Author Archives: nmartinezrey

Recomendacións dos nen@s para o Día Internacional do Libro Infantil e Xuvenil

A miúdo somos os bibliotecarios e bibliotecarias das Bibliotecas Municipais da Coruña os e as que publicamos recomendacións de lectura nos nosos blogs, mais nesta ocasión contamos cunha colaboración moi especial.

Co motivo da celebración do Día Internacional do Libro Infantil e Xuvenil, dende a Biblioteca Municipal Ágora pedimos aos nenos e nenas dos colexios da nosa contorna que compartiran con nós os seus libros preferidos. Rapaces e rapazas de Educación Infantil e de Educación Primaria dos colexios María Barbeito, Raquel Camacho e San Pedro de Visma pasaron polo espazo Recomendamos LIX e contáronnos cales eran as súas obras favoritas.

Espazo recomendamos LIX

O espazo Recomendamos LIX

Este é o resultado  

                 Contos que camiñan

                                    con escolas que contan

Os nenos e nenas de Educación Infantil que visitaron a biblioteca recomendaron, entre outros moitos:

Pola súa banda, os rapaces e rapazas de Educación Primaria do CEIP Raquel Camacho recomendáronnos a lectura de:

Só nos queda desexarvos, co mesmo entusiasmo que amosan os rapaces e rapazas nos vídeos, un feliz día do libro infantil e xuvenil. E animarvos a compartir con nós tamén as vosas recomendacións, ben comentando no blog ben nas redes sociais baixo a etiqueta #recomendamosbmc.

Advertisements

Obradoiro de lectura expresiva para nais e pais

Na Biblioteca Municipal Ágora imos facer un OBRADOIRO DE LECTURA EXPRESIVA dirixido a nais e pais con nenas e nenos de idades comprendidas entre os 3 e os 7 anos.

Obradoiro lectura expresiva.jpg

Neste obradoiro queremos trasladar ás familias a esencia do programa Merendas con contos, poñendo en valor a aprendizaxe da lectura expresiva en tódalas súas formas. Aprenderemos a contar un conto e adquiriremos recursos expresivos que nais e pais poderán aplicar no seu día a día.

A sesión terá lugar o luns 14 de outubro, ás 18.30 horas, na sala infantil da Biblioteca Municipal Ágora. A retirada de entradas para o obradoiro é de forma presencial na biblioteca, contamos cun total de 50 invitacións que se repartirán ata completar aforo.

Para facilitar a asistencia a nais e pais, desenvolverase unha actividade paralela de animación cultural para todas aquelas familias que precisen vir con seus fillos/as.

Así que,

mamás e papás se vos apetece aprender a contar un conto … ¡animámosvos a participar no obradoiro!

Recursos web para nen@s

Di a refranería popular que os nenos e nenas veñen cun pan debaixo do brazo, atreveríame a dicir que na era dixital na que vivimos inmersos veñen cun aparello tecnolóxico da man. De ahí a importancia de formar aos máis pequerrechos no uso correcto das novas tecnoloxías da información e da comunicación, son nativos dixitais si, pero é menester achegarlles a tecnoloxía como ferramenta de aprendizaxe, entretemento e busca de información.

 Tics para nen@s

Dende as Bibliotecas Municipais da Coruña elaboramos unha guía de recursos web para nenos e nenas de idades comprendidas entre os 0 e os 5 anos, que poñemos á vosa disposición. Podédela consultar en formato pdf pinchando no seguinte enlace: Webs para nen@s de 0 a 5 anos. Os recursos están clasificados por centros de interese, abarcando categorías temáticas diversas como o tempo libre, para axudarche nos estudos, xogos, libros e autores, etcétera. Algúns exemplos de recursos web incluídos na guía:

Asómesmo, tamén compartimos con vos unha selección de recursos web para rapaces e rapazas un pouquiño máis maiores, pero que agardamos sexa de interese: Webs para nen@s de 6 a 8 anos.

%d bloggers like this: