oriental de Europa, no Xapón e mesmo en China e India.

Zdĕnek Miler creando no seu estudo

Zdĕnek Miler naceu na República Checa nos anos vinte do século pasado, perto de Praga, alí estudou na Escola Nacional Gráfica e na Facultadade de Artes e Oficios, o que o levou a traballar nun estudo de debuxos animados, especializándose na produción de cine e películas de animación. Ao longo da súa vida fixo perto de setenta películas, nas que case cincuenta, o protagonista era a súa máis famosa creación, a pequena toupiña KrteK, en checo.

Para dar a coñecer a figura deste autor, que recibíu a medalla ao Mérito Nacional en 2006, nutrir parte do novo repertorio de lotes que ofreceremos a partires de setembro na Biblioteca Ágora,  e con motivo das achegas que nos fixeron os nosos usuarios/as da Bebeteca Ágora, decidimos crear máis dunha ducia de novos lotes nos que incluímos + materiais en galego, + música, + audiovisual á vez que reformulamos algún contido existente.

Algúns dos títulos dos lotes

E dentro desas novas mochilas viaxeiras, irá a toupiña de Zdĕnek Miler da man da editora Patas de Peixe, libros de ducha en galego, e mesmo unha caixa de ferramentas para sorprenderse con texturas e formas. Aproveitamos para lembrar que todas as achegas que nos facedes sempre redundan en novidades/renovacións e, claro está, na satisfacción de todos. Esperamos que desfrutedes destes materiais e non dubidedes en achegarvos para coñecelos.

Para rematar, un pouco de música da que se inclúe nesta nova aposta de lotes na Bebeteca Ágora. Grazas a todas as persoas por ter participado coas súas aportacións.

%d bloggers like this: